logo

илм

Озмоишгоҳе, ки саноати мошинсозиро рушд медиҳад, таъсис ёфт

Дар Донишгоҳи техникии Тоҷикистон ба номи академик  Муҳаммадҷон Осимӣ ифтитоҳи расмии озмоишгоҳи замонавии техникӣ доир гашт. Озмоишгоҳ  бо ёрии молии Ҳукумати Ҳиндустон бунёд ёфта, барои таълиму таҷрибаандӯзии донишҷӯёни тамоми макотиби олии техникӣ ва корхонаҳои фулузотии ҷумҳурӣ  истифода мешавад. То оғози муаррифии озмоишгоҳ меҳмонону иштирокчиён бо маҳсули эҷоду ихтирои донишҷӯёни хатмкунандаи бахшҳҳои гуногуни донишгоҳ , ки дар сурати асбобҳои аёнию макетҳо хеле ҷолиб буданд, шинос шуданд.

Макетҳои истгоҳҳои барқи бодӣ, ки камхарҷ ва тамоми фасли сол фаъол буда метавонад, стансияи барқи офтобӣ бо муҳаррик (алҳол дар таҷриба бе муҳаррик истифода мешавад), бинои истиқоматии 25 -ошёна бо тамоми системаҳои замонавии гармкунӣ, ҳавотозакунӣ, дастгоҳи майдакунандаи масолеҳи сохтмонӣ, ки аз санг чанд навъ масолеҳ тайёр намуда, онро ба навъҳо ҷудо месозад, аз ҷумлаи онҳо буданд.
Дар озмоишгоҳи бо ёрии дӯстони ҳинд бунёдшуда 8 навъи дастгоҳи оҳанбурӣ насб шудааст, ки онҳо аз фулузоти мустаҳкаму пуриқтидор ба мисли фӯлод сохта шудаанд. Бояд гуфт, ки дар таҷрибаи ҷаҳонӣ алҳол 10 навъи дастгоҳи оҳанбурӣ маъмул аст. Ин таълимгоҳ барои бозомӯзии шогирдон хизмат карда, заминае барои рушди саноати мошинсозӣ хоҳад шуд. Зеро дар он қисмҳои эҳтиётӣ барои мошинҳо, меху дигар таҷҳизоти фулузотӣ исеҳсол мешавад.
Анвар Абдурасулов, ректори Донишгоҳи техникии Тоҷикистон ба номи академик  М. Осимӣ  дар оғози ҷамъомад ба ҳозирин гуфт, ки  ҳанӯз моҳи августи соли 2006 ҳангоми сафари  кории Президенти ҷумҳурӣ, Эмомалӣ Раҳмон  ба Ҳиндустон ба бунёди чунин озмоишгоҳ  асос гузошта шуд. Сарвазири  ҳамонвақтаи  Ҳиндустон, Манмохан Сингх дар хусуси ҷудо намудани грант барои чунин як озмоишгоҳ ҳарф зада буд, ки имрӯз бо  дастгирию талоши хадамотҳои Тоҷикистону  Ҳиндустон ва сафорати ин кишвар дар Тоҷикистон амалӣ гашт. Номбурда ҳамчунин зикр намуд, ки озмоишгоҳ садҳо ҷавонони касбомӯзро  аз ҳунар баҳравар карда, солиёни зиёд барои соҳаи мошинсозӣ, рушди илму истеҳсолот хизмат хоҳад кард. 
Дар ҳамоиш Абдуҷаббор Раҳмонов, вазири маорифи  ҷумҳурӣ сухан гуфта, таъкид кард, ки ба истифодадиҳии озмоишгоҳ дар рӯзҳои садсолагии ҷашни устод  Мирзо Турсунзода бисёр рамзӣ буда, ин нишонаи идомаву ситоиши ғояҳои дӯстии васфкардаи устод Мирзо Турсунзода дар "Қиссаи Ҳиндустон" аст, ки ҳанӯз соли1947ҳангоми сафар ба ин мамлакат навишта шуда буд.
Аситх Кумар Бхачарти, сафири Ҳиндустон дар Тоҷикистон, гуфт, ки кишварам омода аст дар тамоми соҳаҳое, ки имкон дорад бо Тоҷикистон ҳамкорӣ кунад. Озмоишгоҳ натиҷаи ҳамкориҳои мост.  Алҳол татбиқи барномаҳои муштарак дар ҷодаи энергетика, саноати доруворӣ ва дигар соҳаҳо дар ҳудуди  беш аз 35 миллион доллар идома доранд.
Мавриди зикр аст, ки дастгоҳҳои насбшуда истеҳсоли ширкати НМТ Интернатсионал Лимитеди шаҳри Бангалори Ҳиндустонанд, ки соли 1974 бунёд шудааст. Ширкат шӯҳрати ҷаҳонӣ касб карда, дар инқилоби саноатии Ҳиндустон мусоидат намудааст. НМТ Интернатсионал Лимитед дар 70 мамолики дунё намояндагӣ ва ҳамчун ширкати серсоҳаи муҳандисию техникӣ муштариёни зиёд дорад. Дар доираи лоиҳаи бунёди озмоишгоҳ интиқоли дастгоҳҳову таҷҳизот, хизматрасонии техникӣ, таълими мутахассисони тоҷик дар Хиндустон, насбу омӯзиши дастгоҳҳо аз ҷониби мутахассисони ҳинд иҷро шуд.

Зӯҳра САФАРЗОДА,
"Ҷумҳурият"


Баёни ақида (0)    Санаи нашр:    №:    Мутолиа карданд: 839

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд


Дар сомонаҳои дигари Тоҷикистон хонед