logo

мулоқотҳо

Дар Тошканд Эмомалӣ Раҳмон бо Ху Тсзинтао вохӯрд

Президенти Ҷумҳурии Тоҷикистон Эмомалӣ Раҳмон баҳри  иштирок дар ҳамоиши навбатии сарони давлатҳои аъзои Созмони ҳамкории Шанхай, ки 11 – уми июн баргузор гардид, ба шаҳри Тошканд – пойтахти Ӯзбекистон сафар кард.

10 июн дар шаҳри Тошканд Сарвари давлати Тоҷикистон     Эмомалӣ Раҳмон бо Раиси Ҷумҳурии Мардумии Чин Ху Тсзинтао мулоқот намуд.
Дар вохӯрӣ масоили ҳамкории бисёрпаҳлуи дуҷониба ва бисёрҷонибаи ду кишвар баррасӣ шуданд.
-Ҷумҳурии Мардумии Чинро мо шарики стратегӣ ва мӯътамади Тоҷикистон шумурда, ба таҳкиму густариши муносибот бо он манфиатдорем, - изҳор дошт дар оғози сӯҳбат Сарвари давлати Тоҷикистон.
Ху Тсзинтао дар навбати худ изҳор дошт, ки «Ҷумҳурии Мардумии Чин омода аст ҳамаи тадбирҳои Тоҷикистонро баҳри таҳкими истиқлоли давлатӣ ва рушди иқтисодиёти худ устуворона дастгирӣ намояд».
Эмомалӣ Раҳмон аз сатҳ ва мазмуни ҳамкории дуҷонибаи Тоҷикистону Чин, қабл аз ҳама аз татбиқи босамари лоиҳаҳои муштараки иқтисодию инфрасохторӣ, ки барои Тоҷикистон аҳамияти стратегӣ доранд, изҳори қаноатмандӣ намуд. Ба суръат ва сифати кори ширкатҳои чинӣ, ки дар Тоҷикистон ба бунёди роҳу пулҳо, нақбҳо, хатҳои интиқоли нерӯи барқ ва корхонаҳои саноати кӯҳкорӣ машғуланд, баҳои баланд дода шуд.
Бо қаноатмандӣ зикр гардид, ки бо вуҷуди бӯҳрони ҷаҳонии молиявию иқтисодӣ, ҳаҷми мубодилоти моли миёни Тоҷикистону Чин дар соли 2009 қариб ба 1,5 миллиард доллари ИМА баробар шуд.
Ху Тсзинтао ба нақши байналмилалии Тоҷикистон баҳои баланд дода, ба Сарвари давлат Эмомалӣ Раҳмон барои саҳми намоёнаш дар омодасозии ин ҳамоиши сарони давлатҳои Созмони ҳамкории Шанхай ва умуман таҳкими эътибори ин созмон дар арсаи ҷаҳонӣ арзи сипос намуд.
Раиси Ҷумҳурии Мардумии Чин омодагӣ ва ҳавасмандии кишварашро оид ба густариши ҳамкорӣ бо Тоҷикистон, аз ҷумла барои маблағгузорӣ ва  татбиқи лоиҳаҳои сершумори иқтисодӣ таъкид намуд.
Зикр гардид, ки масъалаи аз ҳисоби сандуқи қарзии Созмони ҳамкории Шанхай, ки ҳаҷми умумии маблағаш 10 миллиард долларро ташкил дода, барои кишварҳои аъзои ин созмон пешбинӣ шудааст, ҷудо намудани қарзҳои имтиёзнок ба Тоҷикистон мавриди баррасии ҷиддӣ қарор дорад. Ху Тсзинтао изҳор дошт, ки имсол Ҳукумати Ҷумҳурии Мардумии Чин барои дастгирии рушди иқтисодиёти Тоҷикистон 80 миллион юан (6,7 юан =1$)  грант ва барои бартарафсозии оқибати офатҳои табиат 5 миллион юан кӯмаки башардӯстона ҷудо мекунад.
Ҳар ду ҷониб изҳор дошт, ки барои такмили техникии гузаргоҳи сарҳадии Кулма-Қаросу ва таъмини кори он дар ҳамаи фаслҳои сол ва ҳамчунин баҳри густариши робитаҳои Тоҷикистон бо минтақаи Синсзян-Уйғури Ҷумҳурии Мардумии Чин  кӯшиш ба харҷ медиҳад.
Гуфтугӯи судманд ҳамчунин оид ба дигар масоили мавриди таваҷҷӯҳ, аз ҷумла масъалаҳои минтақавию ҷаҳонӣ, сурат гирифт.


Баёни ақида (0)    Санаи нашр:    №:    Мутолиа карданд: 536

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед