logo

мулоқотҳо

9 декабр Рӯзи геологҳои тоҷик пазируфта шуд

9 декабр Эмомалӣ Раҳмон, Президенти кишвар, Осорхонаи нави геологияи Тоҷикистонро ифтитоҳ намуда, бо намояндагони сершумори соҳаи геологияи тоҷик ва масъулони сатҳи давлату ҳукумат мулоқоти озоду ошкоро доир намуд.
Субҳидам Эмомалӣ Раҳмон, Сарвари давлат, ба Осорхонаи навбунёди геологияи Тоҷикистон, ки баъди навсозӣ ва муҷаҳҳазгардонӣ ба истифода омода гашта буд, ташриф оварда, онро ифтитоҳ намуд. Зимни боздид аз осорхона, аз ҷумла иттилоъ дода шуд, ки дар ин ҷо намунаҳои беш аз 4,5 ҳазор навъи сарватҳои табиии Тоҷикистон ба намоиш гузошта шудаанд.
Дар ин ҷо намунаҳои сангҳои гаронбаҳо, аз қабили зумуррад, ёқут, лаъл, фирӯза, сангҳои нимгаронбаҳо, металҳои рангаи гаронбаҳо, металҳои сиёҳ, сангҳои ороишию сохтмонӣ, ашёи хоми саноатӣ, масолеҳи бинокорӣ, маводи сӯхт аз қабили ангишт, сангҳои варақии сӯзанда ва дигар сарватҳо пешкаш гардидаанд. Дар  осорхона, ҳамчунин 25 намуд минерали нав гузошта шудааст, ки аз ҷониби олимони геологи Тоҷикистон, асосан дар замони истиқлолияти давлатӣ кашф шуда, ба таснифи байналмилалӣ шомил гардидаанд ва ин минералҳо танҳо дар сарзамини мо вомехӯранд. Тавре аён гардид, Тоҷикистон бо конҳои бешумори сарватҳои табииаш ба як осорхонаи азими табиии геологӣ монанд аст.
Эмомалӣ Раҳмон, Сарвари давлат, барои боз ҳам зебою дилкаш ва ба мақсад мувофиқ намудани осорхона маслиҳатҳои муфид дод. Аз ҷумла таъкид гардид, ки харитаи геологии Тоҷикистон аз нав бо нишон додани тамоми конҳои сарватҳои табиӣ таҳия шавад, то ки сайёҳону сармоягузорони дохилию хориҷӣ, олимону омӯзгорон, донишҷӯён ва дигар шавқмандон дар бораи сарватҳо ва конҳои онҳо маълумоти мушаххас гирифта тавонанд.
Сипас Эмомалӣ Раҳмон ба Кохи ҷавонони пойтахт ташриф оварда, дар толори бузурги он бо зиёда аз 400 нафар масъулону мутахассисон ва донишҷӯёни соҳа мулоқоти тӯлонии озоду ошкоро доир намуд.  
Зимни суханронӣ ва посух ба суолу дархостҳои  сершумори  аҳли  толор  Эмомалӣ   Раҳмон ба масъулон доир ба ҷалби сармояи дохилию хориҷӣ ба корҳои геологӣ-ҷустуҷӯӣ, иктишофу истихроҷ, таъмини корхонаҳои саноатӣ бо ашёи хоми ватанӣ, коркарди саноатии сарватҳои табиӣ, муҳайё намудани ҷойҳои нави корӣ, тарбияи кадрҳои ҷавони соҳа ва бештар намудани шӯҳрати ҷаҳонии Тоҷикистон дар соҳаи геология супоришҳои мушаххас дод.
Ба масъулони дахлдор дастур дода шуд, ки қоидаҳои тартиб додани санадҳои  ҳамкорӣ бо ширкатҳои хориҷиро ба низом дароварда, манфиатҳои давлатии Тоҷикистон ва мардуми кишварро дар мадди аввал гузоранд.
Ба роҳбарияти Вазорати маориф, муассисаҳои олии таълимӣ ва пажӯҳишгоҳҳои илмии соҳа дастур дода шуд, ки барои таълиму тарбияи босифати кадрҳои ҷавон техникаю таҷҳизоти муосир ворид намуда, аз тамоми имкону захираҳо истифода намоянд. Ҳамчунин ба корхонаҳои истеҳсолии соҳаҳои геология ва саноату энергетика дастур дода шуд, ки барои таҷрибаомӯзии донишҷӯёну олимони ҷавон ҳамаи шароити заруриро муҳайё созанд.
Дар охир Эмомалӣ Раҳмон пешниҳод намуд, ки ба ифтихори ифтитоҳи Осорхонаи геологии Тоҷикистон ва такони тоза пайдо намудани корҳо дар ин соҳа 9 декабр Рӯзи геологҳои тоҷик, иди касбии онҳо эълон карда шавад. Пешниҳод бо хушнудӣ пазируфта шуд.
Дар ин бора ба АМИТ "Ховар" аз Хадамоти матбуоти Президенти Ҷумҳурии Тоҷикистон иттилоъ доданд.


Баёни ақида (0)    Санаи нашр: 15.12.11    №: 163    Мутолиа карданд: 737

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед