logo

сафарҳо

Дар Рашт Эмомалӣ Раҳмонро бо шукӯҳ пазироӣ намуданд

26 августи соли 2011 Эмомалӣ Раҳмон,  Президенти кишвар, барои шиносоӣ бо вазъи зиндагии мардум ва иштирок дар ифтитоҳ ва оғози сохтмони иншооти сершумори иҷтимоию иқтисодӣ ва фарҳангӣ ба ноҳияҳои Рашту Ҷиргатол рафт.
Дар фурудгоҳи ноҳияи Рашт Эмомалӣ Раҳмон - Сарвари давлатро бо сипосу шукргузорӣ аз сиёсати ваҳдатасоси бунёдкорию созандагӣ ва таҳкими пояҳои давлатдории миллии тоҷикон бо шукӯҳи идона истиқбол гирифтанд.
Эмомалӣ Раҳмон, Президенти кишвар, дар назди филиали Донишгоҳи давлатии омӯзгории  Тоҷикистон ба номи Садриддин Айнӣ дар ноҳияи Рашт бо гузоштани санги асос ва нома ба наслҳои оянда ба сохтмони биноҳои нави таълимӣ ва толори варзишӣ оғоз бахшид.

 Тавре иттилоъ дода шуд, барои сохтмону таҷҳизи ин биноҳо ҷудо намудани беш аз 9 миллион сомонӣ пешбинӣ шудааст. Тибқи супориши Сарвари давлат ин биноҳо дар зарфи ду соли оянда бояд омода гарданд.
 Бинои нави сеошёнаи таълимӣ бо 18 синфхона, утоқҳои муҷаҳҳази фаннӣ ва дигар шароити муосири тадрис барои 480 донишҷӯ пешбинӣ гардидааст.
 Мувофиқи супориши Эмомалӣ Раҳмон, Сарвари давлат, шароити таълиму тарбия дар ин муассисаи таълимӣ бояд тарзе муҳайё гардад, ки оянда он ба донишкадаи мустақили омӯзгорӣ табдил дода шавад.
 Дастур шуд, ки толори варзишӣ васеъ ва бо шароити зарурӣ барои намудҳои зиёди варзиш сохта шавад, то ки аз он натанҳо аҳли донишгоҳ, балки сокинон ва меҳмонони ноҳия низ тавонанд истифода баранд. Ин маҷмааи варзишӣ, ҳамчунин дорои толори хурди варзиши бадан ва толори фитнес барои духтарон хоҳад буд.
 Дар давоми сохтмони биноҳои нави Донишгоҳи давлатии омӯзгории Тоҷикистон  ба номи Садриддин Айнӣ дар ноҳияи Рашт беш аз 400 нафар сокини маҳал соҳиби кор ва маоши хуб мешавад.
 Бо иштироки Эмомалӣ Раҳмон, Президенти кишвар,  роҳи мошингарди Душанбе - Рашт - Ҷиргатол - сарҳади Қирғизистон, ки сохтмонаш дар арафаи солгарди 20 - уми Истиқлолияти давлатии Тоҷикистон пура ба анҷом расид, расман мавриди баҳрабардорӣ қарор гирифт.
 Тазаккур доданд, ки навсозии роҳи мошингарди Душанбе-Рашт-Ҷиргатол-сарҳади Қирғизистон соли 2005 оғоз ёфта буд.  Дарозии он 350 км буда, барои тармиму навсозияш 177 миллион доллари амрикоӣ ё худ 840 миллион сомонӣ маблағ сарф гашт.
 Дар қитъаи Нуробод-Рашти ин роҳ 73 км роҳ ва 15 пули дорои аҳамияти маҳаллӣ низ дар баробари шоҳроҳ мавриди тармиму навсозӣ қарор гирифт.
 Дар давоми навсозии шоҳроҳ садҳо нафар сокинони маҳаллӣ бо кор ва маоши хуб таъмин шуда буданд.
 Эмомалӣ Раҳмон, Сарвари давлат,  мужда расонд, ки бо дастгирии молиявии Бонки осиёии рушд роҳи 20 километраи шаҳраки Гарм – шаҳраки Навобод бо харҷи қариб 3 миллион доллари амрикоӣ то охири соли оянда тармиму навсозӣ хоҳад шуд. Ҳамчунин иттилоъ дода шуд, ки шоҳроҳи 38 километраи Обигарм – Нуробод низ мавриди навсозӣ қарор хоҳад гирифт.
 Дар маркази ноҳияи Рашт Эмомалӣ Раҳмон, Президенти кишвар , бо роҳбарияту фаъолон ва намояндагони сершумори мардуми ноҳия муло›оти ошкору самимӣ анҷом дод.
 Мулоқот дар майдони варзишии шаҳраки Ғарм, ки тайи се соли ахир бо харҷи қариб 4  миллион сомонӣ мавриди тармиму навсозӣ қарор гирифтааст, баргузор гардид. Варзишгоҳ, ки дорои 5 ҳазор ҷойи нишаст аст, пур аз мардуми касбу кори гуногун буд.
 Дар ҳамин варзишгоҳ дар арафаи солгарди 20 – уми Истиқлолияти давлатии Тоҷикистон ва ба муносибати ташрифи Эмомалӣ Раҳмон, Сарвари давлат,  хатнасури беш аз 100 нафар писарчаҳои бесаробон ва аз оилаҳои камбизоат ороста шуд. Эмомалӣ Раҳмон,  Президенти кишвар, ба ҳар яки онҳо тӯҳфаҳои хотиравӣ тақдим намуд.
 Эмомалӣ Раҳмон, Сарвари давлат,  зимни суханронӣ ва посух ба суолу дархостҳои сершумори мардум барои бартарафсозии як зумра мушкилоти мавҷуда ва идомаи босамари сиёсати бунёдкорию созандагӣ ва тарбияи насли наврас дар рӯҳияи ифтихору сарфарозӣ аз давлатдории миллии тоҷикон ба масъулон дастуру ҳидоятҳо дод.
Идомаи гузориш аз сафари Сарвари давлат ба ноҳияҳои Рашту Ҷиргатол дар шумораи оянда чоп мешавад.


Баёни ақида (0)    Санаи нашр:    №:    Мутолиа карданд: 1236
25.02.2021


ХАДАМОТИ ГУМРУК. ҚОНУНШИКАНӢ КАМ ВА ПАРДОХТҲОИ ГУМРУКӢ ЗИЁД ШУДАНД

«ТОҶИКОН» ДАР ТОҶИКОБОД

АЗ РАШТ ТО ЛАХШ. АВЛАВИЯТ БА ТАВСЕАИ ЗАМИНҲОИ КИШТ

КИШОВАРЗӢ. 11 КОРХОНАИ ПАРАНДАПАРВАРӢ ТАЪСИС МЕЁБАД

TASHKENT GRAND SLAM 2021. ТОҶИКИСТОНРО КИҲО МУАРРИФӢ МЕКУНАНД?

ҶАҲОН

ҶАҲОН ДАР ЯК САТР

24.02.2021


ҶАҲОН

ҶАҲОН ДАР ЯК САТР

23.02.2021


ХИЗМАТИ ДАВЛАТӢ. СУОЛИ "ҶУМҲУРИЯТ" ОШКОР КАРД, КИ ДАР КАДОМ МАҚОМОТ БОНУВОН ҶАЛБ НАМЕШАВАНД

22.02.2021


ҶОМИ ФФТ – 2021. "ИСТИҚЛОЛ" МАРОТИБАИ ШАШУМ СОҲИБИ ҶОМИ ФФТ ШУД

АЗ НИШАСТҲОИ МАТБУОТӢ

МИЗИ МУДАВВАР. БАРРАСИИ МАВЗӮИ КОРКАРДИ НАХИ ПАХТА ТО МАҲСУЛОТИ НИҲОӢ

ХАТЛОН. ҶАМЪБАСТИ ОЗМУНҲОИ ОЯНДАСОЗ

19.02.2021


АЪЗОИ ТАШКИЛОТИ ТЕРРОРИСТИИ «ҲИЗБ УТ-ТАҲРИР» БА ДАСТ АФТОДАНД

ҶАҲОН ДАР ЯК САТР

АЗ НИШАСТҲОИ МАТБУОТӢ

АЗ НИШАСТҲОИ МАТБУОТӢ

ДУШАНБЕ. ИҚДОМОТИ БЕСОБИҚАИ ШАҲРДОРӢ ДАР ТАҲКИМИ ҲАВАСМАНДИИ ҶАВОНОН БА АРТИШ

«САНЪАТШИНОСӢ» ПАДИДАИ НАВ ДАР ҲУНАРШИНОСИИ ТОҶИК

ИММУНИЗАТСИЯ. БЕМОРИИ ФАЛАҶРО ПЕШГИРӢ МЕКУНЕМ!

ҶАҲОН

ҶАҲОН ДАР ЯК САТР

17.02.2021


АЗ НИШАСТҲОИ МАТБУОТӢ

ҶАҲОН

ҶАҲОН ДАР ЯК САТР

РАШТ. ҲАДАФИ ЧОРУМИ МИЛЛӢ ЗИНДАГИРО РАНГИ ДИГАР МЕБАХШАД

ОЗМУНИ ҶУМҲУРИЯВИИ «ҲУНАРҲОИ ОРОИШӢ АЗ САНГ» ҶАМЪБАСТ ГАРДИД

ХАТЛОН. СОДИРОТИ БЕШ АЗ 108 000 ТОННА МАҲСУЛОТИ КИШОВАРЗӢ

ЭКОЛОГИЯ. НАҚШАИ НИҲОЛШИНОНӢ 30 ДАРСАД ЗИЁД ИҶРО ГАШТ

НОРАК. АВЛАВИЯТ БА КИШТИ ТАКРОРӢ

16.02.2021


АЗ НИШАСТҲОИ МАТБУОТӢ

ҶАҲОН

Навидҳои фарҳанг

15.02.2021


АЗ НИШАСТҲОИ МАТБУОТӢ


Дар сомонаҳои дигари Тоҷикистон хонед