logo

сафарҳо

Боздиди Сарвари давлат аз ноҳияи Ховалинг

Субҳи рӯзи 9 август сафари кории Эмомалӣ Раҳмон, Президенти Ҷумҳурии Тоҷикистон, ба вилояти Хатлон дар ноҳияи Ховалинг бо зиёрати оромгоҳи ҳазрати Султон Увайси Қаранӣ оғоз ёфт.
Дар шаҳраки маркази ноҳияи Ховалинг бо иштироки Эмомалӣ Раҳмон, Президенти мамлакат, як толори варзишӣ мавриди баҳрабардорӣ қарор гирифт, ки шароити машқу тамрини намудҳои гуногуни варзиш  ва 100 ҷойи нишаст барои тамошобинон дорад.
Тавре иттилоъ дода шуд, дар ин мавзеи хушбодуҳаво барои бунёди ин толори варзишӣ,  майдони калони варзишӣ,  майдони гӯштигирӣ ва ҳавзи шиноварӣ 6 гектар замин ҷудо карда шудааст.

Чунонки зикр гардид, ин иншооти боҳашамати варзишӣ дар доираи иҷрои супоришҳои Эмомалӣ Раҳмон, Сарвари давлат, ки дар мулоқот бо варзишгарони кишвар моҳи декабри соли 2010 дода буд, бунёд меёбанд.
Эмомалӣ Раҳмон, Сарвари давлат, дастур дод, ки шароити варзишӣ бо назардошти талаботи мусобиқаҳои ҷумҳуриявию минтақавӣ бунёду муҳайё карда шаванд, то ки дар фасли тобистон баъзе мусобиқаҳо дар ин ноҳияи салқин ва хушҳаво барпо гарданд.
Мавриди баҳрабардорӣ қарор гирифтани бинои дуошёнаи истиқоматӣ боиси хушҳолию сипоси аҳли 12 хонаводаи мутахассисони ҷавон ва ходимони давлатӣ гардида, ба симои маркази ноҳияи Ховалинг ҳусни дигар зам намуд.
Эмомалӣ Раҳмон, Президенти кишвар, ба масъулон дастур дод, ки минбаъд барои бо хонаҳои хизматӣ таъмин намудани оилаҳои кадрҳои ҷавон, дигар ходимони давлатӣ ва нафароне, ки як мӯҳлати муайян кор карда, ба шаҳру ноҳияҳои дигар мегузаранд, биноҳои 4 ва 5-ошёна бунёд намоянд.
Иншооти дигари ҷашнӣ, ки дар маркази ноҳияи Ховалинг бо иштироки Эмомалӣ Раҳмон, Сарвари давлат, ифтитоҳ ёфт, Қасри фарҳанги ноҳия аст, ки тӯҳфаи арзанда барои аҳли фарҳанг ва санъат арзёбӣ гардид.
Тавре аён гардид, толори калони қаср дорои 320 ҷойи нишаст ва шароити зарурӣ барои гузарондани чорабиниҳои гуногуни фарҳангӣ мебошад.
Дар толори дигари Қасри фарҳанг намунаҳои осори таърихи бостони ин минтақаи кӯҳистони Тоҷикистон ва маҳсули ҳунарҳои мардумӣ ба намоиш гузошта шуда буданд.
Дар ин ҷо миёни Эмомалӣ Раҳмон, Сарвари давлат ва аҳли фарҳанги ноҳияи Ховалинг, аз ҷумла бо бобои Усто Ғулом, ки устои чирадасти асбобҳои мардумии мусиқӣ аст, сӯҳбати ҷолибу хотирмон сурат гирифт.
Дар маркази ноҳияи Ховалинг Эмомалӣ Раҳмон, Президенти ҷумҳурӣ, бо роҳбарияту фаъолон ва намояндагони сершумори ноҳия мулоқоти озоду ошкоро ороста, барои ободу зебо намудани ин гӯшаи кӯҳистони Тоҷикистон, ки дорои табиати биҳиштосо аст, ба масъулон супоришҳои мушаххас дод. Аз ҷумла дастур дода шуд, ки барои омӯзиши амиқи ёдгориҳои таърихию фарҳангии ноҳия, тарғибу ташвиқи онҳо ва бунёду муҳайёсозии инфрасохтори сайёҳӣ тадбирҳои судбахш  андешида, амалӣ намоянд, то ки ин як манбаи хуби даромади мардум ва буҷети ноҳияи Ховалинг гардад.
Таъкид гардид, ки барои барқарорсозӣ ва инкишофи минбаъдаи шабакаҳои оби нӯшокӣ ва кишоварзӣ, аз худ намудани 400 гектар заминҳои нав, васеъ кардани майдони кишти картошка ва ҳамчунин баҳри ободонии бештари ноҳияи Ховалинг чораҳои зарурӣ амалӣ карда шаванд.
Тибқи супоришҳои Сарвари давлат, дар деҳаи Шехони ноҳия аз ҳисоби Фонди захиравии Президенти Ҷумҳурии Тоҷикистон як мактаби замонавӣ бунёд ёфта, роҳҳои маҳаллӣ давра ба давра мавриди навсозӣ қарор мегиранд.


Баёни ақида (0)    Санаи нашр:    №:    Мутолиа карданд: 1368
27.02.2021


Ҷаҳон дар як сатр

Си Ҷинпин изҳор намуд, ки Чин бар бенавоӣ комилан пирӯз гардид

Масъулиятро нисбат ба он мансабдорҳое, ки душаҳрвандӣ доранд, бояд сахттар намуд

ИМА имкони тамдиди ҳузури низомиёнашро дар Афғонистон истисно намекунад

Кишварҳои Иттиҳоди Аврупо ба таҳияи «шиносномаи эмкунӣ» - и ягона ба мувофиқа расиданд

ТЕННИС ВА НАҚШИ «ҶУМҲУРИЯТ» ДАР ОММАВИЯТИ ВАРЗИШ

25.02.2021


ХАДАМОТИ ГУМРУК. ҚОНУНШИКАНӢ КАМ ВА ПАРДОХТҲОИ ГУМРУКӢ ЗИЁД ШУДАНД

«ТОҶИКОН» ДАР ТОҶИКОБОД

АЗ РАШТ ТО ЛАХШ. АВЛАВИЯТ БА ТАВСЕАИ ЗАМИНҲОИ КИШТ

КИШОВАРЗӢ. 11 КОРХОНАИ ПАРАНДАПАРВАРӢ ТАЪСИС МЕЁБАД

TASHKENT GRAND SLAM 2021. ТОҶИКИСТОНРО КИҲО МУАРРИФӢ МЕКУНАНД?

ҶАҲОН

ҶАҲОН ДАР ЯК САТР

24.02.2021


ҶАҲОН

ҶАҲОН ДАР ЯК САТР

23.02.2021


ХИЗМАТИ ДАВЛАТӢ. СУОЛИ "ҶУМҲУРИЯТ" ОШКОР КАРД, КИ ДАР КАДОМ МАҚОМОТ БОНУВОН ҶАЛБ НАМЕШАВАНД

22.02.2021


ҶОМИ ФФТ – 2021. "ИСТИҚЛОЛ" МАРОТИБАИ ШАШУМ СОҲИБИ ҶОМИ ФФТ ШУД

АЗ НИШАСТҲОИ МАТБУОТӢ

МИЗИ МУДАВВАР. БАРРАСИИ МАВЗӮИ КОРКАРДИ НАХИ ПАХТА ТО МАҲСУЛОТИ НИҲОӢ

ХАТЛОН. ҶАМЪБАСТИ ОЗМУНҲОИ ОЯНДАСОЗ

19.02.2021


АЪЗОИ ТАШКИЛОТИ ТЕРРОРИСТИИ «ҲИЗБ УТ-ТАҲРИР» БА ДАСТ АФТОДАНД

ҶАҲОН ДАР ЯК САТР

АЗ НИШАСТҲОИ МАТБУОТӢ

АЗ НИШАСТҲОИ МАТБУОТӢ

ДУШАНБЕ. ИҚДОМОТИ БЕСОБИҚАИ ШАҲРДОРӢ ДАР ТАҲКИМИ ҲАВАСМАНДИИ ҶАВОНОН БА АРТИШ

«САНЪАТШИНОСӢ» ПАДИДАИ НАВ ДАР ҲУНАРШИНОСИИ ТОҶИК

ИММУНИЗАТСИЯ. БЕМОРИИ ФАЛАҶРО ПЕШГИРӢ МЕКУНЕМ!

ҶАҲОН

ҶАҲОН ДАР ЯК САТР

17.02.2021


АЗ НИШАСТҲОИ МАТБУОТӢ

ҶАҲОН

ҶАҲОН ДАР ЯК САТР

РАШТ. ҲАДАФИ ЧОРУМИ МИЛЛӢ ЗИНДАГИРО РАНГИ ДИГАР МЕБАХШАД

ОЗМУНИ ҶУМҲУРИЯВИИ «ҲУНАРҲОИ ОРОИШӢ АЗ САНГ» ҶАМЪБАСТ ГАРДИД

ХАТЛОН. СОДИРОТИ БЕШ АЗ 108 000 ТОННА МАҲСУЛОТИ КИШОВАРЗӢ


Дар сомонаҳои дигари Тоҷикистон хонед