logo

иқтисод

АСАЛИ ТОҶИК. ИСТЕҲСОЛ ЗИЁД, СОДИРОТ КАМ. ЧАРО?

Вазорати кишоварзии Ҷумҳурии Тоҷикистон аз сатҳи ҳамкорӣ бо шумо арзи сипосу  миннатдорӣ менамояд. Ҳамзамон, иттилоъ медиҳад, ки мақолаи рӯзноманигор Моҳлиқо Шарифова, ки дар рӯзномаи «Ҷумҳурият» аз 14.04.2022, № 72 (24431) нашр гардидааст, мавриди баррасӣ қарор дода шуд.
 
Корхонаи воҳиди давлатии занбӯрпарвари «Асали Тоҷикистон»-и Вазорати кишоварзии Ҷумҳурии Тоҷикистон тибқи фармоиши Вазорат ваколатдори соҳа дар Ҷумҳурии Тоҷикистон муайян гардида, барои рушди соҳа, махсусан афзун намудани оилаҳои занбӯри асал, истеҳсол ва содироти асал кӯшиши ҳамешагӣ дорад.
Тибқи маълумотҳои оморӣ соли 2021 дар ҳамаи шаклҳои хоҷагидории ҷумҳурӣ 4390,2 тонна асал истеҳсол шудааст, ки нисбат ба ҳамин давраи соли гузашта 169,3 тонна зиёд мебошад.
Тавре аз маълумотҳои оморӣ бармеояд, ҳамасола дар ҷумҳурӣ шумораи оилаҳои занбӯри асал зиёд гардида, ҳамзамон, истеҳсоли асали молӣ низ афзоиш ёфта, имкони содироти он ба хориҷи кишвар зиёд мешавад.
Бо ин мақсад, қарори Ҳукумати Ҷумҳурии Тоҷикистон таҳти № 271, аз 30.05.2019 Дар бораи Нақша - чорабиниҳо оид ба беҳтар намудани фазои сармоягузорӣ дар соҳаи кишоварзӣ ва рушди тиҷорати аграрии Ҷумҳурии Тоҷикистон барои солҳои 2019-2021 қабул гардид. Тибқи муқаррароти қарори мазкур, асали молии Ҷумҳурии Тоҷикистон ба давлатҳои Аврупо содирот  мешавад.
Аз тарафи Маркази тиҷорати Тоҷикистон бо дастгирии Созмони  ҷаҳонии савдо, ки ҷумҳурии мо шомили ин Созмон мебошад, дар доираи амалисозии лоиҳаи «Дастрасии маҳсулоти кишоварзии Тоҷикистон ба бозорҳои содиротӣ тавассути низоми беҳтаргардонидаи бехатарии маҳсулоти хӯрокворӣ» аз ҷониби мутахассисони корхона ва намояндагони Кумитаи бехатарии озуқавории назди Ҳукумати Ҷумҳурии Тоҷикистон 104 намунаи асали молии Тоҷикистон аз истеҳсолкунандагони вилоятҳои Суғду Хатлон, Бадахшон ва НТҶ ҷамъоварӣ гардида, ба яке аз лабораторияҳои дорои аккредитатсияи байналмилалии давлати Олмон барои санҷиши бехатарӣ фиристонда шуд. Рафти санҷиши намунаҳо тариқи маҷозӣ шаффоф нишон дода шуд ва аз 104 намуна 101- тои он мусбат арзёбӣ гардид, ки ин аз бехатар ва ҷавобгӯ ба талабот будани асали Тоҷикистонро шаҳодат медиҳад.
         Содироти асали молӣ соли 2021-ум 28 тоннаро ташкил дода нисбати соли 2020-ум 23 тонна зиёд мебошад, ки дар оянда афзоиши содирот дар назар дошта шудааст.
Барои ба роҳ мондани содироти асал тибқи дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар миқёси ҷумҳурӣ чор корхонаи коркард ва бандубасти асал муҷаҳҳаз бо технологияи ҳозиразамон ва ҷавобгӯ ба талаботи байналмилалӣ, аз ҷумла як корхона дар шаҳри Хуҷанд, якто дар ноҳияи Дарвоз ва дутои дигар дар ноҳияҳои Ховалингу Балҷувон, аз ҷониби соҳибкорони ватанӣ сохта ба истифода дода шуд.
Барои ба хориҷи кишвар баровардани асали молӣ якчанд омилҳое ҳастанд, ки садди роҳ мешаванд: аз ҷумла;
- набудани системаи мониторинг ва назорати дорувории байторӣ ва боқимондаи онҳо дар маҳсулотҳои хӯрокворӣ, махсусан асали молӣ;
- набудани иқтидори лозимаи ташхиси лабораторӣ доир ба бехатарии асали молӣ;
- риоя накардани қоидаҳои истифодаи дорувории байторӣ, махсусан антибиотикҳо, аз ҷониби занбӯрпарварони инфиродии кишвар;
- паст будани нархи хариди яклухти асал.
Ҳамзамон, доир ба омодасозии кадрҳои соҳавӣ мавриди зикр аст, ки айни замон дар факултаи зооинженерии Донишгоҳи аграрии Тоҷикистон ба номи Шириншоҳ Шоҳтемур кафедраи махсуси парандапарварӣ ва занбӯриасалпарварӣ фаъолият намуда, ҳамасола зиёда аз 25 мутахассисро омода месозад.
Вазорати кишоварзии Ҷумҳурии Тоҷикистон, КВД «Асали Тоҷикистон» дар ҳамкорӣ бо вазоратҳои кишоварзии давлатҳои хориҷӣ ва созмону ташкилотҳои байналмилалӣ дар мулоқоту вохӯриҳо оид ба содироти асали Ҷумҳурии Тоҷикистон ба хориҷи мамлакат кӯшиши ҳамешагӣ менамоянд.
 
М. Б. МИРЗОЗОДА,
муовини якуми вазири кишоварзӣ


Баёни ақида (0)    Санаи нашр: 20.06.2022    №: 118    Мутолиа карданд: 223
29.06.2022


Густариши ҳамкорӣ бо Барномаи рушди СММ

"МАКТАБИ СИЁСИИ ПЕШВОИ МИЛЛАТ". КОНФРОНСИ БАЙНАЛМИЛАЛӢ ДАР БОХТАР

Путин дар саммити Хазар дар Ашқобод ширкат хоҳад кард

Ҷаҳон дар як сатр

Медали биринҷии Моҳрӯ аз ЧО

КӮШОНИЁН. ИФТИТОҲИ ПУЛ МУШКИЛИ СОКИНОНРО ҲАЛ КАРД

28.06.2022


СУҒД. СОЗИШНОМАҲОИ НАВИ ҲАМКОРӢ БА РУШДИ ВИЛОЯТ МУСОИДАТ МЕКУНАНД

«САДОИ АДИБОНИ ДУНЁ ДАР ВАСФИ ТОҶИКИСТОН». МУҲАББАТНОМАИ АДИБОНИ ДУНЁ БА ТОҶИКОН РӮИ ЧОП ОМАД

ТОҶИКИСТОН. ЗАРФИЯТҲОИ САЙЁҲӢ БА МАРДУМИ ОЛМОН МУАРРИФӢ МЕГАРДАНД

ХАТЛОН. ТАЪМИНИ ЁРИИ ҲУҚУҚӢ БА СОКИНОН

24.06.2022


Тасаллияти Ҳукумати Тоҷикистон ба мардуми Афғонистон

23.06.2022


Вохӯрии Сарвазири Тоҷикистон бо муовини директори Хазинаи байналмилалии асъор

МУЛОҚОТИ РАҶАББОЙ АҲМАДЗОДА БО СОҲИБКОРОНИ ӮЗБЕКИСТОН

Токаев Путинро шарики боэътимоди Қазоқистон медонад

ҶАҲОН ДАР ЯК САТР

ШӮҲРАТ МУҲАММАДЗОДА: "САҲМИ СОҲИБКОРОН ДАР ОБОДОНИИ НОҲИЯ ТАВСЕА МЕЁБАД"

22.06.2022


Вазири корҳои хориҷӣ сафири Арабистони Саудиро ба ҳузур пазируфт

Лукашенко дар назди деҳқонон вазифаҳои нав гузошт

ҶАҲОН ДАР ЯК САТР

БОНКИ МИЛЛИИ ТОҶИКИСТОН. ТАШРИФИ ҲАЙАТИ ХБА РАВОБИТИ ДУҶОНИБАРО ТАҲКИМ МЕБАХШАД

«SOCIETY MAGAZINE». НАШРИ СИЛСИЛАМАҚОЛАҲО ДАР БОРАИ ТОҶИКИСТОН

20.06.2022


СҲШ. ДИПЛОМАТИЯИ ХАЛҚӢ БАРОИ ТАҲКИМИ ДӮСТӢ ХИДМАТ МЕКУНАД

17.06.2022


САЙЁҲӢ. ДОНИШҶӮЁНИ ТОҶИК ДАР АРАБИСТОНИ САУДӢ ТАҶРИБА МЕОМӮЗАНД

МАСТЧОҲ. БОЗДИДИ РАИСИ ВИЛОЯТ АЗ ҶАРАЁНИ КОРҲОИ ОБОДОНӢ

16.06.2022


НОҲИЯИ ФИРДАВСӢ. ГУЗОРИШ АЗ ЯК ҲАМОИШИ МУҲИМ

СҲШ. БАРГУЗОРИИ ҶАЛАСАИ ШУРОИ ҶАВОНОН ДАР ТОШКЕНТ

14.06.2022


ХОРУҒ. МУСОДИРАИ СИЛОҲУ МУҲИМОТИ ҶАНГӢ АЗ ХОНАИ ДУ САРКАРДАИ ГУРӮҲИ ҶИНОЯТӢ

Эрдоган дар нишасти НАТО ният дорад мавқеи қатъии Туркияро дар масъалаи терроризм таъкид намояд

ҶАҲОН ДАР ЯК САТР

ДМТ. ИФТИТОҲИ БИНОИ НАВСОХТИ ДОНИШКАДАИ КОНФУТСИЙ

РОҒУН. 105 ИНШООТИ ҶАШНӢ БУНЁД МЕГАРДАД

13.06.2022


Путин ба муносибати Рӯзи Россия бар аҳамияти ваҳдат барои мардум таъкид кард

10.06.2022


30 корманди ДМТ соҳиби манзили истиқоматӣ шуд

СММ ислоҳоти сиёсӣ дар Қазоқистонро пуштибонӣ кард

ҶАҲОН ДАР ЯК САТР


Дар сомонаҳои дигари Тоҷикистон хонед