logo

суханрониҳо

Суханронии Президенти Ҷумҳурии Тоҷикистон Эмомалӣ Раҳмон дар маросими ифтитоҳи мактаби таҳсилоти миёнаи умумӣ дар маҳаллаи Бофандаи шаҳри Душанбе, 31 августи соли 2010

Ҳамватанони азиз!
Ҳозирини гиромӣ!
Имрӯз дар арафаи солгарди навбатии Истиқлолияти давлатии Тоҷикистон ва соли нави хониш, инчунин дар доираи чорабиниҳои Соли маориф ва фарҳанги техникӣ дар пойтахти кишвари соҳибистиқлоламон – шаҳри Душанбе боз як муассисаи наву замонавии таълимӣ - мактаби миёнаи умумӣ дар маҳаллаи Бофанда ба истифода супурда шуд.
Ҳамаи шумо - хонандагону омӯзгорон ва аҳли маорифи пойтахтро ба муносибати ифтитоҳи ин муассисаи навбунёди таълимӣ самимона табрик мегӯям.
Воқеан мактаб парваришгоҳи илму дониш, сайқалгоҳи ақлу хирад ва хазинаи маънавии ҳар як қавму миллат, аз ҷумла халқи қадимаи тоҷик ба шумор меравад. Ҳазорон нобиғаҳои илму адаб ва фарҳанги безаволи мо дар оғӯши мактаб ва бо қаламу китоб ба камол расида, аз худ осори гаронбаҳои илмиву адабӣ боқӣ гузоштаанд, ки ҳамаи онҳо имрӯз сарвати бебаҳои маънавии халқи тоҷикро ташкил медиҳанд.
Аз ин рӯ, ҷаҳониён мардуми моро, пеш аз ҳама, бо китобу қаламаш мешиносанд ва ҳамин китобу қалам буд, ки Авасто ба вуҷуд омада, ниёгони моро ба тамаддунсозиву тамаддунофарӣ ҳидоят намуд. Махсусан осори беш аз ҳазорсолаи илмиву адабӣ ва таърихиву фалсафии бо хатҳои гуногуни ниёгони мо боқимонда имрӯз низ метавонад инсонҳоро ба роҳи росту дуруст раҳнамоӣ созад.
Маҳз асолати деринаи расидан ба қадри китоб ва илму фарҳанг мову шуморо водор месозад, ки дар шароити инқилоби навини илму техника ва дастовардҳои бесобиқаи ақли инсон ба масъалаҳои мактабу маориф диққати ҷиддӣ дода, ба пешбурди сатҳи таълиму тарбияи насли имрӯзу фардои кишварамон муваффақ гардем. Агар мову шумо хоҳем, ки давлати пешрафтаву мутамаддин ва насли дорои фарҳангу тафаккури техникӣ ба камол расонем, бояд аз дастовардҳои навини илму истеҳсолот ва технологияи инноватсионӣ, ки имрӯз омили муайянкунандаи рушди иқтисодиёт ва таъминкунандаи сатҳи зиндагӣ гардидааст, дар канор намонем.
Аз ин хотир, қариб соле нест, ки ман дар ҷараёни сафарҳои кории худ ба вилоятҳои Бадахшон, Суғду Хатлон ва шаҳру ноҳияҳои тобеи кишвар дар ифтитоҳи мактабҳои нав ва муассисаҳои таълимӣ ширкат наварзам ва аз аҳамияти бузурги илму маориф сухан нагӯям.
Бунёду азнавсозии мактабҳои замонавии дорои таҷҳизоту лавозимоти муосири таълимӣ, истифодаи технологияи компютерӣ ва дигар васоити техникӣ сатҳи маърифату тафаккури наврасону ҷавонони моро  баланд бардошта, раванди инкишофи ҷомеаро тадриҷан густариш медиҳад ва фарзандони мову шуморо ба ҷодаи эҷодкориву ҷӯяндагӣ ҳидоят менамояд.
Бо дарназардошти ин нукта, мо соҳаи маорифро яке аз соҳаҳои афзалиятноки сиёсати иҷтимоӣ эълон кардаем, ки мавриди баҳрабардорӣ қарор гирифтани мактаби имрӯза намунаи возеҳи он мебошад. Мактабе, ки ҳоло мову шумо дар оғози соли нави таҳсил ва Рӯзи дониш ба истифода супурдем, аз ҳисоби маблағҳои буҷети давлатӣ бо сарфи қариб 8 миллион сомонӣ сохта шудааст. Ин боргоҳи нави маърифат аз 3 ошёна, 40 синфхона, ҳуҷраҳои маъмурӣ, толори барҳавои варзишӣ, маҷлисгоҳ, китобхона ва ошхона иборат мебошад. Ҳамзамон бо ин, мактаби мазкур бо синфхонаҳои муҷаҳҳази таълимӣ, аз қабили физика, кимиё, биологияву риёзиёт, технологияи иттилоотиву ҳифзи муҳити зист имконияти дар ду баст ба таҳсил фаро гирифтани 2600 нафар хонандаро дорад.
Бояд гуфт, ки ин мактаби навтаъсис  ба равияи биология ва экология махсус гардонида шуда, таваҷҷӯҳи насли ҷавонро ба масъалаҳои ҳифзи муҳити зист, дастовардҳои навини илмҳои биология ва табиатшиносӣ, ки яке аз масъалаҳои глобалии асри мо мебошад, равона месозад.
Мо солҳои охир баробари муассисаҳои таҳсилоти умумӣ ба равиябандии мактабҳо аз рӯи завқу истеъдоди хонандагон шурӯъ кардем, ки пойтахти кишварамон дар ин раванд ба натиҷаҳои назаррас ноил шудааст. Дар пойтахти кишвар имсол 4 мактаби махсуси дорои  равияҳои риёзиву физика ва технологияи иттилоотӣ, кимиёву илмҳои табиатшиносӣ ва  аз худ кардани забонҳои хориҷӣ, бахусус забонҳои русиву англисӣ  таъсис ёфтанд, ки аз рӯи озмун хонандагони болаёқату соҳибистеъдодро ба таҳсил фаро мегиранд. 
Шумо хуб медонед, ки солҳои охир барои истифода додани даҳҳо мактабу муассисаҳои таълимии пойтахт аз ҳисоби маблағҳои буҷети давлатӣ агар дар соли 2009-ум 74 миллион сомонӣ ҷудо шуда бошад, пас дар соли 2010 ҳаҷми маблағгузории соҳаи маориф ба 84 миллион сомонӣ расидааст. Танҳо соли 2009 дар шаҳри Душанбе 7 мактабу гимназияи нав бунёд ва 15 мактаби дигар таъмиру азнавсозӣ гардид. Имсол низ ин раванд идома дошта, ғайр аз мактаби мазкур, ки ҳоло мо дар он қарор дорем, дар ҳудуди пойтахт сохтмони боз бинои чор мактаби нав, ки барои 2230  хонанда пешбинӣ шудааст, босуръат идома дошта, ҳамаи онҳо то охири сол ба истифода дода мешаванд.
Илова бар ин, барои хонандагони болаёқати шаҳри Душанбе дар рӯзҳои наздик сохтмони мактаби нав барои 320 хонанда оғоз мегардад, ки то 20-солагии Истиқлолияти давлатии Тоҷикистон мавриди баҳрабардорӣ қарор хоҳад гирифт.
Ҳозирини гиромӣ!
Имрӯз масъалаи инкишофи техникаву  технологияи муосир ва рушди маърифату тафаккури техникии хонандагону донишандӯзон тақозо менамояд, ки заминаи тайёр кардани кадрҳои баландихтисос, хонандагони болаёқату ихтироъкор ва навовару ҷӯянда дар мактабҳои таҳсилоти умумии пойтахт ва литсею гимназияҳо беҳтар ба роҳ монда шавад.
Мехоҳам вобаста ба ин як нуктаи бисёр муҳимро таъкид намоям, ки мактабҳои шаҳри Душанбе ва шогирдони онҳо аз лиҳози сатҳи донишандӯзӣ, ҷаҳонбинии муосир, одобу ахлоқ ва кӯшишу ғайрат намунаи ибрат бошанд. Зеро Душанбе пойтахт, яъне маркази илму дониш ва фарҳангу маърифати Тоҷикистон мебошад.
Илова ба мактаби навбунёди имрӯза ва дигар муассисаҳои таълимӣ соли ҷорӣ дар пойтахти кишварамон – шаҳри Душанбе теъдоди зиёди иншооти иҷтимоӣ, аз ҷумла мактабу кӯдакистонҳо, беморхонаву бунгоҳҳои тиббӣ таъмиру азнавсозӣ гардида, шароити таъминоти онҳо бо обу гармӣ беҳтар карда шуд, сохтмони чандин хонаҳои истиқоматии бисёрҳуҷрадор ба анҷом расонида, ҳамчунин ба маблағи қариб 5 миллион сомонӣ нахустин Маркази барқарорсозии иҷтимоӣ дар маҳаллаи 191-ум барои 280 ҷой сохта шуд, ки ҳамаи иншооти зикршуда омодаи баҳрабардорӣ мебошанд. Ҳаҷми умумии маблағи барои онҳо сарфшуда 51 миллион сомониро ташкил медиҳад.
Ҳамаи шумо дида истодаед, ки ба шарофати меҳнати созандаи мардуми бунёдкорамон шаҳри Душанбе рӯз то рӯз ободу зебо ва замонавию мӯҳташамтар шуда истодааст.
Акнун зарур аст, ки сокинони пойтахт ин иншооту иморатҳоро самаранок истифода баранд, онҳоро эҳтиёт кунанд ва барои боз ҳам зебову дилрабо шудани шаҳрамон ҳиссагузор бошанд. Чунки мардуми мо аз қадим шаҳрсозу ободгар буда, пойтахти азизи худ, кӯчаву хиёбонҳо ва хонаву кошонаҳои зисти хешро дар арафаи идҳову маросимҳои мардумӣ тозаву озода мекунанд.
Шаҳри Душанбе барои ҳар як сокини пойтахт симои давлату давлатдорӣ ва тимсоли фарҳанги шаҳрдориву шаҳрсозии миллат буда, тозаву озода нигоҳ доштани он вазифаи  натанҳо мақомоти иҷроияи ҳокимияти давлатии пойтахт, балки вазифаи ҳар як сокини шаҳр мебошад.
Умедворам, ки дар доираи омодагӣ ба ҷашни бузургу муқаддаси 20-солагии Истиқлолияти давлатии Тоҷикистон шумо- аҳли маорифи пойтахт ва устодону омӯзгорон барои ба сатҳу сифати ҷаҳонии таҳсилот расонидани шогирдону дастпарварони имрӯзу ояндаатон ҳамаи донишу таҷрибаи худро сарф менамоед.
Бо ҳамин ниятҳои нек, бори дигар ҳамаи шуморо ба муносибати фарорасии Рӯзи дониш ва соли нави таҳсил, инчунин солгарди навбатии истиқлолият табрику муборакбод намуда, ба ҳамаатон умри пурбаракат, маърифати баланд ва комёбиҳои навини илмиву эҷодӣ орзу менамоям.
Ҳамеша саломату сарбаланд бошед!


Баёни ақида (0)    Санаи нашр:    №:    Мутолиа карданд: 760

22.02.2019


Ҷаласаи Комиссияи сетарафаи танзими муносибатҳои иҷтимоию меҳнатӣ

Забони тоҷикӣ таърихи зиёда аз чорҳазорсолаи хату алифбо дорад

ББТ барои фаъолияти оператори низоми пардохтии “Осон” иҷозатнома гирифт

МАВСИМИ НАВИ ЛИГАИ ОЛӢ МОҲИ АПРЕЛ ОҒОЗ МЕГАРДАД

Путин самтҳои асосии сиёсати хориҷии Россияро тавзеҳ дод

Хадамоти вижаи 7 кишвари ИДМ машқи "Арарат-Антитеррор" мегузаронанд

Чин дар кайҳон неругоҳи барқи офтобӣ месозад

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид


Дар сомонаҳои дигари Тоҷикистон хонед