logo

мулоқотҳо

Дар Тоҷикистон ошкорсозии ҷиноятҳои коррупсионӣ дуюним маротиба афзудааст

2 июн Эмомалӣ Раҳмон, Президенти Ҷумҳурии Тоҷикистон,  ҳайати Гурӯҳи таҳияи чораҳои молиявии мубориза бо қонунигардонии маблағ аз Гурӯҳи АвруОсиё оид ба мубориза бо қонунигардонии даромадҳои ғайриқонунӣ ва маблағгузории терроризмро, ки таҳти роҳбарии Даниел Гласер,  ёвари иҷроияи Котиботи Дафтари гурӯҳи мазкур, муовини вазири молияи Иёлоти Муттаҳидаи Амрико, ба Душанбе ташриф овардааст, ба ҳузур пазируфт.

Дар мулоқот масоили ҳамкории Тоҷкистон бо ин созмони бонуфузи байналмилалӣ доир ба мубориза бо ҷиноятҳои иқтисодӣ ва хусусан бо ҷиноятҳои коррупсионӣ баррасӣ гардиданд.
"Таҳкими қонунияту тартиботи ҳуқуқӣ, таъмини волоияти қонун ва пурзӯр намудани мубориза бо ҷинояткорӣ аз самтҳои афзалиятноки фаъолияти Ҳукумати Тоҷикистон аст", - изҳор дошт Эмомалӣ Раҳмон, Сарвари давлат.
 Зикр гардид, ки дар ҳамкорӣ бо Гурӯҳи АвруОсиё оид ба мубориза бо қонунигардонии даромадҳои ғайриқонунӣ ва маблағгузории терроризм ва бо тавсияҳои ин созмон дар Тоҷикистон корҳои зиёди самарабахш анҷом ёфтаанд. Аз ҷумла, Раёсати назорати молиявии назди Бонки миллии Тоҷикистон, ки бо ҳамин мақсад таъсис ёфтааст, дар мубориза бо қонунигардонии даромадҳои ғайриқонунӣ ва маблағгузории терроризм бо сохторҳои марбутаи кишвар ҳамкории босамар ба роҳ мондааст. Ҳамчунин Қонуни Ҷумҳурии Тоҷикистон "Дар бораи муқовимат ба қонунигардонии (расмикунонии) даромадҳои бо роҳи ҷиноят бадастомада ва маблағгузории терроризм" таҳия ва қабул гардид. Дуюним маротиба афзудани ошкорсозии ҷиноятҳои коррупсионӣ низ натиҷаи пурзӯр шудани чунин мубориза дар Тоҷикистон арзёбӣ гардид.
 Даниел Гласер ба қадамҳои нахустини Тоҷикистон барои мутобиқ намудани қонунгузорӣ ва санадҳои ҳуқуқии кишвар ба стандартҳои байналмилалии вобаста ба ин самт баҳои мусбат дода, изҳори боварӣ намуд, ки Нақшаи мушаххаси тадбирҳои минбаъдаи Ҳукумати Тоҷикистон дар самти  мубориза бо қонунигардонии даромадҳои ғайриқонунӣ ва маблағгузории терроризм таҳия ва қабул шуда, охири моҳи июни соли равон дар ҳамоиши Гурӯҳи АвруОсиё оид ба мубориза бо қонунигардонии даромадҳои ғайриқонунӣ ва маблағгузории терроризм мавриди баррасӣ ва дастгирӣ қарор мегирад.
Барои таъмини самараи бештар аз чунин мубориза густариши ҳамкории сохторҳои Гурӯҳи АвруОсиё оид ба мубориза бо қонунигардонии даромадҳои ғайриқонунӣ ва маблағгузории терроризм бо мақомоти дахлдори Тоҷикистон, аз ҷумла мубодилаи доимии таҷрибаю иттилоот, кӯмакҳои техникӣ ва омӯзишу бозомӯзии мутахассисон зарур шумурда шуд.

www.president.tj

* * *
Даниел Гласер, муовини вазири молияи Иёлоти Муттаҳидаи Амрико, аз қабули қонун ва санадҳои меъёрии ҳуқуқӣ дар самти мубориза бо қонунигардонии даромадҳои бо роҳҳои ҷиноят бадастомада ва маблағгузории терроризм дар Тоҷикистон истиқбол кард.
ӯ дар сӯҳбат бо хабарнигорон ба талошҳои Ҳукумати Тоҷикистон дар самти мубориза бо ҷиноятҳои иқтисодӣ, бахусус ҷиноятҳои коррупсионӣ ва қонунигардонии даромадҳои ғайриқонуниву ҷилавгирӣ аз маблағгузории терроризм баҳои баланд дод.
Бино ба гуфти Даниел Гласер, зимни дидори ҳайати гурӯҳ бо Эмомалӣ Раҳмон, Президенти Ҷумҳурии Тоҷикистон, масоили тақвияти ҳамкории кишвари мо бо ин созмони бонуфузи байналмилалӣ ва ба даст овардани самарҳои бештар таъкид шудааст. Дар ин замина мубодилаи таҷриба, кӯмакҳои техникӣ ва бозомӯзии мутахассисон аз самтҳои афзалиятноки ҳамкорӣ дониста мешавад.
Дар ҳамин ҳол Юрий Чеханчин, роҳбари Хадамоти федеролии Федератсияи Русия оид ба назорати молиявӣ, ки яке аз дигар роҳбарони ҳайати гурӯҳи мазкур аст, изҳор дошт, ки Тоҷикистон дар риштаи иқтисод пешрафтҳои амиқ касб кардааст. Гузашта аз ин, сиёсати иқтисоди берунии кишвар низ қобили дастгирӣ буда, қабули санадҳои муҳими меъёрии ҳуқуқӣ ба тавсеаи он мусоидат намудааст.

Фирӯзи РАҲМОНИЁН,
"Ҷумҳурият"


Баёни ақида (0)    Санаи нашр:    №:    Мутолиа карданд: 646

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров

GLOBE SOCCER AWARDS. Беҳтаринҳоро муайян кард

ҶАҲОН ДАР ЯК САТР

Дар Пекин музокироти тиҷоратии ИМА ва Чин мегузарад

Эрдуғон пирӯзӣ бар террористони «Давлати исломӣ» - ро эълом дошт

Разведкаи Сурия дар ҳафт сол 80 саркардаи исломиро нест кард

Сарвари ҶХД Корея ба Чин бо ташрифи серӯза омад

Танзими нархи дорудар Қазоқистон


Дар сомонаҳои дигари Тоҷикистон хонед