logo

қонунҳои ҶТ

Қонуни Ҷумҳурии Тоҷикистон ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН "ДАР БОРАИ ҶАВОНОН ВА СИЁСАТИ ДАВЛАТИИ ҶАВОНОН"

Моддаи 1. Ба Қонуни Ҷумҳурии Тоҷикистон аз 15 июли соли 2004 "Дар бораи  ҷавонон ва сиёсати давлатии ҷавонон" (Ахбори Маҷлиси Олии Ҷумҳурии Тоҷикистон, с.2004, №7, мод.459) тағйиру иловаҳои зерин ворид карда шаванд:
1. Дар муқаддима калимаи  "иқтидори" ба калимаи "нерӯи" иваз карда шавад.
2.  Дар сархати чоруми  моддаи 1  калимаҳои "мувофиқат (адаптатсия)  ва  офияти (реабилитатсияи)", сархати сеюми моддаи 12  калимаҳои "офияти (реабилитатсияи)", сархати сеюми моддаи 22 калимаҳои "офиятӣ (реабилитатсионӣ)"  ва  дар сархати шашуми қисми дуюми моддаи 23 калимаҳои "мувофиқати (адаптатсияи)"   мутаносибан ба калимаҳои "мутобиқат ва тавонбахшии", "тавонбахшии", "тавонбахшӣ"  ва "мутобиқати"  иваз карда шаванд.
 3. Дар сархати чоруми моддаи 1,  сархати ҳафтуми моддаи 8, қисми дуюми моддаи 14, матни моддаи 16, сархати дуюми қисми дуюми моддаи 17, матни моддаи 18, қисми чоруми моддаи 19,  матни моддаи 23, қисми дуюми моддаи 26, қисми панҷуми моддаи 27 ва қисми дуюми моддаи 28 калимаҳои "шаҳрвандони ҷавон"  ва "Шаҳрвандони ҷавон"  мутаносибан ба калимаҳои "ҷавонон", "ҷавононе", "Ҷавонон" ва "Ҷавононе" иваз карда шаванд.
 4. Дар моддаи  2 пеш аз калимаи "эътироф" калимаи "онҳоро" илова карда шавад.
 5. Дар моддаи 3:
- дар сархати чоруми қисми якум калимаҳои "шаҳрвандони ҷавон" ба калимаҳои "ҷавонон, инчунин ташаббусҳои аҳамияти иҷтимоидоштаи онҳо" иваз карда шаванд;
- ба қисми дуюм сархатҳои якум, дуюм ва сеюм бо мазмуни зайл илова карда шаванд:
"- қонуният;
- интихоби самтҳои афзалиятноки рушди сиёсати давлатии ҷавонон;
- баҳисобгирии манфиатхои гурӯҳҳои гуногуни наврасон ва ҷавонон, аз ҷумла ҷавонони имкониятҳои ҷисмонӣ ва рӯҳиашон маҳдуд;";
- дар сархати ҳафтуми қисми дуюм калимаи "ҷанбаи" ба калимаи "асоснокии" иваз карда шавад.  
   6. Дар моддаи 4:
- дар қисми якум калимаи "соҳаҳои" ба калимаи "самтҳои" иваз карда шавад;
- дар сархати чоруми қисми якум пеш аз калимаи "ҷавонони" калимаи "давлатии" илова карда шавад;
- сархати ҳафтум дар таҳрири зайл ифода карда шавад:
"- тарбияи ҷавонон, аз  ҷумла тарбия дар рӯҳияи худшиносии миллӣ, ватандӯстӣ, эҳтиром ба рамзҳои давлатӣ,  масъулияти шаҳрвандӣ, таъмини иштироки онҳо дар рушди фарҳанги миллӣ ва забони давлатӣ;";
- сархатҳои ҳабдаҳум ва ҳаждаҳум  бо мазмуни зайл илова карда шаванд:
"- пешгирии ҳодисаҳои номатлуби иҷтимоӣ, нашъамандӣ, майзадагӣ,  экстремизм ва терроризм дар байни ҷавонон;
-  ба ҳаёти ҷомеа  фаъолона ҷалб  кардани  ҷавононе, ки дар  ҳолатҳои душвори зиндагӣ қарор доранд.";
- қисми дуюм дар таҳрири зайл ифода карда шавад:
"Асоси татбиқи  сиёсати давлатии ҷавононро барномаҳои давлатии ҷавонон ташкил медиҳанд, ки аз ҷониби Ҳукумати Ҷумҳурии Тоҷикистон бо назардошти  самтҳои асосии сиёсати давлатии ҷавонон тасдиқ карда мешаванд.".
7. Дар моддаи 5:
- дар қисми якум калимаҳои  "илмҳои ҷамъиятӣ"  ба калимаҳои "илму техника" иваз карда шаванд;
- дар қисми панҷум баъд аз калимаҳои "фарҳангию маърифатӣ," калимаҳои "аз  ҷумла технологияҳои муосири иттилоотӣ," илова карда шаванд;
-  дар қисми ҳафтум калимаҳои "мақомоти ҷумҳуриявии давлатии кор бо ҷавонон"  ба калимаҳои "мақомоти ваколатдори давлатии кор бо ҷавонон" ва  калимаҳои "худидоракунии маҳаллӣ" ба калимаҳои "худидоракунии шаҳрак ва деҳот" иваз карда шаванд.
8. Дар сархати дуюми қисми дуюми моддаи 7, сархати панҷуми моддаи 8, ном ва матни моддаи 9, сархати нӯҳуми моддаи 11, қисми дуюми моддаи 15, қисми дуюми моддаи 17, сархати чоруми қисми якуми моддаи 20, қисми сеюми моддаи 24 ва қисми дуюми моддаи  29 калимаҳои "мақомоти давлатии кор бо ҷавонон" ба калимаҳои "мақомоти ваколатдори давлатии кор бо ҷавонон" иваз карда шаванд.
9. Дар сархати чоруми қисми дуюми моддаи 7, ном ва матни моддаи 11, сархати якуми қисми дуюми моддаи 13  калимаҳои "мақомоти ҳокимияти маҳаллӣ" ва "ҳокимияти маҳаллӣ" ба калимаҳои "мақомоти маҳаллии ҳокимияти давлатӣ" иваз карда шаванд.
10. Дар  моддаи 9:
- дар сархати даҳум баъд аз калимаи "кор" калимаҳои ", инчунин барои фаъолият дар хориҷи кишвар, касбу ҳунаромӯзӣ ва забономӯзӣ" илова карда шаванд;
- сархати понздаҳум  бо мазмуни зайл илова карда шавад:
"- оид ба дастгирии давлатии олимон ва ихтироъкорони ҷавон тадбирҳои зарурӣ меандешад;".
11. Дар сархати сеюми моддаи 10 калимаҳои "мактабҳои таълими истеҳсолӣ" ба калимаҳои "муассисаҳои касбомӯзӣ ва таҳсилоти иловагӣ" иваз карда шаванд.
12. Дар  сархати ҳафтуми моддаи 11, қисми якуми моддаи 16, қисми дуюми моддаи 17, қисми сеюми моддаи 24, қисми якуми моддаи 26 ва қисми сеюми моддаи 28 калимаҳои "худидоракунии маҳаллӣ" ба калимаҳои "худидоракунии шаҳрак ва деҳот" иваз карда шаванд.
13. Сархати дуюми қисми дуюми моддаи 12 дар таҳрири зайл ифода карда шавад:
" - оид ба масъалаҳои таҳсил, фаъолияти меҳнатӣ, муҳоҷирати меҳнатӣ, шуғл ва тарбияи ватандӯстии ҷавонон, демографӣ ва танзими оила, танзими анъана ва ҷашну маросимҳо, мавқеи зан дар ҷомеа, мубориза бар зидди нашъамандӣ, майзадагӣ, экстремизм ва терроризм  вохӯрию мулоқотҳо, конфронсҳои илмию амалӣ, семинарҳои методӣ ва дигар чорабиниҳои омӯзишию маърифатӣ мегузаронанд.".
14. Ба қисми якуми моддаи 16 сархати чорум бо мазмуни зайл илова карда шавад:
" - омӯзиши касбу ҳунар, асосҳои қонунгузорӣ оид ба меҳнат ва  таълими забонҳои хориҷиро ташкил менамоянд;".
15. Дар сархати якуми қисми дуюми моддаи 17 ва сархати  сеюми моддаи 22  калимаҳои "вируси норасоии масунияти бадан (ВИЧ), аломати норасоии масунияти бадан (СПИД)" ба калимаҳои "вируси норасоии масунияти одам, бемории пайдошудаи норасоии масуният ва бемориҳои ба воситаи алоқаи ҷинсӣ гузаранда" иваз карда шаванд.
16. Дар моддаи 18:
- дар қисмҳои чорум, панҷум ва шашум калимаҳои "хонандагон" ва "хонандагонро" ба калимаҳои "наврасону ҷавонон"  ва "наврасону ҷавононро" иваз карда шаванд;
- дар қисми ҳафтум баъд аз калимаҳои "олии касбӣ" калимаҳои ",олии касбии баъд аз муассисаи олии таълимӣ" илова карда шаванд.
17. Дар қисми якуми моддаи 19 сархатҳои шашум ва ҳафтум бо мазмуни зайл илова карда шаванд:
"- татбиқи чораҳо барои омода намудани ҷавонон ба ҳаёти мустақилонаи оилавӣ, мусоидат ба омӯзиши асосҳои танзими оила;
- мусоидат ба рушди низоми  муассисаҳои томактабӣ.".
18. Моддаи 191 бо мазмуни зайл илова карда шавад:
"Моддаи 191. Дастгирии давлатии ҷавонони соҳибистеъдод
Дастгирии давлатии ҷавонони соҳибистеъдод қисми таркибии сиёсати давлатии ҷавонон дар Ҷумҳурии Тоҷикистон буда, бо роҳҳои зерин амалӣ карда мешавад:
- муқаррар намудани стипендия, мукофот, пешниҳоди грантҳои давлатии таҳсилотӣ тибқи қонунгузории Ҷумҳурии Тоҷикистон;
- ташкили фондҳои махсус;
- бунёд ва рушди марказҳо оид ба муайян ва тайёр  намудани ҷавонони соҳибистеъдод;
- ташкил ва гузаронидани чорабиниҳо бо мақсади муайян ва паҳн намудани дастовардҳои илмӣ ва эҷодии ҷавонон;
- таъмини дастрасии ҷавонони соҳибистеъдод ба барномаҳои таҳсилотӣ, такмили ихтисос ва коромӯзӣ дар дохил ва хориҷи кишвар дар асоси озмун;
- муҳайё намудани шароит ба олимони ҷавон, кормандони ҷавони соҳаҳои маориф ва фарҳанг баҳри амалӣ намудани фаъолияти илмию эҷодӣ, мусоидат  ба амалӣ гаштани дастовардҳои олимони ҷавон;
- ҳавасмандгардонии маънавии шахсони воқеӣ ва ҳуқуқӣ, ки ҷавонони соҳибистеъдодро дастгирӣ менамоянд.".
19. Дар моддаи 22:
- дар сархати якум калимаи "омӯзиш" ба калимаи "омӯзишӣ" иваз карда шавад;
- ба сархати дуюм баъд аз калимаи "онҳо" калимаҳои "ва ё шахсони онҳоро ивазкунанда;" илова карда шаванд;
  - дар сархати панҷум калимаи "касбомӯзӣ," ба калимаҳои "касбу ҳунаромӯзӣ, омӯзиши забонҳо ва технологияи муосир," иваз карда шавад;
- дар сархати  ҳафтум калимаҳои "шаҳрвандони ҷавони ноболиғ" ба калимаи "ноболиғон" иваз карда шаванд;
- сархати ҳаштум дар таҳрири зайл ифода карда шавад:
"- дигар хизматрасониҳои иҷтимоӣ тибқи қонунгузории Ҷумҳурии Тоҷикистон.".
20. Дар сархати чоруми қисми дуюми моддаи  23 калимаҳои "шаҳрвандони ноболиғ" ба калимаи "ноболиғоне" иваз карда шаванд.
21.Ба моддаи 28 қисми чорум бо мазмуни зайл илова карда шавад:
"Давлат иттиҳодияҳои ҷамъиятии ҷавононро, ки дар рушди сиёсати иҷтимоӣ ва тарбияи ватандӯстии ҷавонон барномаҳо амалӣ мекунанд, дастгирӣ менамояд.".
Моддаи 2. Қонуни мазкур пас аз интишори расмӣ мавриди амал қарор дода шавад.

Президенти Ҷумҳурии Тоҷикистон  Эмомалӣ РАҲМОН
ш. Душанбе, 28 июни соли 2011, № 716


Қарори Маҷлиси
 намояндагони Маҷлиси Олии Ҷумҳурии Тоҷикистон
Дар бораи қабул намудани Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи ҷавонон ва сиёсати давлатии ҷавонон"

Маҷлиси намояндагони Маҷлиси Олии Ҷумҳурии Тоҷикистон  қарор мекунад:
Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи ҷавонон ва сиёсати давлатии ҷавонон" қабул карда шавад.

Раиси Маҷлиси  намояндагони 
Маҷлиси Олии  Ҷумҳурии
Тоҷикистон                 Ш. ЗУҲУРОВ
ш. Душанбе, 25 майи соли 2011,
№ 433


Қарори Маҷлиси миллии Маҷлиси Олии Ҷумҳурии Тоҷикистон
Дар бораи Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи ҷавонон ва сиёсати давлатии ҷавонон"
Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистонро "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи ҷавонон ва сиёсати давлатии ҷавонон" баррасӣ намуда, қарор мекунад:
Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи ҷавонон ва сиёсати давлатии ҷавонон" ҷонибдорӣ карда шавад.

Раиси  Маҷлиси миллии
Маҷлиси Олии Ҷумҳурии
Тоҷикистон                М. УБАЙДУЛЛОЕВ
ш. Душанбе, 9 июни соли 2011,
№ 187


Баёни ақида (0)    Санаи нашр:    №:    Мутолиа карданд: 1142

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед