logo

энергетика

"Барқи Тоҷик": Маҳдудият бардошта шуд

Ҳамватанони гиромӣ,
Ширкати "Барқи Тоҷик" ба самъи мардуми шарифи кишвар мерасонад, ки вобаста ба зиёд шудани ҳаҷми об дар маҷрои рӯди Вахш ва пайдо шудани шароити мувофиқ бобати истеҳсоли барқ аз 17 апрел сар карда дар мамлакат маҳдудияти интиқоли барқро  барҳам дод.
Дар давраи сипаришуда ҷиҳати амалӣ намудани дастуру ҳидоятҳои Президенти кишвар ва афзалияти сиёсати энергетикии Ҳукумати Ҷумҳурии Тоҷикистон дар давраи тирамоҳу зимистони солҳои 2010-2011, ки эҳтиёҷ бо барқ бештар буд, маҳдудияти барқ нисбат ба солҳои қаблӣ хеле дер, аз моҳи декабр оғоз ёфт. Бар замми ин, пойтахти кишвар, марказҳои вилоятҳо, як қатор шаҳрҳои саноатӣ ва марказҳои маъмурии ноҳияҳо пурра бо барқ таъмин буданд ва мардуми деҳот дар ин давраи  10 -12  соатӣ барқ гирифтанд, ки ин нисбати солҳои пешин ҳаҷман хеле зиёд буд.
Тавре пешакӣ иттилоъ дода будем, бо сабаби дар ибтидои моҳи март ғайричашмдошт паст шудани ҳарорати ҳаво ва якбора кам шудани ҳаҷми об дар маҷрои дарёи Вахш, истеҳсоли нерӯи барқ дар миқёси мамлакат хеле коҳиш ёфт. Вазъияти ба амаломада тақозо намуд, ки дар интиқоли барқ реҷаи махсус ҷорӣ карда шавад. Бо вуҷуди ин,  аз "фурсати муносиб" истифода бурда, гурӯҳе мақсаднок дар байни мардум овозаҳои бардурӯғи иғвоангез паҳн намуданд, ки  гӯё Ҳукумати Ҷумҳурии Тоҷикистон дар ҳамин ҳолат ба хориҷи кишвар нерӯи барқ ё об фурӯхта бошанд. Мардуми шарифи кишвар эҳсос намуд, ки ин овозаҳо ғаразнок ва беасосанд, зеро айни ҳол миёни Тоҷикистону Покистон хатти интиқоли нерӯи барқ вуҷуд надорад ва ба Ӯзбекистон фурӯхтани об аз ҳарзае беш нест.
Хотиррасон менамоем, ки дар ин шабу рӯз низ ҳаҷми об дар маҷрои рӯди Вахш дар ҳар сония 550-560 метри кубиро ташкил медиҳад. Ҳол он ки соли гузашта дар ин шабонарӯз ҳаҷми ин нишондод беш аз  1000 метри кубӣ дар ҳар сония буд.
Инак, ин душвориҳо паси сар шуданд  ва алҳол тамоми манотиқи кишвар бе ягон маҳдудият барқ мегирад. Роҳбарияти ширкат ба сокинони кишвар бобати дарки амиқи масъала дар давраи ҷорӣ шудани реҷаи махсус ва сабру таҳаммулашон дар ҷавоби овозаҳои иғвоангез самимона арзи сипос намуда, бо камоли эҳтиром хоҳиш менамояд, ки аз сабаби кам будани захираи имсолаи барф ва барои тирамоҳу зимистони оянда захира намудани об дар обанбори Норак то ба ҳадди даркорӣ, ҳар қадар имкон аст, аз нерӯи барқ сарфакорона истифода баранд.

Маркази матбуоти
ШСХК "Барқи Тоҷик"


Баёни ақида (0)    Санаи нашр:    №:    Мутолиа карданд: 884

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед