logo

дигар

Ҷаласаи Шӯрои амнияти ҷумҳурӣ баргузор гашт

Таҳти сарварии Президенти Ҷумҳурии Тоҷикистон, Раиси Шӯрои амнияти Ҷумҳурии Тоҷикистон Эмомалӣ Раҳмон  27 сентябри соли 2010 ҷаласаи навбатии Шӯрои амнияти Ҷумҳурии Тоҷикистон баргузор гардид, ки дар он масъалаҳои вобаста ба ҳодисаҳои вақтҳои охир баамаломада, таҳкими тартиботи ҷамъиятӣ ва пешгирии ҷинояткорӣ мавриди баррасӣ қарор гирифтанд.
Дар ҷаласа гузориши Прокурори генералии Ҷумҳурии Тоҷикистон, роҳбарони мақомоти ҳифзи ҳуқуқ ва сохторҳои низомии кишвар шунида шуд.
Президенти Ҷумҳурии Тоҷикистон Эмомалӣ Раҳмон ҳодисаҳои дар давоми моҳҳои охир рӯйдода, аз ҷумла фирори маҳбусон аз тавқифгоҳи тафтишотии Кумитаи давлатии амнияти миллӣ, амалҳои террористӣ ва дигар ҷиноятҳои вазнини дар қаламрави мамлакат содиршударо таҳти муҳокимаи ҷиддӣ қарор дода, аз Прокуратураи  генералӣ, Вазорати корҳои дохилӣ, Кумитаи давлатии амнияти миллӣ ва дигар сохторҳои низомӣ, инчунин Агентии назорати давлатии молиявӣ ва мубориза бо коррупсия ва Агентии назорати маводи нашъаовар талаб намуд, ки фаъолияти худро ҷиҳати ошкор ва пешгирӣ намудани ҷиноятҳои  хавфноки муосир, аз ҷумла терроризм, экстремизм, муомилоти ғайриқонунии маводи мухаддир ва коррупсия ба таври ҷиддӣ тақвият бахшанд.
Бо мақсади ислоҳи қатъӣ ва ҳатмии камбудиҳои зикршуда ва бо дарназардошти вазъи бавуҷудомада дар назди тамоми мақомоти ҳифзи ҳуқуқ, сохторҳои низомӣ ва дигар сохтору мақомоти давлатӣ вазифаҳои мушаххас гузошта шуданд. Аз ҷумла ба мақомоти ҳифзи ҳуқуқ ва ҳамаи сохтору мақомоти дахлдори давлат таъкид гардид, ки вазъи оперативию ҷиноии тамоми қаламрави мамлакатро ҳарчи зудтар ба эътидол оварда, ҷиҳати таъмини амнияти давлат, сулҳу суботи ҷомеа ва оромии мардуми кишвар, такмили ихтисоси ҳайати шахсӣ ва баланд бардоштани малакаи касбии хизматчиён, тақвият бахшидан ба ҳифзи боэътимоди сарҳади давлатӣ, баланд бардоштани масъулияти хизматчиёни ҳарбӣ, таҳкими мубориза бо гурӯҳҳои муташаккили ҷиноятпеша ва сари вақт ошкор намудани ҷиноятҳои содиршуда диққати махсус зоҳир намоянд ва самаранокии фаъолияти ҳамаи ҷузъу томҳои худро пурзӯр созанд.
Президенти Ҷумҳурии Тоҷикистон Эмомалӣ Раҳмон кормандони мақомоти ҳифзи ҳуқуқ ва сохторҳои низомиро огоҳ сохт, ки вазифаи базиммадоштаи худро бо дасту дили пок ва масъулияти баланд иҷро карда, қарзи худро дар назди давлат ва мардум дар сатҳи баланди касбӣ адо намоянд, ҳушёриву зиракии сиёсиро аз даст надиҳанд ва барои мубориза бар зидди ҳама гуна қонуншиканӣ, аз ҷумла амалҳои террористӣ ва кӯшишҳои ифротгароёна, ҳамеша омода бошанд ва бо истифода аз тамоми воситаву имкониятҳое, ки давлат дар ихтиёри онҳо қарор додааст, ваҳдати миллӣ, сулҳу осудагии ҷомеа ва дастовардҳои давлати соҳибистиқлоли Тоҷикистонро таъмин намоянд.
Дар анҷоми ҷаласа Президенти Ҷумҳурии Тоҷикистон, Раиси Шӯрои амнияти Ҷумҳурии Тоҷикистон Эмомалӣ Раҳмон бори дигар ба оилаву пайвандони афсарону аскарони ҳалокшуда изҳори ҳамдардии амиқ намуда, ба ҳамаи хизматчиёни ҳарбие, ки дар ҷараёни ҳодисоти вақтҳои охир фаъолона ва фидокорона ширкат доштанд, сипосу миннатдорӣ баён кард, инчунин ба онҳое, ки ҷароҳат бардоштаанд, шифои комил хоста, таъкид сохт, ки барои ҳарчи зудтар дастгир ва безарар гардонидани ҷинояткорон ва ба ҷазои қонунӣ гирифтор намудани онҳо тамоми чораҳо андешида шаванд.


Баёни ақида (0)    Санаи нашр:    №:    Мутолиа карданд: 13383

19.11.2019


Тасдиқи Тартиби кори шабакаи иттилоотӣ-телекоммуникатсионии интернет аз рӯи технологияи Wi-Fi

Мулоқоти Ҷамолиддин Нуралиев бо Ҷон Гинкел

Тақвияти ҳамкориҳои иқтисодӣ матраҳ гардид

Туҳфаи Рустами Эмомалӣ барои сокинони шаҳри Хоруғ

Панкратион. Паҳлавони тоҷик чемпиони ҷаҳон шуд

18.11.2019


Таҷлили Рӯзи Президент дар шаҳри Хоруғ

Ҷаласаи вазирони корҳои хориҷии Осиёи Марказӣ дар Тошканд

Масъалаи сармоягузории хориҷӣ ба низоми бонкии Тоҷикистон матраҳ гардид

Путин БРИКС - ро кафили суботи ҷаҳон номид

Чаро ИМА ва Корея машқҳои муштаракро мавқуф гузоштанд?

ХДУ ва СРУ дар вилояти Киев "яке аз сарони ДИ" - ро боздоштанд

Туркия 23 террористро ба Қирғизистон истирдод мекунад

Ҷаҳон дар як сатр

Ҷоми ҷаҳон дар Бразилия монд

15.11.2019


Ҳамоиш бахшида ба Рӯзи Президент

Вохӯрии Ҷамшед Нурмаҳмадзода бо ҳайати Фонди қарзии кафолатии Тоҷикистон

Хонандагони тоҷик дар озмуни «Роботтехника» сазовори ҷойи дуюм шуданд

Талаби Си Ҷинпин аз ҳукуматдорони Ҳонконг

Фоҷиа. 90 дарсади Венетсия зери об монд

Дар Франсия таҷдиди Нотр - Дам боиси ҷанҷол шуд

Дар Ӯзбекистон лоиҳаи маърифатии «Як миллион барномасоз» роҳандозӣ мешавад

Ҷаҳон дар як сатр

14.11.2019


Мулоқоти Ҷамолиддин Нуралиев бо намояндагони «Moody’s Investors Service»

Оид ба имконоти рушди кӯдакон форуми байналмилалӣ доир мешавад

Тақвияти робитаҳои иқтисодию тиҷоратӣ бо музофоти Ҳубэй

Таэквондо. 22 медали варзишгарони тоҷик аз Бухоро

"Тулӯи ҳақиқат" дар Рӯзи Президент

Шумораи сайёҳон дар Россия беш аз 20 дарсад афзудааст

Ашқобод мизбони нишасти зиддитеррористии ниҳодҳои дипломатии кишварҳои ҳамсуд

Сарвазири Ҳиндустон вохӯрияш бо Путинро олиҷаноб номид

Сесад ҷангии «Давлати исломӣ» дар Афғонистон таслим шуд

Коломойский ба Украина рӯ ҷониби Россия оварданро пешниҳод намуд

Ҷаҳон дар як сатр

13.11.2019


Дар Осетия пайкараи Абулқосим Фирдавсӣ гузошта шуд


Дар сомонаҳои дигари Тоҷикистон хонед