logo

қонунҳои ҶТ

Қонуни конститутсионии Ҷумҳурии Тоҷикистон Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон «Дар бораи судҳои Ҷумҳурии Тоҷикистон»

Моддаи 1. Ба Қонуни конститутсионии Ҷумҳурии Тоҷикистон аз 6 августи соли 2001 «Дар бораи судҳои Ҷумҳурии Тоҷикистон» (Ахбори Маҷлиси Олии Ҷумҳурии Тоҷикистон, с. 2001, №7, мод. 490; с. 2003, №12, мод. 685; с. 2004, №5, мод. 347; с. 2006, №3,    мод. 143; с. 2007, №7, мод. 651; с. 2008, №3, мод. 181; №6, мод. 443, №12, қ.1, мод. 982; с. 2010, №1, мод. 1) тағйиру иловаҳои зерин ворид карда шаванд:
1. Дар моддаи 26:
- аз қисми чорум калимаҳои «аз рӯи масъалаҳое, ки бо баррасии парвандаҳои мушаххаси судӣ вобаста нестанд,» хориҷ карда шаванд;
- аз қисми шашум калимаҳои «ва нусхаҳои эътирозҳо ё ин ки хулосаҳо оид ба парвандаҳои судӣ» хориҷ карда шаванд.
2. Дар қисми дуюми моддаи 27:
- сархатҳои дуюм, чорум ва панҷум хориҷ карда шаванд;
- дар сархати сеюм пас аз калимаи «гражданӣ» калимаи                 «, оилавӣ» илова карда шавад.
3. Дар қисми якуми моддаи 28 калимаҳои «Масъалаҳои ба баррасии парвандаи мушаххаси судӣ иртибот надошта» ба калимаи «Масъалаҳое» иваз карда шаванд.
4. Дар қисми дуюми моддаи 31:
- дар сархати якум калимаҳои «муовинони онҳо оид ба парвандаҳои ҷиноятӣ» ба калимаҳои «муовинони Прокурори генералии Ҷумҳурии Тоҷикистон оид ба парвандаҳои ҷиноятӣ, маъмурӣ» иваз карда шаванд;
- сархати дуюм бо мазмуни зерин илова карда шавад:
«аз рӯи эътирозҳои Раиси Суди Олии Ҷумҳурии Тоҷикистон, Прокурори генералии Ҷумҳурии Тоҷикистон ба тариқи назоратӣ парвандаҳои ҷиноятиро, ки собиқ Суди Олии ИҶШС ва судҳои ҷумҳуриҳои иттифоқии собиқ ИҶШС нисбати шаҳрвандони Ҷумҳурии Тоҷикистон баррасӣ намудаанд, ҳал менамояд;».
5. Дар сархати дуюми қисми якуми моддаи 35 калимаҳои «Раиси Суди Олии Ҷумҳурии Тоҷикистон ва муовинони вай» ба калимаҳои «Раиси Суди Олии Ҷумҳурии Тоҷикистон» иваз карда шаванд.
6. Дар сархати дуюми моддаи 352 пас аз калимаҳои «Прокурори генералии Ҷумҳурии Тоҷикистон» калимаҳои «ва муовинони ӯ» илова карда шаванд.
7. Дар сархати панҷуми қисми дуюми моддаи 36 калимаи «онҳоро» ба калимаҳои «Прокурори генералии Ҷумҳурии Тоҷикистон» иваз ва пас аз калимаи «ҷиноятӣ» калимаҳои «ва маъмурӣ» илова карда шаванд.
8. Дар қисми якуми моддаи 39:
- сархати чорум дар таҳрири зерин ифода карда шавад:
«ба тариқи назоратӣ нисбати фармонҳо, ҳалномаҳо, ҳукмҳо ва таъинотҳои коллегияҳои судӣ, агар дар онҳо вайронкунии ҷиддии қонун ҷой дошта бошад, эътироз меорад;»;
- сархати шашум хориҷ карда шавад.
9. Дар моддаи 40:
- сархатҳои якум ва сеюми қисми якум хориҷ карда шаванд;
- аз қисми дуюм калимаҳои «ба истиснои ҳуқуқҳои ӯ оид ба овардани эътироз ба Пленуми Суди Олии Ҷумҳурии Тоҷикистон оид ба парвандаҳои ҷиноятӣ  ва раисӣ кардан дар ҷаласаи он» хориҷ карда шаванд.
10. Сархатҳои якум ва дуюми қисми дуюми моддаи 42 хориҷ карда шаванд.
11. Аз сархати чоруми моддаи 43 калимаҳои «, ба ғайр аз овардани эътирозҳо, » хориҷ карда шаванд.
12. Дар моддаи 82:
- сархати чоруми қисми якум хориҷ карда шавад;
- аз қисми дуюм калимаҳои «ба истиснои ҳуқуқи ӯ оиди эътироз овардан,» хориҷ карда шаванд.
Моддаи 2. Қонуни конститутсионии мазкур пас аз интишори расмӣ мавриди амал қарор дода шавад.

 Президенти  Ҷумҳурии Тоҷикистон    Эмомалӣ  РАҲМОН

ш. Душанбе, 29 декабри соли 2010, № 651


Қарори
Маҷлиси намояндагони
Маҷлиси Олии Ҷумҳурии Тоҷикистон
Дар бораи қабул намудани Қонуни конститутсионии Ҷумҳурии Тоҷикистон «Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон «Дар бораи судҳои Ҷумҳурии Тоҷикистон»
Маҷлиси намояндагони Маҷлиси Олии Ҷумҳурии Тоҷикистон қарор мекунад:
Қонуни конститутсионии Ҷумҳурии Тоҷикистон «Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон «Дар бораи судҳои Ҷумҳурии Тоҷикистон» қабул карда шавад.

Раиси
Маҷлиси намояндагони
Маҷлиси  Олии Ҷумҳурии Тоҷикистон  Ш.  ЗУҲУРОВ

ш. Душанбе, 11 ноябри соли 2010, № 234

Қарори
Маҷлиси миллии
Маҷлиси Олии Ҷумҳурии Тоҷикистон
Дар бораи Қонуни конститутсионии Ҷумҳурии Тоҷикистон «Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон
«Дар бораи судҳои Ҷумҳурии Тоҷикистон»
Маҷлиси миллии Маҷлиси Олии Ҷумҳурии Тоҷикистон Қонуни конститутсионии  Ҷумҳурии Тоҷикистонро «Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон «Дар бораи судҳои Ҷумҳурии Тоҷикистон» баррасӣ намуда, қарор мекунад:
Қонуни конститутсионии Ҷумҳурии Тоҷикистон «Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон «Дар бораи судҳои Ҷумҳурии Тоҷикистон» ҷонибдорӣ карда шавад.

Раиси
Маҷлиси миллии
Маҷлиси Олии Ҷумҳурии Тоҷикистон      М. УБАЙДУЛЛОЕВ

ш. Душанбе, 16 декабри соли 2010, № 85


Баёни ақида (0)    Санаи нашр:    №:    Мутолиа карданд: 960

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед