logo

сафарҳо

Сафари давлатии Эмомалӣ Раҳмон ба Ҷумҳурии Исломии Покистон

7 март баъд аз зуҳр Эмомалӣ Раҳмон, Президенти Ҷумҳурии Тоҷикистон, бо сафари давлатӣ ба Ҷумҳурии Исломии Покистон омад.
Дар фурудгоҳи шаҳри Исломобод - пойтахти Ҷумҳурии Исломии Покистон Эмомалӣ Раҳмон - Сарвари давлати Тоҷикистонро бо шукӯҳу шаҳомати хоси сафарҳои давлатӣ истиқбол гирифтанд. Фурудгоҳи шаҳри Исломобод ба ин муносибат бо парчамҳои давлатии ду кишвар, шиору овезаҳои таҷассумкунандаи дӯстӣ ва ҳусни ҳамкорӣ оро ёфта буд. Ба истиқболи меҳмони олимақом садои 21 шиллики тӯпхонаҳо дар фазои шаҳри Исломобод танинандоз гардид.
Маросими давлатии истиқболи меҳмони олимақом дар қасри Президенти Покистон - "Айвони Садр" баргузор шуд. Барои истиқболи давлатӣ дар саҳни қасри "Айвони Садр" горди фахрӣ ва оркестри асбобҳои нафасӣ саф кашиданд.
Эмомалӣ Раҳмон - Сарвари давлати Тоҷикистонро Осиф Алӣ Зардорӣ, Президенти Ҷумҳурии Исломии Покистон ва Юсуф Ризо Гелонӣ, Сарвазири кишвар, истиқбол гирифта, ба болои минбар даъват намуданд.
Сурудҳои миллии ҳар ду кишвар садо доданд.  Пас аз иҷрои сурудҳои миллӣ Эмомалӣ Раҳмон, Президенти Ҷумҳурии Тоҷикистон, зимни гузаштан аз назди Горди фахрӣ ҷониби Парчами давлатии Покистон арзи эҳтиром намуд. Маросими давлатии истиқбол бо шиносоии сарони ду давлат бо ҳайатҳои расмии кишварҳои ҳамдигар ба поён расид.
Масоили таҳким ва густариши минбаъдаи муносиботи дӯстӣ ва ҳамкории дуҷонибаи Тоҷикистону Покистон нахуст дар мулоқоти хосаи Эмомалӣ Раҳмон ва Осиф Алӣ Зардорӣ, сарони ду давлат, сипас дар музокироти расмии онҳо бо иштироки ҳайатҳои ду ҷониб баррасӣ шуданд.
Аз сатҳи муносибот ва ҳамкории дуҷониба, пеш аз ҳама дар соҳаҳои амният ва тиҷорат, хусусан дар солҳои охир, изҳори қаноатмандӣ карда шуд. Муколамаи пайвастаи сиёсӣ, аз ҷумла мулоқоти мунтазами роҳбарияти ду кишвар, омили муҳим дар ин раванд арзёбӣ гардид. Бо қаноатмандӣ зикр гашт, ки дар соли 2010 ҳаҷми гардиши молу маҳсулот миёни ду кишвар нисбат ба соли 2009 сеюним маротиба ва рафтуомади шаҳрвандони Покистон ба Тоҷикистон 3 баробар афзуд.
Изҳори боварӣ карда шуд, ки сафари давлатии Президенти Ҷумҳурии Тоҷикистон ба Ҷумҳурии Исломии Покистон ба оғози марҳилаи нави муносиботи дӯстӣ ва ҳамкории мутақобилан судманди ду кишвар асос мегузорад. Бо қаноатмандӣ аз болоравии сатҳи муносиботи сиёсӣ, тавсиаи заминаи ҳуқуқӣ-қарордодӣ ва шароити хуби сармоягузорӣ дар Тоҷикистон изҳори боварӣ карда шуд, ки дар ояндаи наздик ҳамкории иқтисодию тиҷоратии ду кишвар ба маротиб афзоиш хоҳад ёфт.
Ба андешаи Эмомалӣ Раҳмон, "Покистон давлати муҳими минтақа мебошад ва метавонад, ба мисли дигар дӯстони наздики мо, яке аз сармоягузорони асосӣ ба иқтисоди Тоҷикистон гардад".
Рушди ҳамкорӣ дар соҳаҳои гидроэнергетика, аз ҷумла дар бунёди нерӯгоҳҳои барқӣ ва интиқоли нерӯи барқ, ба ҳам пайвастани роҳҳои оҳану мошингарди ду кишвар, иштироки якҷоя дар коркарди канданиҳои фоиданок ва нахи пахта, бозсозии корхонаҳои ресандагӣ ва бофандагӣ, ба кор даровардани корхонаҳои истеҳсоли маводи сохтмонӣ, сангҳои ороишӣ ва қиматбаҳо дорои манфиати зиёд барои сохторҳои давлатӣ ва соҳибкории ду кишвар маънидод гардид. Таваҷҷӯҳи зиёд ҳамчунин ба густариши ҳамкорӣ дар соҳаҳои илму техника, тандурустӣ ва туризм зоҳир гашт.
Дар асоси мутақобил гузарондани рӯзҳои фарҳанги Тоҷикистон ва Покистонро зарур шумурданд.
Бо ҳамфикрии ду ҷониб таъкид гардид, ки "Тоҷикистону Покистон, ҳамчун кишварҳои муҳими минтақа, ба тақвияти суботу амният ва густариши ҳамкории мутақобилан судманди минтақавӣ манфиатдоранд".
Аз ҳамкории зичи сохторҳои низомӣ ва идораҳои махсуси Тоҷикистону Покистон, ки тайи ду соли охир ба назар мерасад, изҳори қаноатмандӣ карда шуд. Ҳар ду ҷониб омодагии устувори худро барои мусоидат ба таҳкими амнияту субот дар Афғонистон, аз ҷумла тавассути татбиқи барномаю лоиҳаҳои иҷтимоию иқтисодии дорои аҳамияти минтақавӣ, таъкид доштанд.


Баёни ақида (0)    Санаи нашр:    №:    Мутолиа карданд: 782

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй

Таъсиси гурӯҳи корӣ баҳри иҷрои «Барномаи рушди иҷтимоию иқтисодии шаҳри Душанбе барои давраи то соли 2025»

Давлаталӣ Саид дар Корея

20-умин конфронси расонаҳои Осиёи Марказӣ дар Остона баргузор шуд

«Толибон» рӯйхати иштирокдорони мушовараи Москваро интишор дод

Таърихшиноси фаронсавӣ ба Макрон нақши Россияро дар наҷоти Аврупо хотиррасон кард

Ҷаҳон дар як сатр

"TASHKENT GRAND PRIX" ИШТИРОКИ ПАҲЛАВОНОНИ ТОҶИК ДАР ОН

"Истиқлол" бори ҳафтум чемпиони Тоҷикистон шуд!


Дар сомонаҳои дигари Тоҷикистон хонед