logo

маориф

Рушди маориф кафолати рушди ҷомеа аст

Паёми имсолаи  Президенти ҷумҳурӣ Эмомалӣ Раҳмон ба Маҷлиси Олӣ  дар таҳкими  рушди иқтисодию иҷтимоии мамлакат заминаи нав  гузошт. Сарвари давлат ба ташкили мактабҳои соҳибкорӣ дар назди муассисаҳои таҳсилоти олӣ, эҳтироми забони модарӣ ва амиқ омӯхтани он,  инчунин омӯзиши ҳатмии забонҳои хориҷӣ, қабл аз ҳама забонҳои   русӣ ва англисӣ, омӯзиши техникаи компутерӣ эътибори ҷиддӣ дода,  оид ба фаъолияти муассисаҳои томактабӣ ва баланд бардоштани сатҳи маърифати мардум дастуру супоришҳои мушаххас доданд.
Дар Паём қайд гардид, ки фароҳам овардани шароит ба мардум барои зиндагии шоиста  аз ҳадафҳои афзалиятноки сиёсати давлат аст. Аз ин хотир  дар он ба ҳалли мушкилоти соҳаҳои иҷтимоӣ, сарфи назар аз таъсири бӯҳрони ҷаҳонии молиявӣ  маблағгузориҳо  торафт меафзояд.
Соли гузашта  бо вуҷуди он ки ҳаҷми маблағгузорӣ дар аксари соҳаҳои хоҷагии халқ  ба андозаи 10 дарсад коҳиш ёфт,  дар соҳаи маориф  ҳаҷми маблағи  пешбинишуда пура пардохта  шуд.  Тавре  дар Паём омадааст,  соли 2009 бо назардошти ҳамаи манбаъҳои маблағгузорӣ ҳаҷми он 1 миллиарду 70 миллион сомониро ташкил дод.
Дар вилояти Сугд  соли  гузашта барои 7 ҳазору 55 ҷойи нишаст мактабу синфхонаҳои иловагӣ сохта, ба истифода дода шуданд, - гуфт дар сӯҳбат ба мо сардори раёсати маорифи вилоят Саидмухтор Ҷалолов. – Ҳаҷми маоши омӯзгорон 15 фоиз афзуд. Барои кормандони марказҳои таълимӣ,  аз ҷумла марказҳои технологияи информатсионӣ ва коммуникатсия,  Донишкадаи такмили ихтисоси кормандони маориф,  нақшаи нави музди меҳнат ҷорӣ   шуд.
Умуман дар вилоят  соли гузашта барои соҳаи маориф аз ҳисоби буҷети вилоят 170 миллиону 951 ҳазор  сомонӣ сарф гардида,  инчунин бо супориши раиси вилоят Қоҳир Расулзода барои таъмиру барқарорсозии иншооти маориф  маблағҳои иловагӣ  ҷудо гардиданд.
Дар ин муддат таваҷҷӯҳи  мақомоти иҷроияи ҳокимияти давлатии вилоят ва шаҳру ноҳияҳо ва шӯъбаҳои  маориф   ба таҳкими заминаҳои моддию техникии таълимгоҳҳо, дастгирии иҷтимоии омӯзгорон,  истифодаи технологияи нави таълим, ҷалби  хонандагон ба омӯзиши фанҳои дақиқ ва  беҳсозии сифати таълим равона гардид ва  барои таъсиси марказҳоии инкишофи кӯдакони синни томактабӣ дар ҳамаи шаҳру ноҳияҳои вилоят кор  идома дорад.
Имсол мактабҳои таҳсилоти умумӣ пура ба шакли нави идора ва маблағгузории сарикасӣ гузашта, он ба таври таҷрибавӣ  дар муассисаҳои томактабӣ озмуда мешавад.
Соли ҷорӣ ба мактабҳои вилоят 237 адад компютер ворид гардид, ки 23,4  фоизи нақшаи солона мебошад. Соли ҷорӣ  миқдори мактабҳои таҳсилоти умумии  шаҳру ноҳияҳои вилоят, ки  ба шабакаи умумиҷаҳонии Интернет пайвастанд, аз 20 то ба  42  расонида шуд. Ба ин шабака пайваст намудани 36 мактаби дигар дар давоми сол  ба нақша гирифта шудааст.
Бо мақсади баланд бардоштани сатҳу сифати таълиму тарбияи хонандагон ва маҳорати касбии омӯзгорон  тадбирҳои гуногун андешида мешаванд.  Аз ҷумла, бо мақсади ба таври оммавӣ ба маҳфилҳои техникӣ ҷалб намудани хонандагон, инкишофи қобилияти навоварӣ ва эҷодиёти техникии онҳо,  интихоби касб бори нахуст дар қаламрави вилоят озмуни «Ихтироъкорони наврас» баргузор гашт. Вобаста ба ин масъалаҳо якчанд конфронси илмӣ ва семинарҳои омӯзишӣ гузаронида шуд.
Бо мақсади  фароҳам овардани шароити мусоиди таълим  Барномаи давлатии  сохтмон,  таъмиру  азнавсозии мактабҳо, аз хонаҳои шахсӣ, вагонҳо ва  биноҳои  маъмурию   ҷойҳои  ҷамъиятӣ баровардани мактабҳо  босуръат идома дорад.  Аз  14  мактаби вилоят, ки баъзе синфхонаҳои онҳо дар чунин ҷойҳо ҷойгир буданд, дар 13 -тои он шароити зарурии таълим фароҳам оварда шуд.
Инчунин Саидмухтор Ҷалолов иброз намуд, ки мустаҳкам намудани заминаҳои  моддию техникии муассисаҳои варзишӣ, муҷаҳҳазонидани озмоишгоҳҳои мактабӣ дар назар аст.  Айни замон мӯҳлат ва манбаъҳои маблағгузории сохтмони 508 толору 77 майдончаи варзишӣ, таъмири 85 толори варзишӣ, барқарорсозии  11 толори варзишии дар ҳолати садамавӣ  буда муайян  шудаанд.
Кормандони соҳаи маорифи вилоят Паёми Сарвари давлатро сармашқи кори хеш намуда, мекӯшанд сифати таълимро баланд бардошта, ба дастовардҳои назаррас ноил гарданд.

Исломҷон БОБОЕВ,
Рӯзноманигор


Баёни ақида (0)    Санаи нашр:    №:    Мутолиа карданд: 869

26.01.2020


Тасдиқи рамзи "30 - солагии Истиқлолияти давлатии Ҷумҳурии Тоҷикистон"

Тасдиқи рамзи "Солҳои рушди деҳот, сайёҳӣ ва ҳунарҳои мардумӣ" эълон гардидани солҳои 2019 - 2021

Ноҳияи Дӯстӣ. Қонуншиканиҳо коҳиш меёбанд

ТОҶИКИСТОН ВА ӮЗБЕКИСТОН. Таъсиси корхонаи муштараки истеҳсолӣ

Файзобод. Рӯ ба рушд

ОЗМУНИ ЧИНИИ "ОВОЗИ ТИЛЛОӢ". Ғолибон муайян шуданд

"ҶОМИ РУШД – 2020". Тоҷикистон дар финал

Дар Чин усули табобати коронавирусро пайдо намуданд

Путин вохӯрии панҷ аъзои доимии Шӯрои амнияти СММ - ро пешниҳод намуд

Макрон пешниҳоди Путинро дар бораи вохӯрии кишварҳои аъзои доимии Шӯрои амният хуш пазируфт

Эътилоф амалиёти низомиро дар Ироқ боздошт

Меркел дар Давос бо сарони Ироқ ва Афғонистон вохӯрд

Ҷаҳон дар як сатр

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст

Меркел бо Си Ҷинпин натоиҷи конфронси Берлин оид ба Либияро баррасӣ намуд

Солеҳ ва Трамп масъалаи аз Ироқ баровардани сипоҳи хориҷиро мавриди муҳокима қарор доданд

Котиби давлатии ИМА бори аввал ба Минск меояд

Ба сокинони Ухани бинобар хурӯҷи коронавирус тарки шаҳрро манъ карданд

Ҷаҳон дар як сатр

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад

Барои офаридани ваксинаи русӣ бар зидди коронавируси чинӣ ним сол зарур аст

Дар Лубнон бори нахуст зан вазири мудофиа шуд

Дар Чин собиқ сарвари Интерпол барои пора 13,5 сол паси панҷара меравад

Ҷаҳон дар як сатр

Маъюбон. Махзани ягонаи электронӣ таъсис ёфт

21.01.2020


"ҶОМИ РУШД – 2020". Тоҷикистон тими Исландияро шикаст дод


Дар сомонаҳои дигари Тоҷикистон хонед