logo

мулоқотҳо

Эмомалӣ Раҳмон Роберт Блейкро ба ҳузур пазируфт

12 апрел Эмомалӣ Раҳмон, Президенти Ҷумҳурии Тоҷикистон, Роберт Блейк - ёвари Котиби давлатии Иёлоти Муттаҳидаи Амрико оид ба масъалаҳои Осиёи Ҷанубӣ ва Марказиро ба ҳузур пазируфт.
Дар мулоқот масоили ҳамкории гуногунпаҳлӯи Тоҷикистону Амрико баррасӣ шуданд.
"Тоҷикистон ба густариши робитаҳои дарозмуддати босуботи дӯстӣ ва ҳамкорӣ бо Иёлоти Муттаҳидаи Амрико манфиатдор  буда, ба таҳкими муносибот бо ин кишвар таваҷҷӯҳи пайваста зоҳир менамояд", - изҳор  дошт  дар  оғози  сӯҳбат    Эмомалӣ Раҳмон, Сарвари давлат.

Роберт Блейк аз номи роҳбарияти Иёлоти Муттаҳидаи Амрико ба нақши созанда ва суботбахши Тоҷикистон дар минтақа, хусусан дар самти барқарорсозии ҳаёти осоишта дар Афғонистон ва эҳёи иқтисоди ин кишвар баҳои баланд дода, ба Эмомалӣ Раҳмон ва роҳбарияти кишвар арзи сипос намуд.
Доир ба ҳамкории тиҷоратию иқтисодӣ, таъмини фазои мусоиди сармоягузорӣ, кӯмаки умумӣ, мубориза бар зидди таҳдиду чолишҳои асри муосир, пеш аз ҳама терроризм, ифротгароӣ ва гардиши ғайриқонунии маводи мухаддир, ҳифзи ҳуқуқ ва озодиҳои инсон, рушди ҷомеаи шаҳрвандӣ, ҳамчунин ҳамкориҳо дар соҳаҳои гуманитарӣ гуфтугӯи судманд сурат гирифт.
Аз самараи ҳамкорӣ миёни сохторҳои сиёсӣ, низомӣ ва мақомоти ҳифзи ҳуқуқ ва дастгирии техникии мақомоти Тоҷикистон изҳори қаноатмандӣ карда шуд. Ҳамзамон густариши бештари ҳамкории иқтисодӣ-тиҷоратӣ ва сармоягузорӣ, аз ҷумла дар соҳаҳои обу энергетика, нақлиёту коммуникатсия, кишоварзӣ ва иштироки Амрико дар татбиқи лоиҳаҳои минтақавӣ матлуб дониста шуд.
Доир ба дурнамои вазъи Афғонистон ва таъсири он ба кишварҳои минтақа, ҷустуҷӯи роҳҳои иқтисодию иҷтимоии таъмини субот дар ин кишвар ва густариши ҳамкории минтақавӣ дар Осиёи Марказӣ табодули назар карда шуд.
www.president.tj


* * *
Иёлоти Муттаҳидаи Амрико аз нақши созандаи Тоҷикистон дар суботи кишварҳои минтақа, назири Афғонистон, хушбин мебошад ва ба талошҳои Сарвари давлати мо дар ин самт эҳтиром қоил аст. Роберт Блейк, ёвари Котиби давлатии Амрико оид ба масъалаҳои Осиёи Ҷанубӣ ва Марказӣ, замоне ба ин нукта ишора кард, ки баъд аз мулоқот бо Эмомалӣ Раҳмон, Президенти Ҷумҳурии Тоҷикистон, бо доираи васеи хабарнигорони дохиливу хориҷӣ вориди гуфтугӯ шуд.
Роберт Блейк изҳор дошт, ки дар сӯҳбат бо Президенти Тоҷикистон мавзӯъҳои фарогире баррасӣ гардидаанд. Аз ҷумла, дурнамои вазъи Афғонистон ва таъсири нооромии он ба кишварҳои минтақа, таҳкими марзҳо, мубориза бо терроризм, қочоқи маводи мухаддир, тавсеаи ҳамкориҳои тиҷоратию иқтисодӣ байни ду кишвар мавриди таваҷҷӯҳ қарор гирифтаанд. Номбурда баъд аз мулоқот бо намояндагони Палатаи савдои Амрико дар Тоҷикистон, ки ду сол инҷониб дар кишвари мо фаъолият доранд, ба натиҷае расидааст, ки ҳанӯз имконоти зиёди ҳамкориҳо дар риштаи иқтисоду сармоягузорӣ истифода нашудаанд. Аз ин рӯ, дар мулоқоти тарафайн ҷустуҷӯи роҳу василаҳои таҳкими ҳамкориҳои минбаъдаи Тоҷикистону Амрико мавриди баррасӣ қарор гирифта, омодагии ҷониби ИМА оид ба сармоягузорӣ дар татбиқи лоиҳаҳои марбут ба обу энергетика, нақлиёту коммуникатсия, коркарди сарватҳои табиӣ таъкид шудааст.

Фирӯзи РАҲМОНИЁН,
«Ҷумҳурият»


Баёни ақида (0)    Санаи нашр:    №:    Мутолиа карданд: 602

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед