logo

маориф

Президент супориш дод: мулоқот бо донишҷӯён зуд-зуд доир гардад

1 сентябр Эмомалӣ Раҳмон, Президенти кишвар, бинои нави таълимии Донишгоҳи технологии Тоҷикистонро ифтитоҳ намуда, дар саҳни донишгоҳ бо устодону донишҷӯёни муассисаҳои таҳсилоти олии кишвар дарси сулҳ ва сӯҳбати озоду ошкорои тӯлонӣ анҷом дод.
 Дар оғози боздид аз  Донишгоҳи технологии Тоҷикистон Эмомалӣ Раҳмон, Сарвари давлат, бо намунаҳои корҳои эҷодию ихтироотӣ ва навовариҳои техникию технологии устодону донишҷӯён аз наздик шинос шуд. Тавре аён гардид, солҳои ахир шумораи донишҷӯёни эҷодкору  ихтироъкор  ва  ташаббускори  тоҷик хеле зиёд гардидааст. Эмомалӣ Раҳмон, Сарвари давлат, аз ин ҳол арзи хушнудӣ карда, ба роҳбарияту устодони донишгоҳ ва роҳбарони дигар сохторҳои дахлдори давлату Ҳукумат дастур дод, ки барои дастгирӣ намудани навовариҳои ҷавонони соҳибистеъдод ва таъмини робитаи босамари кори онҳо бо истеҳсолот чораҳои судбахш андешида, амалӣ намоянд.
Эмомалӣ Раҳмон, Президенти кишвар, хусусан аз таваҷҷӯҳи ҷавонони дорои тафаккури баланди техникию технологӣ ба ихтирои чархболу ҳавопаймоҳо изҳори хушнудӣ намуд. Ҳамчунин технологияҳои истеҳсоли ҳар гуна маводи ғизоию доруворӣ, филмҳои тасвирӣ тавассути барномаҳои компютерӣ, тарҷумонҳои электронии бисёрзабона бо шумули забони тоҷикӣ, асбобҳои барқии талаботи рӯзгор, обкашҳои бе истифодаи нерӯи барқ коркунанда, коркарди нахи пахта ва пашм дар корхонаҳои хурди каммасраф бо технологияҳои ихтирои худашон ва дизайнҳои гуногуни либосҳои бостонию муосири тоҷикӣ ва ҷаҳонӣ боиси хушнудии Эмомалӣ Раҳмон, Сарвари давлат ва ҳамроҳони ӯ гардид.
 Тавре аён шуд, Гимназияи Душанбе ҳам, ки дар назди ҳамин донишгоҳ фаъолият мекунад, ба комёбиҳои арзандаи таҳсин ноил гардидааст.
 Эмомалӣ Раҳмон, Президенти кишвар, бинои нави таълимии Донишгоҳи технологии Тоҷикистонро, ки асосан барои факултаи навтаъсиси тоҷикӣ - украинии ин донишгоҳ пешбинӣ шудааст, ифтитоҳ намуда, бо шароити муосири таълимии он аз наздик шинос шуд. Зимни шиносоӣ, аз ҷумла аён гардид, ки дар ин ҷо аз имконоти таҳсили фосилавӣ тариқи робита бо мактабҳои олии Украина ва дигар кишварҳои дуру наздик, шабакаи интернет ва воситаҳои дигари электронӣ, барномаҳои инноватсионии забономӯзӣ ва аз худ кардани илму техникаи навтарин васеъ истифода мебаранд.
Дар ҷараёни дарси сулҳ ва мулоқоти ошкоро бо устодону донишҷӯёни муассисаҳои таҳсилоти олии кишвар Эмомалӣ Раҳмон, Сарвари давлат, мардуми кишварро бо оғози соли нави таҳсил табрику таҳният гуфта, ба баланд бардоштани сатҳу сифати таълиму тарбияи кадрҳои ба талаботи замони муосир ҷавобгӯ, бедор намудани тафаккури техникию технологии ҷавонону наврасон ва ҳавасмандсозии онҳо ба ҳама гуна навоварӣ ва пешрафту тараққиёт таваҷҷӯҳи хоса зоҳир намуд.
 Тибқи супоришҳои мушаххаси Эмомалӣ Раҳмон, Сарвари давлат,  аз ҷумла, бояд дар назди яке аз муассисаҳои таҳсилоти олии кишвар факултаи саноати сабук таъсис дода шавад, Коллеҷи технологии шаҳри Исфара ба филиали Донишгоҳи технологии Тоҷикистон табдил ёбад, донишҷӯёни бахшҳои шартномавӣ, ки бо баҳои аъло мехонанд, ба бахшҳои буҷавӣ гузаронда шаванд ва Барномаи президентии ҷустуҷӯ, интихоб ва таълиму тарбияи босифати кӯдакону наврасон ва ҷавонони хушлаёқату соҳибистеъдод таҳия ва қабул гардад.
 Аз суолу дархостҳои сершумори донишҷӯёну устодон низ, ки бевосита ба Эмомалӣ Раҳмон, Сарвари давлат, муроҷиат намуданд, аён гардид, ки шавқу рағбат ва ҷаҳду талоши ҷавонон ба илмомӯзӣ, эҷодкорию ихтироот ва навоварӣ хеле зиёд аст. Аз ин хотир Эмомалӣ Раҳмон, Сарвари давлат, ба масъулони Дастгоҳи иҷроияи Президенти Ҷумҳурии Тоҷикистон, роҳбарияти Вазорати маориф ва дигар вазорату идораҳои марбута ва роҳбарони худи муассисаҳои таҳсилоти олӣ дастур дод, ки бо донишҷӯён мисли мулоқоти имрӯза маҳфилҳои озоду ошкоро зуд-зуд ба роҳ монда, арзу дод ва пешниҳоду дархостҳои онҳоро шунаванд ва барои амалӣ намудани фикру андешаҳои пешқадамашон чораҳои судбахш андешида, амалӣ намоянд.
Баъди анҷоми мулоқот ва дар фарҷоми боздид аз Донишгоҳи технологии Тоҷикистон Эмомалӣ Раҳмон, Президенти кишвар,  масофае чанд мошини барқӣ ё худ электромобили ихтироъкардаи устодону донишҷӯёни ин донишгоҳро ронда, ба ташаббускорони ин амали накӯ дастур дод, ки истеҳсоли васеи онро дар Тоҷикистон ба роҳ монанд. Тибқи дастури Сарвари давлат, то охири соли равон бо маблағгузорӣ аз фонди захиравии Президенти Ҷумҳурии Тоҷикистон бояд 5-10 адад чунин мошинҳо омода карда шаванд.


Баёни ақида (0)    Санаи нашр: 3.09.2011    №: 128-129 (21 944-945)    Мутолиа карданд: 846

22.07.2019


МЕЪМОРӢ ВА СОХТМОН. Қонуншиканиҳо ҳанӯз зиёданд

ТАҲСИЛОТИ САЛОҲИЯТНОК ТАТБИҚ МЕГАРДАД

ЗАМИН. Камбуди оби полизӣ мушкили ҳалталаб боқӣ мемонад

Гилерми: «Тоҷикон соҳиби кишвари афсонавианд»

Швейтсария дар Тоҷикистон бонк мекушояд

Ҷаҳон дар як сатр

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад


Дар сомонаҳои дигари Тоҷикистон хонед