logo

суханрониҳо

Суханронии Президенти Ҷумҳурии Тоҷикистон Эмомалӣ Раҳмон дар вохӯрӣ бо мардуми ноҳияи Роштқалъа дар варзишгоҳи навсохти ноҳия, 26 июни соли 2010

Падарону модарони арҷманд!
Бародарону хоҳарони меҳрубон!
Фарзандони азиз!
Сараввал ҳамаи шуморо ба ифтихори сездаҳумин солгарди Созишномаи умумии истиқрори сулҳ ва ризоияти миллӣ, ки заминаи устувори сулҳу субот, ваҳдату ягонагии мардуми шарифи Тоҷикистонро фароҳам овард, инчунин ба муносибати ифтитоҳи варзишгоҳи навсохти ноҳия самимона табрик мегӯям.
Чунонки дар хотир доред, ҳадафи асосии фаъолияти давлат ва ҳукумат дар он давраи бӯҳрониву хатарнок, пеш аз ҳама, дар асоси майлу иродаи мардуми шарифи Тоҷикистон ба эътидол овардани вазъи сиёсӣ ва  таъмини суботу оромӣ буд, ки боз ҳам ба шарофати хиради азалӣ ва фарҳанги сулҳхоҳиву таҳаммулгароии халқамон мо ба он ноил шудем.
Имрӯз файзу баракати сулҳи тоҷикон хонадони ҳар яки моро лабрези шодиву нусрат ва амониву осудагӣ кардааст, ки дар ин гӯшаи диёри биҳиштосоямон - ноҳияи Роштқалъа мо онро ба хубӣ эҳсос менамоем. 
Воқеан, Бадахшон на танҳо макони маъдану сангҳои нодиру дар ҷаҳон машҳур аст, балки зодгоҳи ҳазорон мардони бонангу номус мебошад, ки барои пешрафти Ватанамон корҳои шоистаро анҷом додаанд.
Меҳнати шарафмандонаи фарзандони заҳматписанди Бадахшон буд, ки дар ин минтақаи дурдасти Тоҷикистон самтҳои гуногуни иқтисодиёту иҷтимоиёт рушд ёфта, солҳои охир дар доираи сиёсати созандагиву бунёдкорӣ дар ноҳияи Роштқалъа хеле корҳои ободонӣ анҷом дода шуданд, ки онҳо ба тадриҷан беҳтар шудани сатҳу сифати зиндагии мардум мусоидат менамоянд.
Солҳои охир дар ҳудуди ноҳия як қатор иншооти маъмуриву маишӣ, нерӯгоҳҳои хурди барқи обӣ, қасри фарҳангу меҳмонхона, пулу хатҳои оби нӯшокӣ, мактабҳо, бунгоҳҳои тиббиву беморхонаҳо бунёд ва таъмир гардиданд.
Имсол низ мо ин анъанаи некро идома бахшида, дар остонаи Рӯзи Ваҳдати миллӣ дар ҳудуди ноҳия тибқи нақшаи чорабиниҳои ҷашнӣ бинои маъмурии бахши ноҳиявии «Амонатбонк», ду мактаб ва варзишгоҳи ноҳияро сохта, ба истифода супоридем ва имрӯз дар ин варзишгоҳи навбунёд бо шумо мулоқот дорем.
Илова бар ин, бо мақсади суръат бахшидан ба рушди соҳаҳои гуногуни иқтисодиёти ноҳия татбиқи 3 лоиҳаи инвеститсионӣ ба роҳ монда шудааст, ки аз маблағи умумии онҳо танҳо дар панҷ моҳи соли ҷорӣ қариб 300 ҳазор сомонӣ аз худ гардидааст.
Инчунин барои дастгирии буҷети ноҳия аз буҷети давлатӣ қариб 6,5 миллион сомонӣ маблағҳои мақсаднок  ҷудо карда шудаанд.
Дастгирии бахши соҳибкории хурд, бахусус соҳибкории истеҳсолӣ дар шароити ноҳияҳои кӯҳистон яке аз самтҳои афзалиятноки иқтисодиёт ва омили муҳими афзоиши даромади аҳолӣ ва зиёд гардидани ҷойи корӣ мебошад.
Тавре ки аз ҳисоботи оморӣ бармеояд, соли 2009 аз ҷониби бонкҳо ва дигар ташкилотҳои қарзӣ ба аҳолии ноҳия ба маблағи 3,6 миллион сомонӣ қарзҳои хурд дода шудаанд, ки дар муқоиса ба ҳамин давраи соли гузашта дуюним миллион сомонӣ ё ин ки 40 фоиз кам мебошад.
Бо мақсади ҳарчи зудтар ислоҳ кардани чунин вазъ ва бо дарназардошти афзалияти соҳибкорӣ, бахусус соҳибкории истеҳсолӣ ба Бонки миллӣ ва дигар бонкҳои тиҷоратӣ зарур аст, ки барои рушди минбаъдаи соҳа ва афзоиш додани маблағҳои қарз тадбирҳои иловагӣ андешанд.
Дар шароити Бадахшон, аз ҷумла ноҳияи Роштқалъа вусъат додани соҳаи чорводорӣ, бахусус қутоспарварӣ яке аз соҳаҳои сердаромад ва воситаи муҳимтарини баланд бардоштани сатҳу сифати зиндагии мардум ба ҳисоб меравад.
Ҳамчунин дар ҳудуди ноҳия бунёди коргоҳҳои хурди коркарди меваю сабзавот ва занбӯриасалпарвариро инкишоф додан зарур аст, ки метавонанд ба беҳбуди сатҳи зиндагии мардум ва таъмини амнияти озуқавории мамлакат мусоидат намоянд.
Дар баробари ин, кишоварзони ноҳия бояд ба масъалаҳои баланд бардоштани самаранокии заминҳои обӣ, маҳсулнокии чорво ва афзун гардонидани саршумори он аҳамияти аввалиндараҷа диҳанд, зеро кишоварзӣ соҳаи асосӣ ва афзалиятноки ноҳия ба шумор меравад.
Дар давоми ду-се соли охир бо мақсади азнавсозии шабакаҳои обёрӣ ва беҳтар намудани ҳолати мелиоративии заминҳо дар як қатор мавзеъҳои ноҳия бо дастгирии Ҳукумати кишвар тадбирҳои зарурӣ амалӣ карда шуданд, ки бешубҳа, ба рушди соҳаи кишоварзии ноҳия такон медиҳанд.
Бо дарназардошти ин, ки пешрафту тараққиёти кишвар аз вазъи роҳҳои мошингард вобаста мебошад, Ҳукумати мамлакат солҳои охир хеле корҳоро ба анҷом расонид, ки далели равшани он бунёди роҳи мошингарди Душанбе-Кӯлоб-Дарвоз-Мурғоб-Кулма мебошад.
Дар баробари ин, қитъаҳои алоҳидаи роҳи  Душанбе  - Хоруғ, роҳи Роштқалъа - Туқузбулоқ ва пулҳое, ки аз ҳудуди ноҳияи шумо мегузаранд, таъмиру барқарор карда шуданд. 
Ҳоло дар ноҳияи Роштқалъа сохтмони ду мактаби миёна, аз ҷумла  мактаби деҳаи Сумҷев барои 150 ҷойи нишаст ба охир расид, ки фарзандони мардуми деҳаи мазкур аз соли нави хониш дар синфхонаҳои барҳавои он таҳсилро оғоз мекунанд.
Вобаста ба ин, Вазорати маориф ва мақомоти иҷроияи ҳокимияти давлатии вилоят ва ноҳия вазифадор карда мешаванд, ки то ибтидои соли нави таҳсил ин мактабро бо лавозимоти хониш, аз қабили мизу курсӣ, китобҳои дарсӣ, компютер ва дигар ашёи зарурӣ таъмин намоянд.
Дар ду соли гузашта дар ноҳия барои ташкили беҳтари ҳифзи саломатии мардум, баланд бардоштани сатҳу сифати хизматрасонии тиббӣ ва ташаккули тарзи ҳаёти солим беморхонаи марказии ноҳия аз нав таъмиру тармим гардид.
Ҳамчунин дар доираи лоиҳаи ислоҳоти низоми тандурустии Тоҷикистон марказҳои саломатии маркази ноҳия ва деҳаи Тавдем, шӯъбаи ҷарроҳии беморхонаи марказӣ, бунгоҳҳои саломатии деҳаҳои Шудҷев, Лахшик, Дашт ва «Лесхоз»  сохта, ба истифода дода шуданд, ки маблағи умумии онҳо қариб якуним миллион сомониро ташкил медиҳад.
Ҳар сол тибқи нақша Вазорати тандурустӣ беморхонаҳои ҳудуди вилоят, аз ҷумла ноҳияи Роштқалъаро бо таҷҳизоти муосири тиббӣ ва доруворӣ таъмин менамояд, вале таҳлилҳо нишон медиҳанд, ки таъминот ҳанӯз нокифоя аст.
Бинобар ин, ба Вазорати тандурустӣ супориш дода мешавад, ки бо дарназардошти эҳтиёҷоти муассисаҳои тиббии ноҳия ҷиҳати таъмини онҳо бо таҷҳизоту доруворӣ  чораҳои иловагӣ андешад.
Бояд гуфт, ки роҳбарияти давлату ҳукумати мамлакат аз мушкилоти мавҷудаи вилоят, аз ҷумла ноҳияи Роштқалъа ба хубӣ огоҳ ҳастанд ва  барои ҳаллу фасли онҳо  мунтазам чораҷӯӣ мекунанд.
Вале хотирнишон месозам, ки барои таъмини рушди ҳамаи соҳаҳои иқтисодиву иҷтимоӣ ва баланд бардоштани сатҳу сифати зиндагии аҳолӣ, пеш аз ҳама, иттиҳоду ягонагӣ, ҳамраъйиву ҳамфикрӣ ва ваҳдати миллии мардуми шарифи Тоҷикистон зарур аст. Зеро суботи устувори ҷомеа асоси пешрафту тараққиёти ҳар як давлат мебошад.
Аз ин рӯ, ҳар кадоми мо бояд кӯшиш намоем, ки заҳмату фаъолияти худро ба хотири таҳкими пояҳои давлатдорӣ ва ҳифзи дастовардҳои истиқлолият, ки соли оянда бистумин солгарди онро ботантана таҷлил хоҳем кард, равона созем. Дар ин раванд, мо бояд ваҳдати миллиамонро, ки бо баҳои хеле гарон ба даст омадааст, эҳтиёт кунем ва саъю талош намоем, ки ин дастоварди нодири халқи азизамон то ҷовидон пойдор бошад. 
Ман ба ин комилан бовар дорам ва бо итминон изҳор менамоям, ки мардуми сарбаланди Бадахшон, аз ҷумла сокинони меҳмоннавозу заҳматписанди Роштқалъа сиёсати пешгирифтаи давлату ҳукумати худро минбаъд низ ҷонибдорӣ карда, дар пешрафту тараққиёти Ватани соҳибистиқлоламон саҳми арзанда мегузоранд.
Бо ҳамин ниятҳои нек, ҳамаи шумо-ҳозирини гиромиро бори дигар ба ифтихори ҷашни Ваҳдати миллӣ - ин неъмати муқаддас ва азизи мардуми Тоҷикистон табрик гуфта, бароятон тандурустиву иқболи нек, рӯзгори хушу босаодат ва барори кору комёбиҳо орзу менамоям.
Ҳамеша саломату сарбаланд бошед!


Баёни ақида (0)    Санаи нашр:    №:    Мутолиа карданд: 639

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд


Дар сомонаҳои дигари Тоҷикистон хонед