logo

сафарҳо

Боздиди Эмомалӣ Раҳмон аз ноҳияҳои Хуросон ва Абдураҳмони Ҷомӣ

Субҳи 26 июли соли 2011 Эмомалӣ Раҳмон, Президенти Ҷумҳурии Тоҷикистон, барои ба истифода додани чанд иншооти нави иҷтимоӣ ва мулоқот бо мардум ба ноҳияҳои Хуросон ва Абдураҳмони Ҷомии вилояти Хатлон рафт.
Сафари кории Эмомалӣ Раҳмон, Сарвари давлат, аз деҳаи навбунёди Чорбоғи ноҳияи Хуросон, ки баъди обхезии моҳи апрели соли 2009 барои осебдидагони ин офат бунёд гардида буд, оғоз ёфт. Дар ин ҷо бинои як мактаби нави таҳсилоти ҳамагонӣ барои 900 нафар дар ду баст мавриди баҳрабардорӣ карор гирифт.
Ин мактаби дуошёна, ки бо харҷи 7 миллион сомонӣ аз Фонди захиравии Президенти Ҷумҳурии Тоҷикистон бунёд ёфтааст, аз 18 синфхонаи таълимӣ, аз ҷумла синфҳои муҷаҳҳази фаннӣ аз фанҳои биология, кимиё, физика, синфҳои компютерӣ, синфҳои омӯзиши ҳунарҳои дӯзандагию таомпазӣ ва ғайра иборат мебошад. Синфҳои компютерию лингофонӣ бо шабакаи ҷаҳонии интернет пайваст буда, имкон медиҳанд, ки дар робита бо мактабҳои дигари дохил ва хориҷи кишвар таҳсили фосилавӣ ба роҳ монда шавад. Толори васеи маҷлисӣ, ошхонаи мактабӣ ва толори варзишӣ низ бо шароити хуби муосир муҷаҳҳаз гаштаанд.
 Зимни суханронӣ дар назди роҳбарону фаъолони ноҳия ва мардуми деҳаи Чорбоғ Эмомалӣ Раҳмон, Сарвари давлат, аз таваҷҷӯҳи хосаи Ҳукумати Ҷумҳурии Тоҷикистон ба соҳаи маориф ёдовар шуда, аз ҷумла зикр намуд, ки дар соли равон бо истифода аз ҳамаи сарчашмаҳои маблағгузорӣ дар вилояти Хатлон 42 мактаб бо наздики 9700 ҷойи нишаст сохта, ба истифода дода мешавад. Гузашта аз ин, бо назардошти зарурати рӯзафзун, ба масъулони маҳалливу ҷумҳуриявӣ дастур дода шуд, ки дар муддати ду сол дар назди 4 мактаби мавҷудаи ноҳияи Хуросон биноҳои иловагии таълимӣ сохта шаванд.
 Дар саҳни ҳавлии мактаби навбунёд, миёни Эмомалӣ Раҳмон, Сарвари давлат, ва роҳбарияту фаъолон ва намояндагони мардуми заҳматкаши ноҳия, ки дар ин ҷо ҷамъ омада буданд, сӯҳбати озоду ошкоро сурат гирифт. Зимни он Президенти кишвар ба суолу дархостҳои онҳо посух гуфта, андешаҳои ҷолибу судманд иброз дошт.
Аз ноҳияи Хуросон Эмомалӣ Раҳмон, Президенти кишвар, ба ноҳияи Абдураҳмони Ҷомӣ ташриф оварда, нахуст бо кори кишоварзони хоҷагии деҳқонии Шафқати Ҷамоати деҳоти Яккатут аз наздик шинос шуд.
 Тавре зикр гардид, хоҷагӣ дорои 11 га замин буда, дар 9 га пахта кишт намудааст. Зимни сӯҳбат бо аъзои хоҷагӣ маълум шуд, ки ҳар яки онҳо ғайр аз маош 12 садяк замини ин хоҷагиро барои эҳтиёҷоти оилавии худ истифода бурда, рӯзгорашонро таъмин менамоянд.
 Аҳли хоҷагӣ бовар доранд, ки аз ҳар гектар замини пахта ба ҳисоби миёна беш аз 40 -сентнерӣ ҳосил ба даст меоранд. Аз ҷониби роҳбарияти ноҳия иттилоъ  дода шуд, ки аз заминҳои пахтаи ноҳия ба ҳисоби миёна 30 -сентнерӣ ҳосил рӯёнда мешавад.  Зикр шуд, ки дар ин ва дигар хоҷагиҳои ноҳияи Абдураҳмони Ҷомӣ кишти такрорӣ ва истифодаи босамари заминҳои корам хуб ба роҳ монда шудааст.
Дар деҳаи Чкалови Ҷамоати деҳоти Иттифоқи ноҳияи Абдураҳмони Ҷомӣ бо иштироки  Эмомалӣ Раҳмон, Президенти кишвар, як мактаби боҳашамати сеошёна мавриди баҳрабардорӣ қарор гирифт.
 Ин мактаб, ки бо харҷи 11 миллиону 221 ҳазор сомонӣ маблағҳои буҷетӣ ва қарзи имтиёзии Бонки исломии рушд бунёд ёфтааст, дорои 36 синфхона, аз ҷумла 11 синфхонаи фаннӣ, 2 синфхонаи компютерӣ, 2 синфхонаи лингафонӣ барои таълими забонҳои хориҷӣ, 1-тоӣ озмоишгоҳҳои кимиё, биология ва физика, 2 синфхонаҳои махсуси технологияи ҳунаромӯзӣ барои духтарону писарон ва китобхонаи калон мебошад. Зимни шиносоӣ бо синфҳои компютерӣ зикр гардид, ки нишондодҳои барномаи давлатии компютеркунонии мактабҳо дар ноҳияи Абдураҳмони Ҷомӣ 84,5 фоиз иҷро шудааст. Ин мактаби муосир, ҳамчунин дорои шифохона, ошхона, толори маҷлисӣ бо 252 курсӣ ва толори варзишӣ бо 120 ҷойи нишаст барои тамошобинон мебошад.
 Дар ҳудуди мактаб, ки масоҳати он 3 гектарро ташкил мекунад, иморатҳои ёрирасон, аз қабили буғхона бо истифодаи ангиштсангу ҳезум, анбори хоҷагидорӣ, зеристгоҳи трансформаторӣ, обкаши барқӣ ва манораи захирасозии оби нӯшокӣ ва ҳамчунин варзишгоҳ сохта шудааст.
 Зимни суханронӣ Эмомалӣ Раҳмон, Сарвари давлат, мактабҳои навро тӯҳфаи  идонаи Ҳукумати Ҷумҳурии Тоҷикистон дар арафаи солгарди 20 - умини Истиқлолияти давлатии Тоҷикистони азиз номида, ҳамзамон зикр намуд, ки дар 10 соли охир дар ноҳияи Абдураҳмони Ҷомӣ аз ҳисоби  сарчашмаҳои гуногуни маблағгузорӣ 21 мактаби нави замонавӣ сохта, ба истифода дода шуд. Тавре зикр гардид, сохтмони 4 мактаби дигар идома дорад, ки 2 -тои он дар давоми соли равон мавриди баҳрабардорӣ қарор мегирад.
 Эмомалӣ Раҳмон, Президенти кишвар, бо ёдоварӣ аз ғамхории доимии Ҳукумати Ҷумҳурии Тоҷикистон  ба соҳаи маориф мардуми ноҳия ва кулли ҷумҳуриро ба таълиму тарбияи босифати насли наврас ва дар рӯҳияи ватандӯстию хештаншиносӣ ва ифтихор аз давлатдории миллии худ парвариш кардани онҳо ҳидоят намуд.
 Дар боғи марказии фарҳангиву фароғатии ноҳия Эмомалӣ Раҳмон, Сарвари давлат, бо роҳбарият ва намояндагони сершумори мардуми ноҳияи Абдураҳмони Ҷомӣ мулоқот намуда, ба суолу дархостҳои онҳо посух дод.


Баёни ақида (0)    Санаи нашр:    №:    Мутолиа карданд: 1130
21.10.2020


90 СОЛИ ПУРБАРОР

САРАЗМ. АЗ ТАНТАНАҲОИ ҶАШНӢ ТО ТАНТАНАИ ЗИНДАГӢ

ҶАШНИ МЕҲРГОН ВА ФЕСТИВАЛИ ШОЛИЮ БИРИНҶ

19.10.2020


ҶОМИ ТОҶИКИСТОН – 2020. "РАВШАН" БАРАНДАИ ОН ГАРДИД

16.10.2020


МОЛИЯЧИЁНИ ХАТЛОН: МО ПАЙРАВИ ПЕШВОИ МИЛЛАТЕМ!

ТАСАРРУФИ 430 000 ДОЛЛАР. ПАРВАНДАИ ҶИНОЯТӢ НИСБАТ БА ҚАЛЛОБЕ, КИ ДАР АВРУПО ПАНОҲ МЕБАРАД

14.10.2020


«ҲАБДАҲ ЧАМАН»

13.10.2020


ХАТЛОН. СОДИРОТИ МАҲСУЛОТИ КИШОВАРЗӢ МЕАФЗОЯД

ТОҶИКИСТОН. 88,7 ДАРСАДИ ГИРИФТОРОНИ КОРОНАВИРУС ШИФО ЁФТАНД

ЛИГАИ ЧЕМПИОНҲО – 2020 «БАРСЕЛОНА» ҚАҲРАМОНИ ОН

ОҒОЗИ МАШҚҲОИ СААД ДАР БЕЛАРУС

ҶАҲОН ДАР ЯК САТР

ЛЕВАКАНТ. ТАҶДИДУ НАВСОЗИИ РОҲҲО

НОБОЛИҒОН. ҚОНУНШИКАНӢ ҲАНӮЗ АЗ БАЙН НАРАФТААСТ

ОЗАРБОЙҶОН ВА АРМАНИСТОН ОТАШБАС ЭЪЛОН НАМУДАНД

ҶАҲОН ДАР ЯК САТР

ФИЛМИ “ХИЁНАТ” АСРОРИ ДУШМАНИВУ ХОИНИРО ИФШО КАРД

12.10.2020


ЧЕМПИОНАТИ ОСИЁ - 2020. ФУТЗАЛБОЗОНИ ТОҶИК БАРОИ ИШТИРОК ОМОДАГӢ МЕГИРАНД

ХАЙКО МААС: "ИТТИҲОДИ АВРУПО МУКОЛАМА БО РОССИЯРО НАБОЯД ҚАТЪ КУНАД"

ҶАҲОН ДАР ЯК САТР

08.10.2020


БЕҲТАРИНҲО МУАЙЯН ШУДАНД

ҲАВЗАИ ИШКОШИМ БА ИНТИХОБОТ ОМОДА АСТ

ВОХӮРӢ БО НОМЗАДҲО

СУҒД. ҶАМЪОВАРИИ 56 654 ТОННА ПАХТА

ЗАРКОРОНИ ЛЕВАКАНТ АВВАЛИН ШУДА НАҚШАРО ИҶРО КАРДАНД

ММВЗО «СОЛОР» – ЧЕМПИОНИ ТОҶИКИСТОН БАЙНИ НАВРАСОНИ ТО 14 - СОЛА

07.10.2020


МОИ “СУҒД”. КОРХОНАИ КОРКАРДИ МЕВАИ ХУШК БУНЁД МЕГАРДАД

ҶАМЪОВАРИИ 2660 ТОННА ПАХТА ДАР НОҲИЯИ ҶАББОР РАСУЛОВ

ДАНҒАРА. ОМОДАГИҲО МУТАШАККИЛОНА ИДОМА ДОРАНД

06.10.2020


ЛИГАИ ОЛӢ. КМВА ҶОИ СЕЮМРО ГИРИФТ ВА «ЛОКОМОТИВ – ПОМИР» БА ЛИГАИ АВВАЛ РАФТ

ИНТИХОБОТИ ПРЕЗИДЕНТИИ ТОҶИКИСТОН: 122 НОЗИР ВА 258 РӮЗНОМАНИГОР АККРЕДИТАТСИЯ ГИРИФТАНД

ҶАҲОН ДАР ЯК САТР

ҶАШНИ АСАЛУ АНГУР

02.10.2020


ТОҶИКИСТОН. ШУМОРАИ ШИФОЁФТАГОН БА 8 ҲАЗОРУ 617 КАС РАСИД

ХИЗМАТИ ҲАРБӢ. ВМКБ АВВАЛИН ШУДА НАҚШАИ ДАЪВАТРО ИҶРО КАРД


Дар сомонаҳои дигари Тоҷикистон хонед