logo

энергетика

«Тоҷиктекстилмаш» барои НБО-ҳои хурд дастгоҳ месозад

То соли 1990 дар Корхонаи воҳиди давлатии «Тоҷиктекстилмаш», ки яке аз корхонаҳои давлатии саноатӣ ба ҳисоб рафта, дар рушди иқтисодиёти кишвар саҳми калон дошт, технологияи нав, яъне истеҳсоли мошинҳои калобаресӣ ва дастгоҳҳои бофандагӣ ба роҳ монда шуда буд. Баъди пошхӯрии Иттиҳоди Шӯравӣ вобаста ба талабот доираи фаъолияти истеҳсолии корхона маҳдуд гашта бошад ҳам, вале аз кор намонда, ба истеҳсоли дигар навъи маҳсулот машғул шуд.
Имрӯз завод дорои сехҳои механикӣ ва рехтагарист. Сехи рехтагарӣ иқтидори истеҳсоли 4 навъи маҳсулот: оҳан, чӯян, металли ранга ва пластмасро дошта, аз пластмасса ва металҳои ранга маҳсулоти ниёзи мардум ва барои мошину дастгоҳҳо қисмҳои эҳтиётӣ истеҳсол мекунад. Инчунин соли 2008 як сехи хурди оҳангудозӣ барои истеҳсоли тамғаҳои гуногуни симҳои оҳанӣ аз партови металҳои сиёҳ ба кор шурӯъ кард. Дар ин ҷо ҳамаи дастгоҳҳои истеҳсолӣ дар ҳолати хуби корӣ қарор дошта, бо мутахассисони пуртаҷриба таъминанд.
Иттиҳодия иқтидори калон дорад, вале вобаста ба дархосту эҳтиёҷи муштариён кор мекунад. Агар дархост зиёд шавад, метавонад дар 2 ё 3 баст фаъолият намояд.
- Иттиҳодияи мо бо бузургтарин корхонаҳои ҷумҳурӣ, аз ҷумла, бо КВД «Алюминийи тоҷик», Вазорати мелиоратсия ва захираҳои об, нерӯгоҳҳои барқи обии Норак, Роғун, «Сангтӯда -1», силсиланерӯгоҳҳои дарёи Вахш ва ғайраҳо ҳамкорӣ намуда, мувофиқи дархосту шартнома маҳсулот истеҳсол мекунем, -гуфт Комилҷон Сангаков, муовини директори генералӣ оид ба истеҳсолот. – Барои алюмингудозон зиёда аз 100 номгӯй қисмҳои эҳтиётӣ, ки пеш аз хориҷа ворид мекарданд, омода месозем. Азбаски кишвари мо аграрӣ мебошад, барои хоҷагии қишлоқ 3 навъи плуги ПНЯ-3-35, ПН-3-35, ПЯ-2-35, сихмола ва зиёда аз 30 навъи қисмҳои эҳтиётӣ истеҳсол менамоем.
Мушкилоти норасоии барқро ба назар гирифта, айни замон дастгоҳҳое месозем, ки бо нерӯи об дар як соат 30 кВт барқ истеҳсол мекунад. Бо ин восита мехоҳем дар ҳалли мушкилоти аҳолии деҳоти ноҳияҳои дурдаст дар таъминот бо барқ саҳм гузорем.
Мавриди зикр аст, ки мутахассисони КВД «Тоҷиктекстилмаш» соли 2009 дар таъмири капиталии агрегати № 3-и НБО- и Норак корҳои зиёдеро анҷом доданд ва имрӯзҳо дар таъмири агрегати № 8-и ин нерӯгоҳ саҳм  мегиранд.
Ба гуфти К. Сангаков, корхона айни ҳол мушкилот надорад, танҳо мунтазири хоҳишу дархости муштариён аст. Дар коргоҳ 500 нафар коргар ҳамарӯза фаъолият менамояд. Барои онҳо шароити хуби корӣ фароҳам оварда шудааст.
- Дар оянда нақшаҳои зиёде дорем. Кӯшиш мекунем, ки бо корхонаҳои азими ҷумҳурӣ робитаи ҳамкориро қавитар ба роҳ монда, маҳсулоти дорои сифати баланд истеҳсол намоем,- мегӯяд Комилҷон Сангаков.

Матлубаи АБДУҚАҲҲОР,
«Ҷумҳурият»


Баёни ақида (0)    Санаи нашр:    №:    Мутолиа карданд: 1117

22.02.2019


Ҷаласаи Комиссияи сетарафаи танзими муносибатҳои иҷтимоию меҳнатӣ

Забони тоҷикӣ таърихи зиёда аз чорҳазорсолаи хату алифбо дорад

ББТ барои фаъолияти оператори низоми пардохтии “Осон” иҷозатнома гирифт

МАВСИМИ НАВИ ЛИГАИ ОЛӢ МОҲИ АПРЕЛ ОҒОЗ МЕГАРДАД

Путин самтҳои асосии сиёсати хориҷии Россияро тавзеҳ дод

Хадамоти вижаи 7 кишвари ИДМ машқи "Арарат-Антитеррор" мегузаронанд

Чин дар кайҳон неругоҳи барқи офтобӣ месозад

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид


Дар сомонаҳои дигари Тоҷикистон хонед