logo

мулоқотҳо

Арҷгузории Рамазон Абдулатипов ба миллати тоҷик

6 октябри соли 2011 Эмомалӣ Раҳмон, Президенти кишвар, Рамазон Абдулатипов, ректори Донишгоҳи фарҳанг ва санъати Маскав, раиси Ассамблеяи халқҳои Русияро ба ҳузур пазируфт.
Дар мулоқот масоили ҳамкории гуногунсоҳаи Тоҷикистону Русия, пеш аз ҳама дар соҳаи фарҳанг ва санъат баррасӣ шуданд.
Рамазон Абдулатипов аз натиҷаҳои Симпозиуми "Мактабҳои таҳсилоти олии фарҳанг ва санъат дар фазои ҷаҳонии маориф", ки дар Тоҷикистон баргузор гардид, гузориш дода, робитаҳои илмию маърифатӣ ва фарҳангиро барои таҳким ва рушди муносиботи дӯстона ва ҳамкории судбахш басо муҳим арзёбӣ намуд.
Сафири собиқи Русия дар Тоҷикистон нусха аз китоби худ "Мардуми тоҷики ман"-ро ба Эмомалӣ Раҳмон, Сарвари давлати Тоҷикистон, тақдим намуда, изҳор дошт, ки ӯ дар воқеъ мардуми тоҷикро чун мардуми худ мешуморад.
Ба гуфти Рамазон Абдулатипов, чунин муносибати ӯ ба мардуми тоҷик, асосан ба ду сабаб асос ёфтааст: "Аввал ин, ки шоирону нависандагони мо (доғистониён) ҳам дар гузашта ба забони форсӣ эҷод мекарданд ва халқҳои мо дар фазои ягонаи фарҳангӣ ба сар мебурданд ва дувум ин, ки мардуми тоҷик ман ва аҳли оилаи маро дар замони сафириам чун шаҳрвандони Тоҷикистон медонистанду эҳтиром мекарданд".
 Ӯ ҳамчунин иттилоъ дод, ки дар Донишгоҳи фарҳанг ва санъати Маскав барои қабули донишҷӯён аз Тоҷикистон ҷойҳо зиёд карда шудааст. 
 Миёни Эмомалӣ Раҳмон ва Рамазон Абдулатипов доир ба самтҳои гуногуни ҳамкорӣ ва рушди робитаҳои фарҳангӣ гуфтугӯйи судманд сурат гирифт.

www.president.tj

* * *
Рамазон Абдулатипов, ректори Донишгоҳи фарҳанг ва санъати Маскав, раиси Ассамблеяи халқҳои Русия, ки баъд аз мулоқот бо Эмомалӣ Раҳмон, Президенти Ҷумҳурии Тоҷикистон, бо хабарнигорон сӯҳбат мекард, аз қабули Қонуни Ҷумҳурии Тоҷикистон "Дар бораи масъулияти падару модар дар таълиму тарбияи фарзанд" истиқбол кард. Ба андешаи ӯ қабули чунин қонун дар тарбияи равониву маънавӣ ва вусъати ҷаҳоншиносии насли наврас таъсири мусбат дорад.
Бино ба гуфти Рамазон Абдулатипов, рушди робитаҳои илмию фарҳангӣ миёни ду кишвар дар меҳвари асосии гуфтугӯи ҷонибҳо қарор гирифтааст. Мавсуф аз таваҷҷӯҳи ҳамешагии                 Эмомалӣ Раҳмон дар самти густариши робитаҳои бисёрҷонибаи Тоҷикистону Русия ситоиш карда, новобаста аз дигаргуниҳои сиёсӣ ба мавқеи устувори кишвари мо дар рушди ҳамкориҳои ҳасана баҳои баланд дод.
Номбурда аз замони сафириаш дар Тоҷикистон ёд карда, аз эҳтироми зиёди тоҷикон нисбат ба худ ва муштаракоти илмию фарҳангӣ миёни халқҳои тоҷику доғистонӣ тавсиф намуд. Ӯ дар идомаи сӯҳбаташ бо хабарнигорон изҳор дошт, ки таълифи китоби "Мардуми тоҷики ман", ки ба тозагӣ нашр намудааст, баёнгари эҳтирому самимият ва арҷгузорӣ ба мероси ғании илмию фарҳангии ин миллати тамаддунофар аст.

Фирӯзи РАҲМОНИЁН,
"Ҷумҳурият"


Баёни ақида (0)    Санаи нашр: 11.10.2011    №: № 145-146 (21 961-96    Мутолиа карданд: 597

23.01.2019


Фестивали байналмилалии «Наврӯз – мероси фарҳангии сайёҳӣ» баргузор хоҳад шуд

"Парасту - 2019" – ҷашнвораи ҷумҳуриявии театрҳои касбӣ

ҶАҲОН ДАР ЯК САТР

Баргузории ҷашнвораи байналмилалии «Рӯзи барф» дар Калуга

Дар Арабистони Саудӣ ҷалби бонувон ба корҳои ҷамъиятӣ меафзояд

Соли 2018 прокуратураи Қазоқистон ба буҷети кишвар $90 миллион талофӣ кард

Дар Тошканд хазинаи қадима ёфт шуд

Дороии 26 шахси сарватмандтарини дунё ба даромади 3,8 миллиард ниёзманд баробар аст

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар


Дар сомонаҳои дигари Тоҷикистон хонед