logo

президент

Қонуни нави миллӣ масъулияти ҳамаро меафзояд

8 апрел Эмомалӣ Раҳмон, Президенти мамлакат, дар бӯстонсарои Ҳукумати Ҷумҳурии Тоҷикистон бо иштироки намояндагони сершумори қишрҳои гуногуни  ҷомеа доир ба ҷамъбасти муҳокимаи умумихалқии лоиҳаи Қонуни Ҷумҳурии Тоҷикистон "Дар бораи масъулияти падару модар дар таълиму тарбияи фарзанд"  машварат орост.

Дар машварат роҳбарону масъулини вазорату идораҳои дахлдор, сохторҳои масъули Дастгоҳи иҷроияи Президенти Ҷумҳурии Тоҷикистон, намояндагони Маҷлиси Олии Ҷумҳурии Тоҷикистон, ҳизбҳои сиёсию созмонҳои ҷамъиятӣ, аҳли зиёи кишвар ва беш аз ҳама ҳуқуқшиносони маъруф иштирок намуданд.
Эмомалӣ Раҳмон, Президенти мамлакат, зимни суханронии таҳлилии худ аз натиҷаҳои муҳокимаи васеи лоиҳаи Қонуни Ҷумҳурии Тоҷикистон "Дар бораи масъулияти падару модар дар таълиму тарбияи фарзанд", ки аз 14 декабри соли 2010 оғоз ёфта, то кунун идома дорад, изҳори қаноатмандӣ намуд. Бо хушҳолӣ зикр гардид, ки хеле фаъол будани мардум дар муҳокимаи ин лоиҳа аз зарурати таҳия ва қабули он ва ҳавасмандии аҳолӣ башорат медиҳад.
Тавре зикр гардид, ҳангоми муҳокима 80 мақомоти давлатӣ, садҳо корхонаю муассиса ва дигар ташкилот, инчунин 11 ҳазор шаҳрванд ба таври хаттӣ ба Дастгоҳи иҷроияи Президенти Ҷумҳурии Тоҷикистон, Вазорати маориф ва дигар сохторҳои масъули давлатӣ таклифу пешниҳодоти худро баҳри мукаммал намудани лоиҳаи қонуни мазкур манзур намуданд. Таклифу пешниҳодҳои зиёди дигар аз тариқи радиову телевизион ва дигар расонаҳои ахбори умум ба миён гузошта шуданд.
Аз таҳлили Эмомалӣ Раҳмон, Сарвари давлат, бармеояд, ки умуман, дар муҳокимаи лоиҳаи қонун зиёда аз 2 миллион  шаҳрванди мамлакат иштирок намудаанд. Дар ин муддат 15 ҷаласаи гурӯҳи корӣ баргузор гардид, ки дар онҳо ҳамаи таклифу пешниҳодоти воридгардида мавриди омӯзишу муҳокима қарор гирифт. Беш аз 8000 таклиф  пурра ё қисман мақбул дониста шуда, бо назардошти онҳо лоиҳа такмил ёфт.
Бо қаноатмандӣ зикр гардид, ки дар маҷмӯъ пешниҳоди Президенти Ҷумҳурии Тоҷикистон дар бораи таҳия ва қабули чунин қонун аз ҷониби мардуми Тоҷикистон дастгирӣ ёфт.
Таъкид гардид, ки таҳия ва қабули Қонуни Ҷумҳурии Тоҷикистон "Дар бораи танзими анъана ва ҷашну маросим дар Ҷумҳурии Тоҷикистон" таҷрибаи нахустин дар ҷаҳон аст. Аз ин хотир, ин дувумин қонуни миллии Тоҷикистон номида шуд, ки бе намунаву таҷрибаи мавҷуда таҳия гардида, мавриди омӯзиш ва баҳрабардории дигар кишварҳои ҷаҳон қарор гирифтааст.
Эмомалӣ Раҳмон, Сарвари давлат, борҳо ба масъулияти муқаддаси падару модар дар тарбияи фарзанд ишора намуда, аз ҷумла бо ёдоварӣ аз ривоятҳои саҳобагон таъкид дошт: "ятим на он аст, ки падараш аз байн рафтааст, балки онест, ки аз илму адабу ахлоқ бебаҳра мемонад".
Бо вуҷуди ин, таъкид гардид, ки дар ягон моддаи лоиҳаи ин қонун ҳеҷ меъёр барои ҷазодиҳии падару модар муқаррар нашудааст, зеро ҳадафи асосӣ аз он танҳо бедор намудану баланд бардоштани масъулияти волидон дар таълиму тарбияи фарзанд аст.
Сипас Ҷумъа Давлатов, мушовири давлатӣ оид ба сиёсати ҳуқуқӣ-намояндаи комилҳуқуқи Президенти Ҷумҳурии Тоҷикистон дар Маҷлиси Олии Ҷумҳурии Тоҷикистон, лоиҳаи такмилёфтаи Қонуни Ҷумҳурии Тоҷикистон  "Дар бораи масъулияти падару модар дар таълиму тарбияи фарзанд" - ро қироат намуд. Дар ҷараёни қироат ва муаррифӣ моддаҳои алоҳидаи он мавриди муҳокима ва андешарониҳои Эмомалӣ Раҳмон, Сарвари давлат ва аҳли нишаст қарор гирифт. Аз ҷумла, Маҳкам Маҳмудов, раиси Суди конститутсионии Ҷумҳурии Тоҷикистон, изҳори боварӣ намуд, ки Қонуни Ҷумҳурии Тоҷикистон  "Дар бораи масъулияти падару модар дар таълиму тарбияи фарзанд"  мисли Қонуни Ҷумҳурии Тоҷикистон "Дар бораи танзими анъана ва ҷашну маросим дар Ҷумҳурии Тоҷикистон" ба манфиати давлату миллат хизмат намуда, ҳамзамон мавриди омӯзиш ва пазириши дигар кишварҳо қарор хоҳад гирифт.
Дар ҷамъбасти вохӯрӣ Эмомалӣ Раҳмон, Сарвари давлат, изҳор дошт, ки меъёрҳои лоиҳаи ин қонун ифодакунандаи хусусиятҳои хоси давлати демократии ҳуқуқбунёд ва дунявӣ мебошад ва таъкид намуд, ки он "ба наслҳои имрӯзу ояндаи кишвар нигаронида шудааст, зеро масъулият барои сарнавишти Ватан ва ояндаи миллат дар навбати аввал маҳз ба ӯҳдаи насли ҷавон хоҳад гузашт". "Аз ин хотир, - таъкид гардид дар фароварди сухан, - вазифаи муқаддаси мо ба камол расондани насли ҳамаҷониба солим, соҳибмаълумот, бунёдкор, нерӯманд ва миллатдӯсту меҳанпараст мебошад".


Баёни ақида (0)    Санаи нашр:    №:    Мутолиа карданд: 1425
10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД

ДУШАНБЕ. ТАҲТИ РАЁСАТИ АЗИМ ИБРОҲИМ ҶАЛАСАИ КОРӢ БАРГУЗОР ШУД

ШАҲРИ ТУРСУНЗОДА. КОРҲОИ ФАҲМОНДАДИҲӢ САМАР ДОРАНД

«ОВОЗИ САМАРҚАНД» КИТОБҲОИ ХУДРО РӮНАМОӢ КАРД

ВАНҶ. ОБ АСТ, КИ ОБОДИСТ

ТАБИБОНИ ЛАХШ: «ҒАМХОРИҲОИ ПЕШВОИ МИЛЛАТ БА МО НЕРУ МЕБАХШАД»

ФУТЗАЛ. БОЗИИ СУПЕРҶОМИ ТОҶИКИСТОН – 2020 КАЙ БАРГУЗОР МЕГАРДАД?

ТАЪКИДИ СИ ҶИНПИН АЗ ЗАРУРАТИ ҲАМКОРИИ ГУСТУРДАИ ЧИНУ РОССИЯ

ҶАҲОН ДАР ЯК САТР

08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"


Дар сомонаҳои дигари Тоҷикистон хонед