logo

номаҳо

«Шавад обӣ, нашавад лалмӣ?»

Бо арзи эҳтиром ва сипосгузорӣ барои таваҷҷӯҳи ҳамешагӣ ба Хуҷанд- маркази маъмурии вилояти Суғд мақомоти иҷроияи маҳаллии ҳокимияти давлатии шаҳри Хуҷанд иттилоъ медиҳад, ки мақолаи танқидии «Шавад обӣ, нашавад лалмӣ?» («Ҷумҳурият», № 60, аз 15.05.10), мавриди баррасӣ қарор дода шуд.

Барҳақ, дар масъалаи ободонию сабзкорӣ ҳанӯз камбудиву норасоиҳо ҷой доранд ва барои ислоҳашон тадбирҳо андешида мешаванд.
Мо нағз дарк мекунем, ки ободу зебо, сабзу хуррам ва ба ин васила дилкашу гуворо нигоҳ доштани шаҳр аз вазифаҳои аввалиндараҷаи шаҳрдорӣ маҳсуб мешаванд ва дар ин радиф таъкид бояд кард, ки хоса ободониву сабзкорӣ ҳаргиз хусусияти мавсимӣ касб карда наметавонанд. Ба ин хотир, масъулони муассисаҳои хизматгузор, аз ҷумла Корхонаи воҳиди давлатии коммуналии «Сарраёсати ободонӣ ва хоҷагии манзилию коммуналӣ», ҳамчунин сохтори зертобеи он - муассисаи кабудизоркунии шаҳри Хуҷанд барои дар майдону хиёбонҳо ва боғу гулгаштҳо шинондану парвариш кардани гулу буттаҳои гуногуннавъ аз ҳама имкониятҳо, хоса маҳаллигардонии гулу сабза ва буттаҳое, ки дар дигар минтақаҳо месабзанд, ҳатталимкон истифода мебаранд ва дар ин кор муваффақ ҳам шудаанд. Майдону хиёбонҳои сабзпӯш, ки тухмии гулу гиёҳашон се сол қабл воридотӣ ҳисоб мешуду алҳол ба тухмии худӣ бадал шудааст, низ дар ҳамин шуморанд.
Гулҳои дӯконҳои назди китобхонаи оммавии ба номи Тошхоҷа Асирӣ, ҳамчунин  растаҳои бозорҳои «Панҷшанбе»-ву фурӯшгоҳҳои мавзеи «Чоршанбе», маҳаллаи «Бофанда»-ю микроноҳияҳои соҳили чап барои фурӯш гузошташуда аксаран дар гулхонаҳои сокинони ноҳияҳои ҳамшафат парвариш меёбанд.
Тазаккур бояд дод, ки вақтҳои охир барои боз ҳам зебову сарсабз намудани хиёбонҳои шаҳр бидуни воридоти беруна гулҳои ҳархелаи ороишии худӣ аввали баҳор шинонида шуда, то охири тирамоҳ таҳти нигоҳубин қарор мегиранд. Ҳоло дар ҳамаи кӯчаю хиёбонҳои шаҳр бо ороиши хоса гулҳои ҳархела шинонида, нигоҳубинашон тибқи талаботи агротехникӣ ба роҳ монда шудааст.
Ду гармхонаи муассисаи кабудизоркунӣ таъмиру тармим шуда, дар онҳо кӯчати даҳҳо намуди гулҳо ҳамасола парвариш меёбанд ва дар кӯчаю хиёбонҳои шаҳр шинонида мешаванд.
Ҳамкорӣ бо ширкати «Арча» бо назардошти торафт афзуншавии ҳаҷми кор, нокифоягии қувваи танҳо як муассисаи кабудизоркунӣ дар самти ободонӣ ва сабзкорӣ аз манфиат холӣ нест.
Мақомоти иҷроияи маҳаллии ҳокимияти давлатии шаҳри Хуҷанд минбаъд низ тамоми имкониятҳоро барои сабзу хуррам ва ободу зебо гардондани маркази маъмурии вилояти Суғд сафарбар менамояд.

С. МИРХОЛИҚОВ,
раиси шаҳри Хуҷанд


Баёни ақида (0)    Санаи нашр:    №:    Мутолиа карданд: 466

20.11.2018


СУҒД. Оғози сохтмони раёсати маориф

ЛЕВАКАНТ. Конфронси илмӣ - назариявӣ ба ифтихори Иҷлосияи XVI

"Парасту" дар Тоҷикобод

Сарони кишварҳои Осиёи Марказӣ барои машварат дар Тошканд ҷамъ меоянд

Финляндия ҷонибдори ҳузури Россия дар Шӯрои Аврупо

Вазорати маорифи Афғонистон 30 ҳазор занро ба кор мегирад

Баррасии рушди инклюзивии иқтисоди қитъа дар Гвинея Папуаи Нав

Ҷаҳон дар як сатр

АНВАР ЮНУСОВ СОҲИБИ КАМАРБАНДИ WBF

"СОРО КОМПАНИЯ" ҒОЛИБИ ЛИГАИ КАСБИИ ФУТЗАЛИ ТОҶИКИСТОН

19.11.2018


ДЕВАШТИЧ. Авҷи созандагиҳо дар Ҷамоати деҳоти Яхтан

Артиши Сурия охирин истеҳкоми «ДИ» дар ҷануби кишварро зери назорат гирифт

Дар ҳама минтақаҳои Ӯзбекистон «мактаби президентӣ» месозанд

Роҳандозии барномаи махсуси давлатии ипотекӣ барои дӯзандагони Қирғизистон

Киштии зериобии «Сан Хуан» - ро дар уқёнуси Атлантика ёфтанд

Ҷаҳон дар як сатр

Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ


Дар сомонаҳои дигари Тоҷикистон хонед