logo

мулоқотҳо

Президенти Ҷумҳурии Тоҷикистон вазири фарҳанг ва туризми Ҷумҳурии Озарбойҷонро ба ҳузур пазируфт

Президенти Ҷумҳурии Тоҷикистон Эмомалӣ Раҳмон вазири фарҳанг ва туризми Ҷумҳурии Озарбойҷон Абулфас Мурсал оғлӣ Қараевро ба ҳузур пазируфт.
Дар мулоқот масоили густариши ҳамкориҳои гуногунҷанбаи Тоҷикистону Озарбойҷон, пеш аз ҳама дар соҳаҳои фарҳангу туризм, баррасӣ шуданд.

Дар вохӯрӣ тавсеаи робитаҳои фарҳангӣ, аз ҷумла ташкил ва гузарондани рӯзҳои фарҳангиро дар кишварҳои ҳамдигар воситаи хуби густариши ҳамкориҳо дар соҳаҳои гуногун ва таҳкими муносибатҳои дӯстонаи байни давлатҳо ва мардумони онҳо арзёбӣ намуданд.
Мусоҳибон аз натиҷаҳои Рӯзҳои фарҳанги Тоҷикистон дар Озарбойҷон, ки моҳи октябри соли 2007 баргузор гашта буд, қаноатмандӣ зоҳир намуда, изҳори боварӣ карданд, ки Рӯзҳои фарҳанги Озарбойҷон  дар Тоҷикистон низ дар сатҳи баланд ва фазои дӯстию бародарӣ ҷараён гирифта, баҳри таҳкиму густариши робитаҳои гуногунҷанбаи ду кишвар ва дар амал татбиқ шудани санадҳои қарордодию ҳуқуқии амалкунанда заминаи боэътимод мегузоранд.
Ҳар ду ҷониб таъкид бар он доштанд, ки таҷрибаи гузарондани рӯзҳои фарҳангӣ дар кишварҳои ҳамдигар солҳои баъдӣ низ идома дода шавад.
Дар мулоқот ҳамчунин оид ба масоили ҳамкорӣ дар соҳаҳои сиёсат, иқтисод, туризм, робитаҳои минтақавию байниминтақавӣ ва дигар мавзӯъҳои мавриди таваҷҷӯҳ гуфтугӯ сурат гирифт.

х х х
Баъди мулоқот бо Эмомалӣ Раҳмон, Президенти Ҷумҳурии Тоҷикистон, Абулфас Мурсал оғлӣ Қараев, вазири фарҳанг ва туризми Ҷумҳурии Озарбойҷон, ба хабарнигорон чунин иттилоъ дод:
-Аз ҷониби Эмомалӣ Раҳмон, Президенти Ҷумҳурии Тоҷикистон, пазироӣ гаштани ҳайати вакилони Озарбойҷон барои мо шарафи бузург аст. Ман мехоҳам таъкид намоям, ки дар кишварҳои ҳамдигар гузаронидани рӯзҳои фарҳанг бо иқдоми сарони ҳар ду давлат Эмомалӣ Раҳмон ва Илҳом Алиев сурат гирифтанд. Хуш аст, ки идеяи гузаронидани рӯзҳои фарҳанг дар рафти сафари Илҳом Алиев, Президенти Озарбойҷон ба Тоҷикистон ба миён омад ва амалӣ гашт.
Ҳайати мо барои гузаронидани Рӯзҳои фарҳанги Озарбойҷон дар Тоҷикистон омодагии ҷиддӣ диданд ва ҳунари хешро бо камоли кордонию маҳорат манзури мардуми кишвари шумо гардониданд.
Ҳоло робитаҳои мо дӯстона ва қаринанд. Бахусус робитаҳо миёни вазоратҳои фарҳанги ду кишвар ба дигар муносибатҳо мусоидат мекунанд. Аллакай дар самти мубодилаи мутахассисон, бозомӯзии кадрҳо, ба саҳнагузории муштараки намоишҳои театрӣ дастовардҳо ба назар расида, дар доираи созмонҳои бонуфузи ИДМ, давлатҳои исломӣ ба мувофиқа расидаем.
Умед дорам, ки робитаҳои қавӣ ба густариши муносибатҳои иқтисодӣ, фарҳангӣ мусоидат менамоянд, - гуфт дар хотима Абулфас Мурсал оғлӣ Қараев.

Мирзои Фирӯз,
«Ҷумҳурият»


Баёни ақида (0)    Санаи нашр:    №:    Мутолиа карданд: 710

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед