logo

мулоқотҳо

Мулоқоти Эмомалӣ Раҳмон бо Симон Фрайзер

3 ноябр Президенти Ҷумҳурии Тоҷикистон Эмомалӣ Раҳмон муовини вазири корҳои хориҷии Британияи Кабир Симон Фрайзерро ба ҳузур пазируфт. «Мо Британияи Кабирро яке аз шарикони муҳими худ дар Аврупо мешуморем ва ҳавасмандем, ки муносибатҳои мо бемайлон рушду густариш ёфта, соҳаҳои гуногунро фаро бигиранд»,- изҳор дошт дар оғози сӯҳбат Сарвари давлати Тоҷикистон Эмомалӣ Раҳмон.

Президенти мамлакат Эмомалӣ Раҳмон аз барпо шудани заминаи хуби қарордодӣ - ҳуқуқии ҳамкорӣ бо Иттиҳоди Аврупо ва чанде аз кишварҳои аврупоӣ қаноатмандӣ зоҳир намуда, изҳори боварӣ кард, ки чунин ҳамкории наздик бо Британияи Кабир низ ба роҳ монда мешавад.
Дар робита ба вазъи Афғонистон Сарвари давлати Тоҷикистон Эмомалӣ Раҳмон аз иқдомоти сулҳҷӯёнаи ҳукумати ин кишвари азияткашида, аз ҷумла таъсиси Шӯрои сулҳ пуштибонӣ намуда, ҳамзамон изҳор дошт, ки "давлатҳо ва созмонҳои мададрасони Афғонистон дар бозсозии иқтисодиёту иҷтимоиёти он бояд аз имконоти иқтисодию зербиноӣ ва нерӯи башарии кишварҳои ҳамсоя, аз ҷумла Тоҷикистон васеъ истифода баранд ва мо барои ин ҳамаҷониба омодаем".
Симон Фрайзер дар робита ба ин мавзӯъ изҳор намуд: "Британияи Кабир нақши Тоҷикистонро дар бозсозии иқтисодиёт ва ҳаёти осоиштаи мардуми Афғонистон баланд арзёбӣ намуда, омода аст, ки ҳамкориҳои дуҷониба ва бисёрҷонибаи худро бо он густариш диҳад, аз ҷумла дар соҳаи иқтисод ва савдо ва татбиқи лоиҳаҳои зербиноӣ дар соҳаҳои гидроэнергетика ва ҳамлу нақл". ӯ ҳамчунин изҳор дошт, ки "Британияи Кабир ба ҳамкорӣ бо Тоҷикистон дар соҳаи гидроэнергетика  афзалияти бештар хоҳад дод".
Барои ба сатҳи матлуб баровардани муносиботи дуҷонибаи Тоҷикистону Британия Кабир ба роҳ мондани муколамаи мунтазами сиёсӣ дар сатҳу зинаҳои гуногун, аз ҷумла дар сатҳи олӣ, мубодилаи афкор дар масъалаҳои мубрами дуҷониба, минтақавӣ ва байналмилалӣ, таъсиси заминаи ҳуқуқии ҳамкорӣ дар арсаҳои гуногун, бахусус иқтисод ва савдо аз вазифаҳои аввалиндараҷа номида шуд.
Гуфтугӯйи судманд ҳамчунин атрофи авзои кунунии Афғонистон ва роҳҳои бартарафсозии мушкилоти сунъӣ дар роҳи рушди ҳамкории минтақавӣ дар Осиёи Марказӣ сурат гирифт.

Дар ин бора ба АМИТ "Ховар" аз Хадамоти матбуоти Президенти Ҷумҳурии Тоҷикистон иттилоъ доданд.
Симон Фрайзер, муовини ва-зири корҳои хориҷии Британияи Кабир, пас аз мулоқот бо Эмомалӣ Раҳмон, Президенти Ҷумҳурии Тоҷикистон, андешаҳояшро ба намояндагони воситаҳои ахбори омма чунин баён намуд:

- Дар   мулоқот  бо   Эмомалӣ  Раҳмон, Президенти Ҷумҳурии Тоҷикистон, мо асосан дар атрофи се масъалаи муҳими рӯз табодули назар намудем. Нахуст мавзӯи густариши ҳамкориҳои гуногунҷанбаи Тоҷикистону Британияи Кабир дар риштаҳои гидроэнергетика, иқтисод ва тиҷорат дар маркази таваҷҷӯҳи мо қарор гирифт. Зикр гашт, ки моҳи ноябри соли равон сафари ҳайати порлумонии Ҷумҳурии Тоҷикистон ба Британияи Кабир сурат хоҳад гирифт. Мо дар ҷараёни сафари ҳайати порлумонӣ мавзӯъҳои зикргаштаро бори дигар матраҳ менамоем. Талош хоҳем кард, ки ҳамкориҳои дуҷонибаи байни кишварҳоямон беш аз пеш тавсеа ёфта, ба рушди муттасили иқтисоди Тоҷикистон мусоидат намоянд.
Муовини вазири корҳои хориҷии Британияи Кабир ба хабарнигорон гуфт, ки дар мулоқот ҳамчунин масъалаи вобаста ба амнияти минтақа, ба вижа дар Ҷумҳурии Исломии Афғонистон матраҳ гашт. Ман аз он хушҳол шудам, ки ба ин масъалаи хеле муҳим Ҷаноби олӣ, Президенти Ҷумҳурии Тоҷикистон таваҷҷӯҳи хос дорад. Бешак ӯ ҷонибдори ҳарчи зудтар хотима ёфтани ҷанг дар Афғонистон ва барқарор  гаштани сулҳи саросарӣ дар ин кишвар аст.
Симон Фрайзер оид ба густариши ҳамкориҳои минтақавӣ дар соҳаҳои обу энергетика, нақлиёт ва коммуникатсия баёни андеша намуда, зимнан ба талошҳои Тоҷикистон дар роҳи расидан ба рушди устувор баҳои баланд дод.  

Додоҷон Рӯзиев,
«Ҷумҳурият»


Баёни ақида (0)    Санаи нашр:    №:    Мутолиа карданд: 688

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид


Дар сомонаҳои дигари Тоҷикистон хонед