logo

президент

Лоиҳаи Консепсияи ташаккули Ҳукумати электронӣ дар Тоҷикистон таҳия шуд

5 ноябри соли 2011 таҳти раёсати Эмомалӣ Раҳмон, Сарвари давлат, ҷаласаи навбатии Шӯрои назди Президенти Ҷумҳурии Тоҷикистон оид ба технологияҳои иттилоотию коммуникатсионӣ баргузор гардид.
Хотиррасон бояд намуд, ки ба Шӯрои назди Президенти Ҷумҳурии Тоҷикистон оид ба технологияҳои иттилоотию коммуникатсионӣ як қатор роҳбарони мақомоти марказии ҳокимияти давлатӣ, аз ҷумла роҳбарони вазорату идораҳои дахлдор ва роҳбарияти созмонҳои ҷамъиятию ғайриҳукуматии ин соҳа аъзо буда, ба кори он намояндагони созмонҳои байналмилалӣ ҳам даъват карда мешаванд.

Дар ҷаласаи навбатии Шӯро рафти татбиқи технологияҳои иттилоотию коммуникатсионӣ дар соҳаҳои гуногуни иқтисоди миллӣ ва ташаккули ҳукумати электронӣ дар кишвар, лоиҳаи Консепсияи ташаккули ҳукумати электронӣ дар Ҷумҳурии Тоҷикистон ва дигар масоили ҳалталаб баррасӣ шуданд.
Зимни суханронии Эмомалӣ Раҳмон, Раиси шӯро, Президенти кишвар,  аз ҷумла зикр гардид, ки Ҳукумати Ҷумҳурии Тоҷикистон ба ташаккули ҳукумати электронӣ дар мамлакат аз оғози ин раванди мусбат, яъне аз соли 2003 ба ин сӯй, таваҷҷуҳи беандоза зоҳир менамояд.
Бо ёдоварӣ аз афзоиши муштариёни алоқаи телефонӣ ва  интернет, ки имрӯз шумораи яке ба 6 миллион ва дувумӣ ба 1 миллиону 800 ҳазор нафар расидааст, таъкид гардид, ки неруи асосӣ барои татбиқи технологияҳои иттилоотию коммуникатсионӣ дар диёри мо мавҷуд аст.
Бо вуҷуди ин, таъкид шуд, ки барои татбиқи босамари ин ҳадаф, пеш аз ҳама муҳайёсозӣ ва такмили доимии заминаи ҳуқуқӣ, иқтисодӣ, институтсионалӣ, иттилоотию технологӣ ва омодасозии кадрҳои ҷавобгӯ ба талаботи муосир зарур мебошанд.
Эмомалӣ Раҳмон, Сарвари давлат, роҳбарони сохторҳои марбутаро вазифадор намуд, ки барои омода кардани мутахассисони сатҳи баланд, аз ҷумла хонондани ҷавонону наврасон дар муассисаҳои таълимии давлатҳои пешрафтаи ҷаҳон, аз тамоми имкону захираҳои мавҷуда истифода баранд.
Тазаккур дода шуд, ки марҳилаи аввали татбиқи технологияҳои иттилоотию коммуникатсионӣ, яъне омӯзиш ва таҳлили ҳаматарафаи инфрасохтори миллии иттилоотӣ ва бунёди шабакаи ягонаи иттилоотӣ ба охир расида бошад ҳам, баъзе самтҳои он, аз ҷумла муайян намудани номгӯи хизматрасониҳои оммавӣ тавассути воситаҳои электронӣ, баланд бардоштани сатҳи маърифати технологӣ ва дастрасии пурраи аҳолӣ ба Интернет, ҳанӯз ҳамаҷониба ҳал нагардидаанд.
Аз ин хотир таъкид гардид, ки телевизион, радио ва дигар воситаҳои ахбори омма дар тарғиби афзалиятҳои чунин технологияҳои муосир ва таъмини дастрасии васеи аҳолӣ ба онҳо бояд хеле фаъол бошанд.
Тибқи иттилои Эмомалӣ Раҳмон, дар марҳилаи дуюм бунёди Шабакаи ягонаи давлатӣ миёни мақомоти ҳокимияти давлатӣ моҳи октябри соли 2011 ба анҷом расида, аз ҷониби комиссияи давлатӣ қабул гардид. «Кунун вазифаи дигар таҳияи лоиҳаҳо барои татбиқи технологияҳои иттилоотию коммуникатсионӣ дар сатҳи ноҳияҳо ва ҷамоатҳо ва пайваст намудани онҳо бо Шабакаи ягонаи давлатӣ мебошад», - таъкид дошт Президенти кишвар.
Ба андешаи Эмомалӣ Раҳмон,  барои муваффақ гардидан ба натиҷаҳои дилхоҳ дар ин самт бояд миёни  ҳукумати марказӣ, мақомоти давлатии маҳаллӣ, соҳибкорон ва ҷомеаи шаҳрвандӣ робитаи бевосита ва ҳамкории босамар ба роҳ монда шавад. Барои дасткашӣ аз истифодаи  доменҳои хориҷӣ дар мукотибаи миёни сохторҳо ва хизматчиёни давлатӣ дастур дода шуд, ки то оғози соли 2012 ҷиҳати рушди почтаи электронии ватанӣ тадбирҳои судманд андешида шаванд.
Таъкид гардид, ки зимни дар амал татбиқ намудани технологияҳои иттилоотию коммуникатсионӣ таъмини амнияти иттилоотӣ ва умуман амнияти миллии давлат бояд дар мадди аввал бошад.
Андешаю пешниҳодҳои худро доир ба ин мавзӯъ ҳамчунин аъзои шӯрои мазкур – Абдуҷаббор Раҳмонов, вазири маорифи ҷумҳурӣ, Мамадшо Илолов, президенти Академияи илмҳо, Асомиддин Атоев, директори Академияи электронӣ, Ғафур Иркаев, раиси Ассотсиатсияи операторони алоқаи мобилии Тоҷикистон, Хисрав Содиқов, раиси Ассотсиатсияи Тарена, Бег Зуҳуров, директори Хадамоти алоқаи назди Ҳукумати Ҷумҳурии Тоҷикистон, Анвар Абдурасулов, ректори Донишгоҳи техникии Тоҷикистон, Ҳикмат Муминов, директори Институти физикӣ-техникии ба номи С. Умаров ва Толиб Шарифов, директори Маркази технологияҳои иттилоотию коммуникатсионии Академияи илмҳо, баён намуда, аз ҷумла изҳор доштанд, ки барои татбиқи самарабахши технологияҳои иттилоотию коммуникатсионӣ дар Тоҷикистон аз тамоми имкону захираҳои мавҷуда истифода хоҳанд кард.
Доир ба лоиҳаи Консепсияи ташаккули Ҳукумати электронӣ дар Ҷумҳурии Тоҷикистон, ки барои ин мақсад таҳия ва пешниҳод гардидааст, Эмомалӣ Раҳмон, Сарвари давлат, дастур дод, ки он бори дигар дар мӯҳлати 2 моҳ аз ҷониби тамоми мақомоти дахлдор мавриди таҳлилу омӯзиш қарор гирад ва бо назардошти пешниҳоду эродҳои воридшуда ба баррасии Ҳукумати Ҷумҳурии Тоҷикистон вогузор шавад.


Баёни ақида (0)    Санаи нашр: 9.11.11    №: 153-154    Мутолиа карданд: 1982

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед