logo

қонунҳои ҶТ

Қонуни Ҷумҳурии Тоҷикистон ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН "ДАР БОРАИ МАҶЛИСҲО, ГИРДИҲАМОИҲО, НАМОИШҲО ВА РОҲПАЙМОИҲОИ ОСОИШТА"

Моддаи 1. Ба Қонуни Ҷумҳурии Тоҷикистон аз 22 майи соли 1998 "Дар бораи маҷлисҳо, гирдиҳамоиҳо, намоишҳо ва роҳпаймоиҳои осоишта" (Ахбори Маҷлиси Олии Ҷумҳурии Тоҷикистон, с.1998, №10, мод.109) тағйиру иловаҳои зерин ворид карда шаванд:
1. Дар номи Қонун ва номи моддаи 1 калимаҳои "роҳпаймоиҳои осоишта" ба калимаи "роҳпаймоиҳо" иваз карда шаванд.
2. Ба Қонун дебоча бо мазмуни зайл илова карда шавад:
"Қонуни мазкур муносибатҳои ҷамъиятиро ҳангоми гузаронидани маҷлисҳо, гирдиҳамоиҳо, намоишҳо, пикетгузориҳо ва роҳпаймоиҳо дар Ҷумҳурии Тоҷикистон танзим менамояд.".
3. Дар тамоми матни Қонун сархатҳо бо аломати дефис "-" ишора карда шаванд.
4. Дар моддаи 1:
- дар қисми якум калимаҳои "ва роҳпаймоиҳое (минбаъд - намоишҳо)" ба калимаҳои ", пикетгузориҳо ва роҳпаймоиҳое (минбаъд - чорабиниҳо)" иваз карда шаванд;
- дар қисмҳои дуюм ва сеюм калимаҳои "намоишҳо" ва "Намоишҳо" мувофиқан ба калимаҳои "чорабиниҳо" ва "Чорабиниҳо" иваз карда шаванд.
5. Дар матни моддаи 2 калимаи "намоишҳо" ба калимаи "чорабиниҳо" иваз карда шавад.
6. Моддаи 3 дар таҳрири зайл ифода карда шавад:
"Моддаи 3. Мафҳумҳои асосӣ
Дар Қонуни мазкур мафҳумҳои асосии зерин истифода мешаванд:
- маҷлис - иштироки якҷояи шахсон дар ҷой ва вақти пешакӣ муайяншуда барои муҳокимаи ошкоро ва ҳал намудани масъалаи дорои аҳамияти ҷамъиятӣ ё баён намудани муносибати онҳо ба амали шахсон ва ё фаъолияти ташкилотҳо, рӯйдодҳои ҷамъиятию сиёсӣ ва иҷтимоӣ, инчунин ҳалли масъалаҳои ба манфиати умум дахлдошта;
- гирдиҳамоӣ - иштироки оммавии шахсон дар ҷой ва вақти пешакӣ муайяншуда барои баёни ошкоро ва ё муҳокимаи ақидаи ҷамъиятӣ оид ба мушкилоти мавҷуда, ҷалб намудани диққати ҷамъият ва мақомоти давлатӣ ба масъалаҳои ҷамъиятию сиёсӣ ва иҷтимоии ҳаёти шаҳрвандон, инчунин баёни иддао ба мақомоти ҳокимияти давлатӣ оид ба ин масъалаҳо;
- намоиш - ошкоро баён намудани ақидаи худ ё ақидаи умумӣ аз ҷониби як шахс ё гурӯҳи шахсон ва ё иддао намудан оид ба масъалаҳои ҳаёти ҷамъиятию сиёсӣ, норозигӣ ё дастгирии ягон ташаббус, амал ё мавқеи мақомоти давлатӣ, ташкилотҳои ҷамъиятӣ, шахсони мансабдор ё шаҳрвандон бо истифода аз плакатҳо, транспарантҳо ва ё дигар васоити ташвиқот ё бе истифодаи онҳо дар ҷой ва вақти пешакӣ муайяншуда;
- пикетгузорӣ - изҳори ошкорои манфиатҳои ҷамъиятию сиёсӣ, гурӯҳӣ, шахсӣ ва дигар манфиатҳо аз ҷониби шахс ё гурӯҳи шахсон ё баён намудани норозигӣ (бе роҳпаймоӣ), аз он ҷумла бо роҳи гуруснанишинӣ оид ба ягон масъала бо истифода ё бе истифодаи  плакатҳо, транспарантҳо ва дигар воситаҳои ташвиқот бо ҷойгиршавии шахс ё гурӯҳи шахсон дар назди объекти пикетшаванда дар ҷой ва вақти пешакӣ муайяншуда;
- гуруснанишинӣ - қатъи мақсадноки истеъмоли озуқа ё намуди муайяни он аз ҷониби шахс ё гурӯҳи шахсон бо талаб ва даъвати тағйир додани муносибатҳои муайян ё баён намудани норозигӣ ба ягон амали мақомоти давлатӣ, ташкилотҳои ҷамъиятӣ, шахсони мансабдор ва шахсони алоҳида;
- роҳпаймоӣ - ҳаракати муташаккилонаи шахсон дар хатсайри пешакӣ муайяншудаи қисми пиёдагард ё мошингарди кӯча (роҳ), кӯчабоғ, хиёбон, майдон бо мақсади ҷалб намудани диққати мақомоти давлатӣ, ташкилотҳои ҷамъиятӣ, шахсони мансабдор ва ё шахсони дигар ба масъалаҳои муайян ё баён намудани норозигии худ ва ё дастгирии ин амалҳо ё қарорҳо;
- огоҳинома дар бораи гузаронидани чорабиниҳо - ҳуҷҷатест, ки ба воситаи он ба мақомоти иҷроияи маҳаллии ҳокимияти давлатӣ бо тартиби муайяннамудаи Қонуни мазкур дар бораи гузаронидани чорабиниҳо бо мақсади таъмини тартиботи ҷамъиятӣ ва амнияти ҷамъиятӣ маълумот дода мешавад;
- намояндаи ваколатдори мақомоти иҷроияи маҳаллии ҳокимияти давлатӣ - яке аз муовинони раиси шаҳр ё ноҳия мебошад, ки дар рафти гузаронидани чорабиниҳо бевосита иштирок намуда, амалҳоро оид ба гузаронидани чорабиниҳо мувофиқа менамояд;
- намояндаи ваколатдори мақомоти корҳои дохилӣ - яке аз муовинони сардори мақомоти корҳои дохилӣ ё сардори шӯъбаи ҳифзи тартиботи ҷамъиятӣ мебошад, ки дар минтақаи он чорабиниҳо барпо мегардад ва оид ба ин масъала дар раёсат ё шӯъбаи корҳои дохилии дахлдор фармон ба имзо мерасад.".
7. Ба Қонун моддаи 31 бо мазмуни зайл илова карда шавад:
"Моддаи 31. Принсипҳои гузаронидани чорабиниҳо
Чорабиниҳо дар асоси принсипҳои зерин гузаронида мешаванд:
- қонуният - риояи талаботи Конститутсияи (Сарқонуни) Ҷумҳурии Тоҷикистон, Қонуни мазкур ва дигар санадҳои меъёрии ҳуқуқии Ҷумҳурии Тоҷикистон;
- эҳтиром ва риояи ҳуқуқу озодиҳои инсон ва шаҳрванд;
- иштироки ихтиёрона дар чорабиниҳо.".
8. Дар моддаи 4 ва минбаъд дар тамоми матни Қонун калимаҳои "намоишҳо", "НАМОИШҲО", "намоиш", "Намоишҳоро", "намоишҳои", "намоиши", "намоишро", "намоишҳоро" ва "намоишҳое" мувофиқан ба калимаҳои "чорабиниҳо", "ЧОРАБИНИҲО", "чорабиниҳо", "Чорабиниҳоро", "чорабиниҳои", "чорабиниҳои", "чорабиниҳоро", "чорабиниҳоро" ва "чорабиниҳое" иваз карда шаванд.
9. Ба қисми дуюми моддаи 17 сархатҳои якум ва дуюм бо мазмуни зайл илова карда шаванд:
" - дар бораи вақт, ҷой ва тартиби гузаронидани чорабиниҳо мақомоти иҷроияи маҳаллии ҳокимияти давлатии дахлдорро тибқи талаботи моддаи 8 Қонуни мазкур воқиф намояд;
- нишони фарқкунандаи ташкилотчии чорабиниҳоро дошта бошад ё шахси ваколатдори ӯ низ бояд чунин нишонро дошта бошад.".
10. Ба Қонун моддаҳои 181 ва 182 бо мазмуни зайл илова карда шаванд:
"Моддаи 181. Ҳуқуқу ӯҳдадориҳои намояндаи ваколатдори мақомоти иҷроияи маҳаллии ҳокимияти давлатӣ
Намояндаи ваколатдори мақомоти иҷроияи маҳаллии ҳокимияти давлатӣ дорои чунин ҳуқуқҳо мебошад:
- ҳангоми гузаронидани чорабиниҳо риояи тартиби гузаронидани онҳо ва тартиботи чамъиятиро аз ташкилкунандагон талаб намояд;
- оид ба қать гардонидан ё хотима бахшидан ба чорабиниҳо бо асосҳо ва тартиби пешбининамудаи Қонуни мазкур чора андешад.
Намояндаи ваколатдори мақомоти иҷроияи маҳаллии ҳокимияти давлатӣ ӯҳдадор аст:
- дар чорабиниҳо иштирок намояд;
- дар гузаронидани чорабиниҳо бо ташкилкунандагони он ҳамкорӣ намояд;
- дар якҷоягӣ бо ташкилкунандагони чорабиниҳо ва намояндаи ваколатдори мақомоти корҳои дохилӣ тартиботи ҷамъиятӣ, амнияти ҷамъиятӣ ва риояи қонунро ҳангоми гузаронидани чорабиниҳо таъмин намояд.
Моддаи 182. Ҳуқуқ ва ӯҳдадориҳои намояндаи ваколатдори мақомоти корҳои дохилӣ
Намояндаи ваколатдори мақомоти корҳои дохилӣ ҳуқуқ дорад:
- дар ҳолати аз ҳадди муайяншуда зиёд шудани шумораи иштирокчиён аз ташкилкунандагони чорабиниҳо қатъи шомил шудани шаҳрвандонро ба чорабиниҳо талаб намояд;
- аз ташкилкунандагони чорабиниҳо риояи тартиботи ҳуқуқӣ ва тартиби гузаронидани онҳоро талаб намояд;
- бо хоҳиши ташкилкунандаи чорабиниҳо шахсонеро, ки талаби қонунии ташкилкунандаи чорабиниҳоро иҷро намекунанд, аз ҷои баргузории онҳо дур намояд.
Намояндаи ваколатдори мақомоти корҳои дохилӣ ӯҳдадор аст:
- дар доираи ваколатҳои худ ба гузаронидани чорабиниҳо мусоидат намояд;
- дар якҷоягӣ бо ташкилкунандагони чорабиниҳо ва намояндаи ваколатдори мақомоти иҷроияи маҳаллии ҳокимияти давлатӣ тартиботи ҷамъиятӣ ва амнияти шаҳрвандон, инчунин риояи қонуниятро дар рафти гузаронидани чорабиниҳо таъмин намояд.".
Моддаи 2. Қонуни мазкур пас аз интишори расмӣ мавриди амал қарор дода шавад.

Президенти
Ҷумҳурии Тоҷикистон  Эмомалӣ РАҲМОН
ш. Душанбе, 28 июни соли 2011, № 735

Қарори Маҷлиси намояндагони
Маҷлиси Олии Ҷумҳурии Тоҷикистон
Дар бораи қабул кардани Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи маҷлисҳо, гирдиҳамоиҳо, намоишҳо ва роҳпаймоиҳои осоишта"
Маҷлиси намояндагони Маҷлиси Олии Ҷумҳурии Тоҷикистон  қарор мекунад:
Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи маҷлисҳо, гирдиҳамоиҳо, намоишҳо ва роҳпаймоиҳои осоишта" қабул карда шавад.

Раиси Маҷлиси намояндагони Маҷлиси Олии
Ҷумҳурии Тоҷикистон       Ш. ЗУҲУРОВ
ш. Душанбе, 1 июни соли 2011, № 455


Қарори Маҷлиси миллии
Маҷлиси Олии Ҷумҳурии Тоҷикистон
Дар бораи Қонуни Ҷумҳурии Тоҷикистон
"Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи маҷлисҳо, гирдиҳамоиҳо, намоишҳо ва роҳпаймоиҳои осоишта"
Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистонро "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи маҷлисҳо, гирдиҳамоиҳо, намоишҳо ва роҳпаймоиҳои осоишта" баррасӣ намуда, қарор мекунад:
Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи маҷлисҳо, гирдиҳамоиҳо, намоишҳо ва роҳпаймоиҳои осоишта" ҷонибдорӣ карда шавад.

Раиси Маҷлиси миллии Маҷлиси Олии
Ҷумҳурии Тоҷикистон          М. УБАЙДУЛЛОЕВ
ш. Душанбе, 9 июни соли 2011, № 192


Баёни ақида (0)    Санаи нашр:    №:    Мутолиа карданд: 1249

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид


Дар сомонаҳои дигари Тоҷикистон хонед