logo

мулоқотҳо

Ба ҳифзи сарҳади Тоҷикистону Афғонистон таваҷҷӯҳ зоҳир гашт

Нимаи дуюми 30 июни соли 2011 Эмомалӣ Раҳмон, Президенти Ҷумҳурии Тоҷикистон, Вилям Браунфилд, ёвари котиби давлатии Иёлоти Муттаҳидаи Амрико оид ба муборизаи байналмилалӣ бо маводи мухаддир ва ҳифзи тартиботи ҳуқуқиро ба ҳузур пазируфт.

Дар мулоқот масоили ҳамкории Тоҷикистону Амрико дар арсаҳои гуногун баррасӣ шуданд.
Таваҷҷӯҳи асосӣ ба ҳамгироии муштарак дар мубориза бо терроризму ифротгароӣ, гардиши ғайриқонунии маводи мухаддир ва мусоидат ба таҳкими ҳифзи сарҳади Тоҷикистону Афғонистон зоҳир гардид.
Аз сатҳ ва мазмуни ҳамкории сохторҳои қудратӣ ва мақомоти ҳифзи ҳуқуқу тартиботи Тоҷикистону Амрико дар самти мубориза бо хатарҳои ҷаҳони муосир, ки аз ҷумла дар шакли омодасозии кадрҳо, машғулиятҳои муштарак ва расондани кӯмакҳои техникӣ сурат мегирад, изҳори қаноатмандӣ шуд.
Аз ду ҷониб таъкид гардид, ки дар мубориза бо истеҳсол ва гардиши ғайриқонунии маводи мухаддир Тоҷикистону Амрико бояд бо тамоми кишварҳои минтақаи Осиёи Марказӣ, Афғонистон ва Русия ҳамгироии зич ба роҳ монанд.
Бо қаноатмандӣ зикр ёфт, ки дар натиҷаи амалӣ шудани тадбирҳои судманди муштарак дар Афғонистон, аз ҷумла несту нобуд кардани киштзорҳои растаниҳои нашъадор ва муборизаи босамар бо қочоқбарон вақтҳои охир гардиши маводи мухаддир рӯ ба коҳиш овардааст. Ҳар ду ҷониб омодагӣ ва ҳавасмандии устувори худро ба идомаи муборизаи муваффақона бо ин вабои аср ва ҳамчунин ба густариши ҳамкорӣ дар дигар самтҳо таъкид намуд.

www.president.tj


Дар самти мубориза бо гардиши ғайриқонунии маводи мухаддир ва ҷилавгирӣ аз қочоқи ин вабои аср Тоҷикистону Амрико шарикони боэътимоданд.
Дар заминаи ҳамкориҳои муштарак ва ба роҳ мондани чораҳои таъсирбахши мубориза бо қочоқбарон ахиран гардиши ғайриқонунии маводи нашъаовар аз Афғонистон тариқи хоки Тоҷикистон коҳиш ёфтааст.
Ин матлабро Вилям Браунфилд,  ёвари котиби давлатии Иёлоти Муттаҳидаи Амрико оид ба муборизаи байналмилалӣ  бо  маводи  мухаддир ва ҳифзи  тартиботи  ҳуқуқӣ,  баъд аз  мулоқот  бо  Эмомалӣ  Раҳмон, Президенти Ҷумҳурии Тоҷикистон, баён намуд. Мавсуф дар сӯҳбат бо хабарнигорон ба нақши Тоҷикистон дар мубориза бо мухаддирот, терроризму экстремизм ва дигар хатарҳои ҷаҳонӣ баҳои баланд дод.
Бино ба гуфти Вилям Браунфилд, зимни мулоқот ҷонибҳо ба тақвияти сарҳадоти Тоҷикистону Афғонистон, расонидани ёриҳои техникию гузаронидани машғулиятҳои муштарак таваҷҷӯҳ зоҳир намуда, дар ин замина густариши ҳамкорӣ бо дигар кишварҳои Осиёи Марказӣ, Афғонистон ва Русияро таъкид кардаанд.
Вилям Браунфилд қабл аз ин дидор бо роҳбарияти мақомоти корҳои дохилӣ, Агентии назорати маводи нашъаовари назди Президенти Ҷумҳурии Тоҷикистон ва дигар сохторҳои марбута низ дидору гуфтугӯ кардааст.

Фирӯзи РАҲМОНИЁН,
"Ҷумҳурият"


Баёни ақида (0)    Санаи нашр:    №:    Мутолиа карданд: 562

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй


Дар сомонаҳои дигари Тоҷикистон хонед