logo

суханрониҳо

Суханронии табрикии Эмомалӣ Раҳмон, Президенти Ҷумҳурии Тоҷикистон, ба муносибати ҷашни Истиқлолияти давлатӣ дар Варзишгоҳи марказии шаҳри Душанбе, 9 сентябри соли 2011

Ҳамватанони азиз!
Ҳозирини гиромӣ!
Расо бист сол қабл аз ин, 9-уми сентябри соли 1991 дар сарзамини бостонии мо рӯйдоде ба вуқӯъ пайваст, ки ба шарофати он  дар харитаи сиёсии ҷаҳон давлати мустақилу соҳибихтиёр бо номи Тоҷикистон арзи вуҷуд кард ва ин падидаи таърихӣ оғози марҳалаи нав ва таҳаввулоти бунёдӣ дар ҳаёти халқи мо  гардид. Яъне санаи 9 - уми сентябри соли 1991 барои тоҷикон натанҳо Рӯзи истиқлолияти Тоҷикистон, балки санаи барқароршавии адолати таърихӣ низ мебошад ва бинобар ин, барои мо басо азизу муқаддас ҳисоб меёбад. Ин санаи муборакро ба ҳамаи шумо - ҳозирини мӯҳтарам ва тамоми мардуми сарбаланди Ватанамон аз самими қалб табрику таҳният мегӯям. Ба халқи азизи Тоҷикистон тансиҳативу рӯзгори обод,  комрониву барори кор ва ба кишвари соҳибистиқлоламон шукуфоиву пешрафт орзумандам.
Аз баракати соҳибихтиёрие, ки ба мо баъди ҳазор соли бедавлатӣ муяссар гардид, мардуми тоҷик имкон пайдо кард, ки таърихи навини худро бо дастони хеш навишта, саҳифаҳои гузаштаи пурифтихори аҷдодамонро зинда гардонад ва бори дигар ба ҷаҳониён собит намояд, ки созандагиву бунёдкорӣ рисолати суннативу деринаи миллати фарҳангии тоҷик мебошад.
Мо ин имконияти бузурги таърихиро мувофиқи хосту иродаи халқи Тоҷикистон ба манфиати ҷомеа, ба хотири ояндаи нек ва хушбахтии он, таҳкими ваҳдати миллӣ ва рушди давлати озоди худ сафарбар намуда, имрӯз  ба дастовардҳои хеле азим  ноил гардидем.
Боиси сарфарозист, ки ҷашни бистумин солгарди Истиқлолияти давлатиро мардуми тамаддунсозу ободгарамон  бо рӯҳияи беназиру бесобиқаи бунёдкориву созандагӣ истиқбол гирифта, барои боз ҳам таҳким бахшидани пояҳои давлати ҷавонамон саҳми ватандӯстонаи худро дареғ  надоштанд.
Дар марҳалаи кунунии давлатдориамон, ки таъмини истиқлолияти энергетикӣ, аз бунбасти коммуникатсионӣ пурра раҳоӣ бахшидани Тоҷикистон, ҳифзи амнияти озуқавории мамлакат ва баланд бардоштани сатҳу сифати зиндагии мардум ҳамчун ҳадафҳои муҳимтарин ва стратегии давлати мо эълон шудаанд, Тоҷикистон ба давраи сифатан нави рушди иқтисодиву иҷтимоии худ ворид гардидааст.
Итминони комил дорам, ки тамоми мардуми Тоҷикистон, ҳар фарди худогоҳу худшинос ва бонангу номуси миллат бо дарки масъулияти ватандорӣ ҳадафҳои наҷиби созандагӣ ва ободонии Ватани азизамонро қарзи инсонӣ ва вазифаи  шаҳрвандии хеш ҳисобида, ба қадри соҳибистиқлолӣ ва соҳибихтиёрӣ, сулҳу субот ва оромии ҷомеа мерасанд, онҳоро ҳамчун неъмати бебаҳо қадршиносӣ мекунанд, зиракии сиёсиро аз даст намедиҳанд ва ҳамеша барои ҳифзи манфиатҳои олии миллат ва давлат азму талош менамоянд. Зеро ниёгони шарафмандамон сарзамини худро ба ибодатгоҳи ақлу хирад, илму адаб ва фарҳангу маънавиёти воло  табдил дода, ба ганҷинаи тамаддуни башарият саҳми сазовори хешро ҳамроҳ кардаанд.
Имрӯз ба мо - фарзандони гузаштагони некномамон низ зарур аст, ки ин рисолати таърихӣ ва суннатҳои неки миллиро идома бахшида, кишвари худро ба мулки ободу зебо табдил диҳем ва як сарзамини пешрафтаву шукуфоро барои наслҳои оянда ба мерос гузорем, то ки онҳо дар фазои сулҳу осоиши пойдор  ва ваҳдати ҷовидонаи миллӣ  зиндагӣ карда, Ватани муқаддасамонро ҳифзу нигоҳдорӣ намоянд.
Бо ҳамин орзуҳои самимӣ бори дигар ҷашни Истиқлолияти давлатии Тоҷикистонро ба ҳозирини арҷманд, тамоми мардуми кишвар ва кулли ҳамватанони бурунмарзӣ  муборак мегӯям.
Зиндаву поянда бод халқи бунёдкору ободгар ва фарҳангсози тоҷик!
Бигзор истиқлолу озодӣ ва ваҳдати миллии тоҷикон  ҷовидон  бошад!
Ҳамеша сарбаланду комёб бошед, ҳамватанони азиз!


Баёни ақида (0)    Санаи нашр: 13.09.2011    №: 134-135 (21 950-951)    Мутолиа карданд: 642

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"


Дар сомонаҳои дигари Тоҷикистон хонед