logo

мулоқотҳо

Сӯҳбати созандаи Эмомалӣ Раҳмон бо К. Рамадановский

27 октябри соли 2010 Президенти Ҷумҳурии Тоҷикистон Эмомалӣ Раҳмон роҳбари Хадамоти федеролии муҳоҷирати Федератсияи Русия Константин Рамадановскийро ба ҳузур пазируфт.
Дар мулоқот масоили вобаста ба фаъолияти муҳоҷирони кории Тоҷикистон дар Русия ва роҳҳои бартараф намудани мушкилоти мавҷуда дар ин самти ҳамкории ду кишвар баррасӣ шуданд.

Сарвари давлати Тоҷикистон Эмомалӣ Раҳмон ба ҷониби Русия барои амалӣ намудани як қатор сабукиҳо баҳри фаъолияти озоду бемонеаи муҳоҷирони корӣ, аз ҷумла ҷорӣ намудани патенти пулӣ, ки аз 1 – уми июли соли 2010 барои кор дар назди кордиҳандагони воқеӣ ба роҳ монда шудааст, изҳори қаноатмандӣ кард.
Президенти мамлакат Эмомалӣ Раҳмон тадбирҳои муштараки Тоҷикистону Русияро оид ба рушди марказҳои дастгирии кордиҳандагон ва муҳоҷирони корӣ, баланд бардоштани дониши ҳуқуқӣ, забондонӣ ва ҳунаромӯзии муҳоҷирон ва ба таври қонунию муташаккилона бо кор ва шароити мақбули зист таъмин намудани онҳо пуштибонӣ кард.
Ҳамзамон бо ин Сарвари давлати Тоҷикистон Эмомалӣ Раҳмон аз фаъолияти созмонҳою ширкатҳои ғайриҳукуматии миёнарав, ки ҳуқуқу озодиҳои муҳоҷирони кориро поймол менамоянд, изҳори нигаронӣ кард. Ҳамчунин аз ҳодисаҳои беасос ва ё бо асосҳои нокифоя дастгир намудан ва аз ҳудуди Русия хориҷ кардани шаҳрвандони Тоҷикистон, зиёд шудани шумораи куштор ва ҳалокати онҳо изҳори нигаронӣ карда шуд.
Сарвари давлати Тоҷикистон Эмомалӣ Раҳмон ҳамчунин аз иҷро нашудани талаботи Созишномаи байниҳукуматии Тоҷикистону Русия оид ба фаъолияти корӣ ва ҳифзи ҳуқуқи шаҳрвандон дар ҳудуди ҳамдигар, ки соли 2004 – ум ба имзо расида буд, изҳори норозигӣ кард. Таъкид гардид, ки мутобиқи ин созишнома хароҷоти интиқоли ҷасади муҳоҷирони кории ҳалокгашта бояд аз ҳисоби кордиҳанда пардохт карда шавад, вале чунин ҳамкорӣ танҳо дар 5% ҳодисаҳо ба назар мерасаду бас. «Ҳам дар Тоҷикистон ва ҳам дар Русия, яъне ду бор аз комиссияи тиббӣ гузаштани муҳоҷирони корӣ низ аз иҷро нашудани талаботи созишномаи мазкур гувоҳӣ медиҳад», - афзуд Президенти Ҷумҳурии Тоҷикистон.
Сарвари давлат Эмомалӣ Раҳмон бори дигар масъалаи то 90 рӯз дароз кардани мӯҳлати будубоши беқайди шаҳрвандони Тоҷикистонро дар қаламрави Федератсияи Русия ба миён гузошта, ба мувофиқа расидани онро роҳи ҳалли як қатор мушкилот барои фаъолияти озоди шаҳрвандони кишвари мо арзёбӣ намуд.
Зимни сӯҳбати созанда барои бартараф намудани мушкилоти мавҷуда ва ба сатҳи дилхоҳ баровардани заминаи ҳуқуқию қарордодии ҳамкории Тоҷикистону Русия дар соҳаи муҳоҷирати корӣ ҳавасмандии ҳар ду ҷониб таъкид гардид.
 


Баёни ақида (0)    Санаи нашр:    №:    Мутолиа карданд: 542

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед