logo

мулоқотҳо

Афғонистон - мавзӯи марказии мулоқоти Э. Раҳмон ва М. Гроссман

7 октябри соли 2011 Эмомалӣ Раҳмон, Президенти кишвар,  Марк Гроссман, намояндаи махсуси маъмурияти Иёлоти Муттаҳидаи Амрико оид ба Афғонистон ва  Покистонро  ба ҳузур пазируфт.
Дар мулоқот масоили ҳамкории дуҷониба ва минтақавии Тоҷикистону Амрико баррасӣ ёфтанд.

Бо таваҷҷӯҳи зиёд ба ҳалли қазияи Афғонистон, ҳар ду ҷониб бори дигар амалҳои пурдаҳшати террористии дар ин кишвар вақтҳои охир рухдода, аз ҷумла қатли Бурҳониддин Раббонӣ, генерал Довуд, волии Қундуз Муҳаммад Умар, пешвои Қандаҳор Валӣ Карзай ва дигар шахсиятҳои маъруфу соҳибнуфузро  қатъиян маҳкум намуданд.
Марк Гроссман ба Эмомалӣ Раҳмон доир ба тасмими Иёлоти Муттаҳидаи Амрико барои эҳёи Роҳи нави Абрешим ва ду конфронси байналмилалӣ оид ба Афғонистон, ки моҳҳои ноябр ва декабр дар Истанбул ва Бонн баргузор мегарданд,  иттилоъ дод.
Зикр гардид, ки ҳадаф аз ин конфронсҳо ва ҳам эҳёи Роҳи нави Абрешим мусоидат ба барқарорсозии иқтисодиёту иҷтимоиёт ва ҳаёти осоиштаи Афғонистон бо ҷалби кишварҳои ҳамсояи он мебошад. Тибқи нақшаи эҳёи Роҳи нави Абрешим бояд шабакаҳои нақлиётию энергетикии Осиёи Марказӣ ва Осиёи Ҷанубӣ ба ҳам пайваста шаванд, аз ҷумла тавассути хати баландшиддати барқии КАСА-1000, лӯлаҳои газ, роҳҳои оҳану мошингард ва дигар имконоти мавҷуда.
Эмомалӣ Раҳмон ин тасмимоти накӯро мавриди пуштибонӣ қарор дода, омодагии Тоҷикистонро барои иштироки фаъол дар татбиқи амалии онҳо, аз ҷумла ба хотири таҳкими оромию субот дар Афғонистон ва пешрафту шукуфоии кулли минтақа таъкид намуд.
Ҳар ду ҷониб таъкид бар он дошт, ки мусоидат ба бартарафсозии мушкилоти иҷтимоию иқтисодии Афғонистон, татбиқи лоиҳаҳои зербиноӣ, бунёди корхонаҳои саноатӣ, роҳҳои оҳану мошингард, муҳайёсозии ҷойҳои нави корӣ ва умуман беҳ намудани сатҳи зиндагии мардум роҳи асосии ҳаллу фасли қазияи тӯлонии ин кишвари азияткашида хоҳад буд.
Гуфтугӯйи судманд, ҳамчунин доир ба дигар масоили мавриди таваҷҷӯҳ сурат гирифт.

www.president.tj

* * *
Дар мулоқоти Эмомалӣ      Раҳмон, Президенти Ҷумҳурии Тоҷикистон ва Марк Гроссман, намояндаи вижаи маъмурияти Иёлоти Муттаҳидаи Амрико оид ба Афғонистон ва Покистон, масоили марбут ба вазъи амниятӣ, ҷалби сармояи хориҷӣ ба иқтисоди Афғонистон ва ҳамкориҳои минтақавӣ баррасӣ гардидаанд.
Дар ин дидор сӯиқасд ба ҷони Бурҳониддин Раббонӣ, роҳбари Шӯрои сулҳи Афғонистон ва дигар шахсиятҳои саршиноси ин кишвар маҳкум шудааст. Зимнан ҷонибҳо таъкид кардаанд, ки новобаста аз мушкилоти зиёд бояд ҷараёни барқарории сулҳ дар Афғонистон идома ёбад, ки дар ин раванд иштироки фаъолонаи ҳамаи гурӯҳҳо ба манфиати кор хоҳад буд.
Марк Гроссман гуфт, ки Президенти Ҷумҳурии Тоҷикистонро ба омодагиҳо ҷиҳати баргузории ду конфронси муҳим оид ба Афғонистон, ки моҳи декабри соли равон дар шаҳри Истамбули Туркия ва Бонни Олмон баргузор мегарданд, дар ҷараён гузоштааст. Бино ба таъкиди ӯ, таъсиси  Роҳи нави Абрешим, ки дар барқарорсозии бахши иқтисоду иҷтимоиёти Афғонистон бо ҷалби кишварҳои минтақа нақши калидӣ дорад, яке аз мавзӯъҳои умдаи ҳамоиш дар шаҳри Бонн хоҳад буд.
Зимнан Эмомалӣ Раҳмон аз баргузории ин ду конфронс ва тарҳи тозаи Роҳи нави Абрешим, ки аз сӯи ИМА пешниҳод шудааст, истиқбол намуда, омодагии Тоҷикистонро дар иштирок ва татбиқи ҳарчи зудтари ин тарҳ эълон доштааст. Зеро ба эътиқоди Президенти Ҷумҳурии Тоҷикистон он метавонад пайвандагири робитаҳои Осиёи Миёна ва Ҷанубӣ бошад. Ҳамзамон иҷрои ин амр ба рушди равобити ҳавоӣ, роҳи оҳану нақлиёт, интиқоли нерӯи барқ ва газу нафт дар минтақа муосидат хоҳад кард.

Фирӯзи РАҲМОНИЁН,
"Ҷумҳурият"


Баёни ақида (0)    Санаи нашр: 11.10.2011    №: № 145-146 (21 961-96    Мутолиа карданд: 560

22.11.2018


Баррасии таҳкими мубориза бар зидди терроризм ва экстремизм

Вохӯрии Ҷамолиддин Убайдулло бо Патрис Вершер

Бахшида ба 25 - солагии баимзорасии аҳдномаи дӯстӣ намоишгоҳ доир мегардад

Баргузории машварати Шӯрои Конфедератсияи байналмилалии иттифоқҳои касабаи роҳиоҳанчиён

МАСТЧОҲ. Рӯ ба рушд

Ҳукми абад ба гунаҳгоршавандаи асосии парвандаи куштори сайёҳони хориҷӣ дар Тоҷикистон

Кишварҳои ИДМ мубодилаи маълумот оид ба террористон мекунанд

Назарбоев: «Мактабҳоро аз тафтишҳои бешумор ҳимоя бояд кард»

Дар Чин миқёси ислоҳоти моликияти давлатӣ густурдатар мегардад

Москва ва Пекин барои парвоз ба Миррих якҷоя мушак месозанд

Ҷаҳон дар як сатр

21.11.2018


Аз таркиш дар Кобул беш аз 50 нафар ҳалок шуд

Ӯзбекистон нахустин намоишгоҳ-ярмаркаи байналмилалии содиротӣ мегузаронад

Могерини: «Иттиҳоди Аврупо «артиши аврупоӣ» ташкил карданӣ нест»

Табобати гепатити С дар Беларус аз арзонтарин дар Аврупост

Ҷаҳон дар як сатр

ДУШАНБЕ. Таҷлили нахустин ҷашни занони соҳибкор

ДЕВАШТИЧ. Тантанаи Рӯзи Президент

Иштироки мунтахаби футболи бонувон дар CAFA

20.11.2018


СУҒД. Оғози сохтмони раёсати маориф

ЛЕВАКАНТ. Конфронси илмӣ - назариявӣ ба ифтихори Иҷлосияи XVI

"Парасту" дар Тоҷикобод

Сарони кишварҳои Осиёи Марказӣ барои машварат дар Тошканд ҷамъ меоянд

Финляндия ҷонибдори ҳузури Россия дар Шӯрои Аврупо

Вазорати маорифи Афғонистон 30 ҳазор занро ба кор мегирад

Баррасии рушди инклюзивии иқтисоди қитъа дар Гвинея Папуаи Нав

Ҷаҳон дар як сатр

АНВАР ЮНУСОВ СОҲИБИ КАМАРБАНДИ WBF

"СОРО КОМПАНИЯ" ҒОЛИБИ ЛИГАИ КАСБИИ ФУТЗАЛИ ТОҶИКИСТОН

19.11.2018


ДЕВАШТИЧ. Авҷи созандагиҳо дар Ҷамоати деҳоти Яхтан

Артиши Сурия охирин истеҳкоми «ДИ» дар ҷануби кишварро зери назорат гирифт

Дар ҳама минтақаҳои Ӯзбекистон «мактаби президентӣ» месозанд

Роҳандозии барномаи махсуси давлатии ипотекӣ барои дӯзандагони Қирғизистон

Киштии зериобии «Сан Хуан» - ро дар уқёнуси Атлантика ёфтанд


Дар сомонаҳои дигари Тоҷикистон хонед