logo

паёмҳо

Паёми табрикии Эмомалӣ Раҳмон, Президенти Ҷумҳурии Тоҷикистон, ба муносибати фарорасии соли нави 2012-уми милодӣ, ш. Душанбе, 31 декабри соли 2011

Ҳамватанони азиз!
Мувофиқи солшумории милодӣ баъди чанд лаҳза соли нави 2012-ум фаро мерасад.
Ба ин муносибат ҳамаи шумо - азизон ва кулли ҳамватанонамонро, ки дар кишварҳои гуногуни ҷаҳон зиндагиву фаъолият доранд, самимона табрик гуфта, ба ҳар кадоми шумо тандурустиву саодатмандӣ, бахту иқболи нек, ба хонадонатон рӯзгори хушу осуда, файзу баракат ва барори кор орзу менамоям.
Соли рафтаистода барои мардуми кишвари мо аз ҷумлаи солҳои бисёр муҳиму хотирмон мебошад. Бахусус таҷлили бошукӯҳи ҷашни бистумин солгарди истиқлолияти давлатии Ватанамон, ки он барои ҳар як фарди бонангу номус бисёр азизу муқаддас аст, аз рӯйдодҳои муҳимтарини ҳамин сол маҳсуб мегардад. Ба шарофати заҳмати созандаву фидокоронаи мардуми шарифи Тоҷикистон мо ин санаи бузурги таърихиро бо дастовардҳои арзанда ва дар сатҳи баланди сиёсиву фарҳангӣ истиқбол намудем.
Дар соли куҳан мо ҳамчунин дар аксари соҳаҳои иқтисодиву иҷтимоӣ ба пешравиҳои назаррас ноил гардидем ва муҳимтар аз ҳама, дар қалби мардумамон эҳсоси худшиносиву худогоҳӣ, ватандӯстиву ватандорӣ, рӯҳияи созандагиву бунёдкорӣ ва хушбинӣ ба ояндаи нек густариши бесобиқа пайдо кард, азму талоши ободкории Ватан боз ҳам вусъат ёфта, ин ҳама ба таҳкими минбаъдаи пояҳои давлатдории миллӣ, дастовардҳои истиқлолият ва амалӣ гардидани ормонҳои деринаи халқи Тоҷикистон мусоидат намуд.
Яъне мардуми шарифи Тоҷикистон тамоми ғайрату имконияти худро дар ин соли таърихӣ ба хотири истиқболи сазовори ҷашни соҳибихтиёрии Ватан ва ба номи ин санаи сарнавиштсози миллӣ сафарбар карданд  ва ҳар як фарди бонангу номус дар ин кори хайри умумимиллӣ бо азму иродаи матин шарик гардид.
Аз ин лиҳоз, бо истифода аз фурсати муносиби идона бори дигар ба хурду бузурги мамлакат ва ҳар як фарди заҳматкашу олиҳиммати тоҷик барои саҳми софдилонаву ватандӯстонаашон дар ин маъракаи умумимиллӣ самимона изҳори сипос менамоям.
Итминон дорам, ки мардуми сарбаланди кишварамон дар соли нав низ бо саъю талоши дучанд заҳмат кашида, дар ҳамаи соҳаҳои ҳаёти ҷомеа ва давлат  ба дастовардҳои боз ҳам бештар ноил мегарданд.
Зеро соли нави 2012 низ аз бисёр ҷиҳат барои мардуми озодандешу фарҳангдӯсти  мо ҳамчун соли муҳим арзёбӣ мегардад.
Дар ин сол ба санаи тақдирсози миллӣ - баргузории иҷлосияи таърихии XVI-уми Шӯрои Олии Тоҷикистон, ки оғози раванди барқарор гардидани  сохти конститутсионӣ, таҳкими давлату давлатдории навини тоҷикон ва пойдор шудани суботу оромии ҷомеаи Тоҷикистон мебошад, бист сол пур мешавад.
Инчунин Рӯзи ваҳдати миллӣ, ки соли оянда понздаҳсолагии онро таҷлил хоҳем кард, аз ҷумлаи санаҳои муҳимтарини ҳаёти давлати соҳибихтиёри мо мебошад.
Дар баробари ин, хотирнишон месозам, ки вазифаи аввалиндараҷаи мо дар соли нав, пеш аз ҳама, идома бахшидан ба раванди таҳкими пояҳои давлати соҳибистиқлоли тоҷикон, вусъат додани корҳои бунёдкориву созандагии Ватани маҳбубамон, ҳамчунин тарбияи насли наврасу ҷавонон дар рӯҳияи ватандӯстиву ифтихори миллӣ, садоқат ба анъанаву суннатҳои таърихиву фарҳангии миллат ва эҳтиром ба арзишҳои неки умумибашарист.
Мо бояд тамоми саъю талоши худро ба он равона созем, ки фарзандонамон ҳамчун насли бомаърифату соҳибфарҳанг, бонангу номус, ҷӯяндаву эҷодкор, хулоса чун номбардорони халқи куҳанбунёди тоҷик ва давлати соҳибистиқлоли Тоҷикистон ба камол расанд.
Мутмаинам, ки соли нави 2012 барои тамоми мардуми кишварамон соли таҳкими дастовардҳо, рушди минбаъдаи давлатдории миллӣ ва соли пурфайзу бобарор дар ҳамаи бахшҳои ҳаёти мамлакатамон мегардад.
Бо камоли итминон изҳор медорам, ки мардуми солору таҳаммулгарои мо минбаъд низ ба шукронаи Ватани озоду давлати соҳибихтиёри худ барои боз ҳам ободу зебо шудани сарзамини аҷдодӣ ва болоравии нуфузу обрӯи Тоҷикистон дар арсаи байналмилалӣ кору фаъолият карда, бо дарназардошти шароити ҳассоси ҷаҳони муосир ифтихори ватандориву ватандӯстӣ ва ваҳдати миллиро таҳкими бештар мебахшанд.
Бо ҳамин ниятҳои нек бори дигар ҳар яки шумо - ҳамватанони азиз ва ҳамдиёрони бурунмарзиамонро бо фарорасии соли нави милодии 2012 табрик мегӯям.
Бигзор соли нав барои Тоҷикистони азизи мо ва мардуми шарифу сарбаланди он соли бобарор, пурфайзу баракат ва соли амалӣ гардидани орзуву ҳадафҳои созандаи ҳамватанонамон гардад!
Соли нави милодӣ муборак, ҳамватанони азиз!


Баёни ақида (0)    Санаи нашр: 1.01.12    №: 1    Мутолиа карданд: 1060

22.07.2019


МЕЪМОРӢ ВА СОХТМОН. Қонуншиканиҳо ҳанӯз зиёданд

ТАҲСИЛОТИ САЛОҲИЯТНОК ТАТБИҚ МЕГАРДАД

ЗАМИН. Камбуди оби полизӣ мушкили ҳалталаб боқӣ мемонад

Гилерми: «Тоҷикон соҳиби кишвари афсонавианд»

Швейтсария дар Тоҷикистон бонк мекушояд

Ҷаҳон дар як сатр

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад


Дар сомонаҳои дигари Тоҷикистон хонед