logo

сафарҳо

Сафари расмӣ ба Маҷористон пурсамар анҷом ёфт

Нимаи  дуюми  10  июн  Эмомалӣ Раҳмон, Президенти Ҷумҳурии Тоҷикистон, баъди анҷоми сафари пурсамар аз Люксембург барои анҷом додани сафари расмӣ ба Маҷористон рафт.

Омодагии ҷиддии ҷониби Маҷористон ба ин сафар ва эҳтирому самимияти баланди мизбонон аз лаҳзаҳои аввали ба хоки ин сарзамин  қадам гузоштани Эмомалӣ Раҳмон, Сарвари давлати Тоҷикистон, аён гардид. Майдони истиқболи фурудгоҳи байналмилалии Будапешт ва ҳам кӯчаҳои протоколии пойтахти Маҷористон бо шиору овезаҳои пазироӣ ва парчамҳои давлатии ду кишвар, ки бо рангҳои сурху сафеду сабз ва тартиби ҷойгиршавии онҳо хеле ба ҳамдигар шабоҳат доранд, оро ёфтаанд.
 Худи ҳамон рӯз мулоқоту музокироти расмии дуҷонибаи Тоҷикистону Маҷористон баргузор гардид. Дар назди қасри Президенти Маҷористон Эмомалӣ Раҳмон - Сарвари давлати Тоҷикистонро Пал Шмитт, Президенти Маҷористон, истиқбол гирифт. Маросими истиқболи расмӣ тибқи муқаррароти протоколи давлатӣ бо шукӯҳу шаҳомати хоса ҷараён гирифт.
 Масоили таҳким ва густариши муносиботи дӯстона ва ҳамкории судбахши Тоҷикистону Маҷористон нахуст дар мулоқоти хосаи сарони ду давлат, сипас дар музокироти васеъ бо иштироки ҳайатҳои расмии ду ҷониб баррасӣ шуданд.
 Эмомалӣ Раҳмон, Сарвари давлати Тоҷикистон,  бо ёдоварӣ аз мавқеи хосаи Маҷористон дар Аврупои  шарқӣ ва таърихи робитаҳои қаблии ду кишвар изҳор дошт: "Мо Маҷористонро дар робитаҳои байналмилалии худ ҳамчун шарики боэътимод медонем  ва баҳри таҳкими пояҳои ҳамкории  мутақобилан судманд бо он саъю талоши доимӣ дорем".
 Пал Шмитт дар навбати худ изҳор дошт, ки Маҷористон ба таҳким ва густариши ҳамкорӣ бо Тоҷикистон ба манзури нақши муҳими он дар минтақаи Осиёи Марказӣ манфиатдор аст. ӯ ҳамчунин таъкид дошт, Маҷористон омода аст ба рушди иқтисоди Тоҷикистон аз тариқи татбиқи лоиҳаҳои муштараки судманд ва ҳам таҳкими амну субот ва некӯаҳволии мардуми он мусоидати фаъол намояд.
 Ҳар ду ҷониб ба рушди муносибатҳои сиёсӣ  ва густариши ҳамкорӣ дар соҳаҳои иқтисод ва савдо, кишоварзӣ, бунёди корхонаҳои муштараки истеҳсоли масолеҳи сохтмон, коркарди пахта, пашму пӯст, меваю сабзавот, истихроҷи маъдан ва сангҳои қиматбаҳо ва ҳамчунин дар соҳаҳои маориф, тандурустӣ, илму техника, фарҳанг, варзиш ва туризм изҳори ҳавасмандӣ карданд.
 Баъди анҷоми мулоқоту музокироти расмӣ 5 санади нави ҳамкорӣ ба имзо расид.
Нахуст зери Эъломияи муштараки Тоҷикистону Маҷористон оид ба густариши муносибатҳои дуҷониба Эмомалӣ Раҳмон - Президенти Тоҷикистон ва Пал Шмитт, Президенти Маҷористон, имзо гузоштанд.
 4 санади дигар Созишномаи ҳамкорӣ миёни Вазорати тандурустии Тоҷикистон ва Вазорати манбаъҳои миллии Маҷористон, Ёддошти тафоҳум оид ба ҳамкорӣ дар соҳаи комплекси агросаноатӣ миёни Вазорати кишоварзии Тоҷикистон ва Вазорати рушди деҳоти Маҷористон, Ёддошти тафоҳум оид ба ҳамкорӣ миёни вазоратҳои корҳои хориҷии Тоҷикистону Маҷористон ва Шартномаи ҳамкорӣ миёни Кумитаи миллии олимпии Тоҷикистон ва Кумитаи олимпии Маҷористон буд.
 Ҳамчунин Созишномаи байниҳукуматии Тоҷикистону Маҷористон оид ба ташвиқ ва ҳифзи мутақобилаи сармоягузорӣ ба мувофиқа расид.
 Зимни изҳороти матбуотӣ ва посух  ба  суолҳои  хабарнигорон сарони ду давлат Эмомалӣ Раҳмон ва Пал Шмитт аз натиҷаҳои гуфтушунид изҳори қаноатмандӣ карда, дурнамои муносиботи Тоҷикистону Маҷористонро умедбахш арзёбӣ намуданд.
 Эмомалӣ Раҳмон, Сарвари давлати Тоҷикистон, Пал Шмитт - Президенти Маҷористонро даъват намуд, ки ба Тоҷикистон бо сафари расмӣ ташриф биёрад.
 Сипас Эмомалӣ Раҳмон, Президенти Ҷумҳурии Тоҷикистон ба "Майдони қаҳрамонон"-и пойтахти Маҷористон - шаҳри Будапешт ташриф оварда, ба нишони эҳтирому самимият ба арзишҳои волои таърихӣ ва фарҳангии мардуми ин кишвар дар назди муҷассамаи қаҳрамонон гулчанбар гузошт. Маросими гулчанбаргузорӣ бо иштироки афсарони горди фахрӣ ва оркестри асбобҳои мусиқии нафасӣ ҷараён гирифт.


Баёни ақида (0)    Санаи нашр:    №:    Мутолиа карданд: 746

19.11.2018


ДЕВАШТИЧ. Авҷи созандагиҳо дар Ҷамоати деҳоти Яхтан

Артиши Сурия охирин истеҳкоми «ДИ» дар ҷануби кишварро зери назорат гирифт

Дар ҳама минтақаҳои Ӯзбекистон «мактаби президентӣ» месозанд

Роҳандозии барномаи махсуси давлатии ипотекӣ барои дӯзандагони Қирғизистон

Киштии зериобии «Сан Хуан» - ро дар уқёнуси Атлантика ёфтанд

Ҷаҳон дар як сатр

Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид


Дар сомонаҳои дигари Тоҷикистон хонед