logo

суханрониҳо

Табрикоти Президенти Ҷумҳурии Тоҷикистон Эмомалӣ Раҳмон ба муносибати Рӯзи Конститутсия, шаҳри Душанбе, 5 ноябри соли 2008

Сарқонун санади раҳнамунсоз ва қутбнамост

Ҳамватанони азиз!
Конститутсия қонуни асосии давлат буда, сохти ҷомеа ва шакли давлатдориро муайян мекунад.
Бинобар ин, қабули Конститутсияи Тоҷикистони соҳибистиқлол дар таърихи навини кишвар рӯйдоди воқеан сарнавиштсоз, муайянкунандаи роҳу равиш ва рушди устувори Ватани азизамон гардид.
Конститутсия барҳақ мояи ифтихор ва сарфарозии ҳар як шаҳрванди ватандӯст мебошад.
Аз ин рӯ, кулли мардуми шарафманди Тоҷикистонро ба муносибати рӯзи қабули Қонуни асосӣ ҳамчун заминаи пойдори тамоми қонунгузории давлат самимона табрик ва таҳният мегӯям.
Ин санади муқаддас, ки истиқлолияти давлатии Тоҷикистонро ба расмият даровард, орзую ормони мардуми барӯманди моро амалӣ сохта, роҳи ояндаи миллати сарбаланду созандаи моро ба сӯи бунёди ҷомеаи нав ва таҳкими пояҳои давлатдории муосир мунаввар мегардонад.
Лозим ба ёдоварист, ки таҳияи Конститутсия бо ҷалби нерӯҳои ақлонии ҷомеа, бо назардошти манфиатҳои олии миллату анъанаҳои пурғановати таърихиву фарҳангии халқи тоҷик ва истифода аз таҷрибаву дастовардҳои давлатҳои пешрафтаи ҷаҳон дар самти бунёди ҷомеаи демократӣ сурат гирифта буд.
Аксарияти мутлақи ҳамватанони мо дар раъйпурсии умумихалқии соли 1994 ба тарафдории қабули Конститутсияи нав овоз дода, роҳи бунёди давлати демократӣ, ҳуқуқбунёд ва дунявиро интихоб намуданд.
Барпо кардани чунин давлат эҳтирому риоя ва ҳифзи ҳуқуқу озодиҳои инсон, ваҳдат, таъмини амният ва суботи устувори ҷомеа, фароҳам овардани шароити мусоид барои зиндагии арзанда ва инкишофи озодонаи ҳар як шаҳрвандро тақозо менамояд.
Ҳамаи ин арзишҳои олӣ, ки дар Конститутсия ба сифати рукнҳои бунёдии давлати соҳибистиқлоли Тоҷикистон эътироф шудаанд, меҳвари фаъолияти давлат ва мақомоти онро ташкил мекунанд. Дар тамоми ин муддат аз ҷониби Ҳукумати кишвар баҳри татбиқи ин арзишҳо пайваста корҳои зарурӣ ба сомон расонида мешаванд.
Сарқонуни мамлакат ҳамчунин заминаи ҳуқуқии иқтисоди ҷомеаи моро муайян намуда, рушду инкишофи устувори онро кафолат медиҳад.
Асосҳои бунёдии ин санади таърихӣ – эътирофи шаклҳои гуногуни моликият, фаъолияти озоди иқтисодӣ, соҳибкорӣ, баробарҳуқуқӣ ва ҳифзи ҳуқуқии ҳамаи шаклҳои моликият, шароити ҳамаҷонибаи рушди муносибатҳои иқтисодиро таъмин менамояд.
Дар Конститутсия таъкид шудааст, ки Тоҷикистон давлати иҷтимоӣ буда, барои ҳар як инсон шароити зиндагии арзанда ва инкишофи озодонаро фароҳам меорад. Ин ҷавҳари конститутсионӣ дар радифи соҳибихтиёр, демократӣ, ҳуқуқбунёд ва дунявӣ будани давлат мӯҳтавои иҷтимоии онро ифода менамояд.
Яке аз талаботи муҳими Конститутсия ин эҳтиром, риоя ва иҷрои ҳатмии меъёрҳои он ва қонунҳо мебошад. Зеро қонуният ва тартиботи ҳуқуқӣ омили асосӣ ва зарурии суботу оромии ҷомеа ва дар ин замина пешрафту созандагии он аст.
Барои ноил гаштан ба ин мақсад пеш аз ҳама зарур аст, ки эҳтиром, риоя ва иҷрои ҳатмии Конститутсия ва қонунҳо ба ҳукми ниёзмандии ҳамарӯзаи шаҳрвандон дароянд.
Танҳо дар ҳамин сурат мо ба ҳадафҳои олии  худ - эъмори давлати демократӣ, дунявӣ, ҳуқуқбунёд ва ягона, ки дар Сарқонуни мамлакат дарҷ гардидаанд, муваффақ хоҳем гардид.
Омили муҳими амалӣ шудани ин талабот ба баланд бардоштани сатҳи маърифати ҳуқуқӣ вобаста аст. Барои расидан ба ин ҳадаф дар Паёми имсолаи Президент ба парламенти кишвар таъкид шудааст, ки зарурати таҳияву қабули Барномаи нави дарозмуддату мукаммали тарбияи ҳуқуқии аҳолӣ ва самарабахш татбиқ намудани он ба миён омадааст.
Дар ин Барнома бояд тадбирҳои ҳамаҷонибаи баланд бардоштани сатҳи маърифати ҳуқуқӣ, роҳу воситаҳои амалӣ намудани он пешбинӣ гарданд.
Итминони комил дорам, ки риояи Конститутсияи Ҷумҳурии соҳибистиқлоли Тоҷикистон, ки санади муқаддасу раҳнамунсоз ва қутбнамои халқи шарафманди Тоҷикистон мебошад, меъёри халалнопазири зиндагиву фаъолияти ҳар як фарди ҷомеа хоҳад буд.
Ҳамватанони азиз!
Таҷлили имсолаи Рӯзи Конститутсия ба рӯйдоди басо фараҳбахш - ифтитоҳи боз як шабакаи телевизионии нав – телевизиони иттилоотии «Ҷаҳоннамо» ва шабакаи дигари радиоии «Фарҳанг», ки ҳар ду шабака дар як шабонарӯз бистучор соат фаъолият хоҳанд кард, рост омад.
Хотирнишон сохтан бамаврид аст, ки дар натиҷаи кӯшишҳои пайвастаи роҳбарияти кишвар тайи се соли охир дар мамлакат се шабакаи телевизионӣ ва як шабакаи радиоӣ ба кор шурӯъ намуданд.
Ин аз он шаҳодат медиҳад, ки Ҳукумати кишвар ба масъалаи инкишофи воситаҳои ахбори омма ва дар ин замина таъмини дастрасии бештари аҳолӣ ба иттилоот ҳамчун яке аз рукнҳои бунёдии ҳуқуқу озодиҳои инсон, ки дар Конститутсия дарҷ гардидаанд, таваҷҷӯҳи хоса зоҳир менамояд.
Бо истифода аз ин фурсат ифтитоҳи телевизиони «Ҷаҳоннамо» ва радиои «Фарҳанг»-ро ба ҳамаи мардуми Тоҷикистон табрик гуфта, ба кормандони ин шабакаҳои навтаъсис барори кор ва комёбиҳои шоистаи эҷодӣ орзумандам.
Умедворам, ки ин шабакаҳо фазои иттилоотии кишварро бо барномаҳои пурмӯҳтавои худ ғанӣ гардонида, дар рушду нумӯъ ва пешрафти минбаъдаи ҷомеаи мо саҳми босазо хоҳанд гузошт.
Бори дигар ҳамаи шумо, ҳамватанони азизро ба ифтихори Рӯзи Конститутсияи Ҷумҳурии Тоҷикистон табрик намуда, ба ҳамаатон сиҳатии комил, осудагиву рӯзгори фаровон ва дар кори ободиву созандагии Ватани азизамон пешравию пирӯзиҳо орзумандам.


Баёни ақида (0)    Санаи нашр:    №:    Мутолиа карданд: 751

15.11.2019


Ҳамоиш бахшида ба Рӯзи Президент

Вохӯрии Ҷамшед Нурмаҳмадзода бо ҳайати Фонди қарзии кафолатии Тоҷикистон

Хонандагони тоҷик дар озмуни «Роботтехника» сазовори ҷойи дуюм шуданд

Талаби Си Ҷинпин аз ҳукуматдорони Ҳонконг

Фоҷиа. 90 дарсади Венетсия зери об монд

Дар Франсия таҷдиди Нотр - Дам боиси ҷанҷол шуд

Дар Ӯзбекистон лоиҳаи маърифатии «Як миллион барномасоз» роҳандозӣ мешавад

Ҷаҳон дар як сатр

14.11.2019


Мулоқоти Ҷамолиддин Нуралиев бо намояндагони «Moody’s Investors Service»

Оид ба имконоти рушди кӯдакон форуми байналмилалӣ доир мешавад

Тақвияти робитаҳои иқтисодию тиҷоратӣ бо музофоти Ҳубэй

Таэквондо. 22 медали варзишгарони тоҷик аз Бухоро

"Тулӯи ҳақиқат" дар Рӯзи Президент

Шумораи сайёҳон дар Россия беш аз 20 дарсад афзудааст

Ашқобод мизбони нишасти зиддитеррористии ниҳодҳои дипломатии кишварҳои ҳамсуд

Сарвазири Ҳиндустон вохӯрияш бо Путинро олиҷаноб номид

Сесад ҷангии «Давлати исломӣ» дар Афғонистон таслим шуд

Коломойский ба Украина рӯ ҷониби Россия оварданро пешниҳод намуд

Ҷаҳон дар як сатр

13.11.2019


Дар Осетия пайкараи Абулқосим Фирдавсӣ гузошта шуд

Назарбоев: "Зеленский ба мулоқот бо Путин дар Қазоқистон ризоият дод"

Дания аз бозгашти террористони «худӣ» ба кишвар шод нест

Ҷаҳон дар як сатр

“Бункер” ба Фаронса меравад

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад


Дар сомонаҳои дигари Тоҷикистон хонед