logo

мулоқотҳо

Гуфтугӯ оиди бунёди роҳи оҳани Тоҷикистон - Афғонистон – Эрон ва Қирғизистону Чин сурат гирифт

28 октябри соли 2010 Президенти Ҷумҳурии Тоҷикистон Эмомалӣ Раҳмон вазири фавоиди оммаи Ҷумҳурии Исломии Афғонистон Абдулқуддус Ҳомидиро ба ҳузур пазируфт.
Зимни сӯҳбат, пеш аз ҳама, аз имкони мулоқоти нахустини вазирони нақлиёти кишварҳои панҷгона - Афғонистон, Тоҷикистон, Эрон ва Чину Қирғизистон, ки дар асоси мувофиқатҳои қаблии сарони давлатҳои Тоҷикистон ва Эрону Афғонистон ба роҳ монда шудааст, изҳори қаноатмандӣ карда шуд.

Бо хушҳолӣ зикр гардид, ки барномаи пайвастани роҳи оҳани бунёдшавандаи Эрон – Афғонистон – Тоҷикистон  бо роҳҳои оҳани Қирғизистону Чин дар чаҳорчӯбаи Созмони ҳамкории иқтисодӣ пуштибонӣ пайдо карда, асосноксозии техникию иқтисодии он бо ҷудо гаштани 1 миллион доллари амрикоӣ маблағҳои Ҷумҳурии Исломии Эрон оғоз ёфтааст.
Аз ҷониби Бонки рушди Осиё барои анҷоми имконсанҷии техникӣ - иқтисодии қисмати афғонистонии ин роҳ, ки қитъаи аз ҳама тӯлонӣ ва муҳими он аст, беш аз 1 миллиону 250 ҳазор доллари амрикоӣ ҷудо шудан низ боиси қаноатмандӣ маънидод гардид.
Сарвари давлат Эмомалӣ Раҳмон бо ишора ба нақши стратегии ин роҳ дар болобарии имконоти транзитии Тоҷикистону Афғонистону Эрон изҳор дошт: «Кишварҳои мо набояд танҳо мунтазири сармоягузории байналмилалӣ бошанд, зеро мо метавонем тибқи барномаи санҷида, қадам ба қадам қисмати муҳими ин роҳи оҳанро дар солҳои наздиктарин бо нерӯи худ бисозем».
Президенти мамлакат Эмомалӣ        Раҳмон иттилоъ дод, ки «барои татбиқи ин барнома дар қаламрави Тоҷикистон се лоиҳаи сармоягузорӣ доир ба бунёди роҳҳои оҳани Душанбе – Қӯрғонтеппа, Румӣ -  Панҷи Поён ва Ваҳдат – Қарамиқ (сарҳади Қирғизистон) таҳия гашта, барои татбиқашон  низ тадбирҳои судманд амалӣ мегарданд».
Бо ёдоварӣ аз тадбирҳои Ҳукумати Ҷумҳурии Тоҷикистон, Президенти мамлакат Эмомалӣ Раҳмон изҳори умеду боварӣ намуд, ки баҳри оғози татбиқи ин барнома дар дигар кишварҳои панҷгона, аз ҷумла Афғонистон низ чораҳои зарурӣ амалӣ мегарданд.
Ҳамчунин изҳори боварӣ шуд, ки татбиқи ин барнома мавриди дастгирии ниҳодҳои Созмони ҳамкории Шанхай, Бонки исломии рушд ва дигар муассисаҳои байналмилалии молиявӣ қарор мегирад.
Хотиррасон бояд намуд, ки дарозии умумии хати роҳи оҳане, ки Эрону Афғонистонро тавассути Тоҷикистон  бо Қирғизистону Чин мепайвандад, 2 ҳазору 260 км буда, маблағи бунёди он, тибқи ҳисоби пешакӣ, тақрибан 3,2 миллиард доллари амрикоиро ташкил хоҳад дод.

www.president.tj

-Сафари  расмии ҷалолатмаоб, Президенти  Ҷумҳурии   Тоҷикистон   Эмомалӣ Раҳмон ба Ҷумҳурии Исломии Афғонистон ва имзои санадҳои ҳамкории дуҷониба намуна ва баёнгари муносиботи нек ва дӯстона байни ду миллат ва давлати Тоҷикистону Афғонистон аст. Мо имрӯз ҷиҳати густариши ҳамкориҳои дуҷониба ва бисёрҷонибаи минтақавӣ, рӯйи масоиле, ки ба манфиати ҳар ду мамлакат аст, сӯҳбати муфид доштем. Бахусус дар қисмати зербиноҳо, ки ҳадафи сафари ман ҳам дар ҳамин аст.
Дар ин бора Абдулқуддус Ҳомидӣ, вазири фавоиди оммаи Ҷумҳурии Исломии Афғонистон, ки ҷиҳати иштирок дар мулоқоти нахустини вазирони нақлиёти кишварҳои панҷгона – Афғонистон, Тоҷикистон, Эрон, Чин ва Қирғизистон ба кишвари мо ташриф овардааст, пас аз мулоқот бо Эмомалӣ Раҳмон, Президенти Ҷумҳурии Тоҷикистон, ба хабарнигорон иттилоъ дод. Ба гуфти ӯ ҳадаф аз мулоқоти панҷгона тавсеаи иртибототи ҷодаӣ ва роҳи оҳан миёни кишварҳои минтақа аст. Тарҳи пайвастани роҳи оҳани Эрон –Афғонистон-Тоҷикистон бо роҳҳои оҳани Қирғизистону Чин дар маркази таваҷҷӯҳи иштирокдорони нишаст қарор хоҳад гирифт.
Абдулқуддус Ҳомидӣ тазаккур дод, ки ҷониби Афғонистон мутолиоти муқаддамотии хати роҳи оҳанро аз Эрон то Мазори Шариф ва Шерхон Бандар анҷом додааст. Ҳоло 75 километр хати роҳи оҳан аз Ҳайратон то Мазори Шариф фаъол аст. Тасмим гирифтаем, ки аз Мазори Шариф то ба Ҳирот ва аз Мазори Шариф то ба Шерхон Бандар роҳи оҳан бунёд намоем.
-Ҳамчунин тарҳе вуҷуд дорад, ки аз Қошғари Чин шурӯъ шуда, аз тариқи Қирғизистону хоки Тоҷикистон ба Афғонистон васл мешавад. Ин тарҳи бисёр хуб аст ва мо аз он дифоъ мекунем, - гуфт вазири фавоиди оммаи Афғонистон Абдулқуддус Ҳомидӣ.

Додоҷон Рӯзиев,
«Ҷумҳурият»


Баёни ақида (0)    Санаи нашр:    №:    Мутолиа карданд: 607

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй

Таъсиси гурӯҳи корӣ баҳри иҷрои «Барномаи рушди иҷтимоию иқтисодии шаҳри Душанбе барои давраи то соли 2025»

Давлаталӣ Саид дар Корея

20-умин конфронси расонаҳои Осиёи Марказӣ дар Остона баргузор шуд

«Толибон» рӯйхати иштирокдорони мушовараи Москваро интишор дод

Таърихшиноси фаронсавӣ ба Макрон нақши Россияро дар наҷоти Аврупо хотиррасон кард

Ҷаҳон дар як сатр

"TASHKENT GRAND PRIX" ИШТИРОКИ ПАҲЛАВОНОНИ ТОҶИК ДАР ОН

"Истиқлол" бори ҳафтум чемпиони Тоҷикистон шуд!


Дар сомонаҳои дигари Тоҷикистон хонед