logo

мулоқотҳо

Эмомалӣ РАҲМОН: "Мавқеи Тоҷикистон устувор аст"

12 январи соли 2012  Эмомалӣ Раҳмон, Президенти кишвар, Чэн Чжили, намояндаи махсуси Раиси Ҷумҳурии Мардумии Чин, муовини раиси Кумитаи доимии Маҷлиси умумичинии намояндагони мардумиро ба ҳузур пазируфт.
Эмомалӣ Раҳмон, Сарвари давлат, ба ифтихори солгарди 20-уми муносиботи дипломатии Тоҷикистону Чин ташриф овардани намояндаи воломақоми Ҷумҳурии Мардумии Чинро нишонаи сатҳи баланди равобити дӯстона ва ҳамкории судманди ду кишвари ҳамсоя арзёбӣ намуд.

"Мавқеи Тоҷикистон доир ба ягонагӣ ва якпорчагии мамлакати ҳамсоя бо принсипи "Чини ягона" устувору тағйирнопазир аст", - таъкид дошт Эмомалӣ Раҳмон, Сарвари давлат.
Чэн Чжили  ҳам муносиботи ду давлатро дорои хислати дӯстӣ, ҳамсоягии наку ва ҳамкорию ҳамшарикии гуногунпаҳлу номида, таъкид дошт, ки Ҷумҳурии Мардумии Чин минбаъд низ таҳкиму тақвияти истиқлолияти ҳамаҷонибаи Тоҷикистонро дастгирӣ мекунад.
Гуфтугӯи судманд доир ба роҳҳои густариши ҳамкории сиёсӣ, иқтисодию тиҷоратӣ, сармоягузорӣ ва фарҳангии Тоҷикистону Чин сурат гирифт.
Бо қаноатмандӣ зикр гардид, ки ҳаҷми мубодилоти молу маҳсулоти миёни Тоҷикистону Чин дар соли 2011 нисбат ба солҳои аввали муносиботи дипломатии ду кишвар 600 маротиба афзудааст.
Ҳар ду ҷониб ҳавасмандии худро ба иштирок дар татбиқи амалии лоиҳаҳои энергетикӣ, саноатӣ, нақлиётию коммуникатсионӣ, аз қабили бунёди неругоҳҳои барқ, кашидани хатҳои интиқоли неруи барқ, роҳҳои оҳану мошингард ва ғайра, ки дорои аҳамияти минтақавӣ мебошанд, таъкид доштанд.
Ҳамчунин доир ба роҳҳои мусоидат ба эҳёи иқтисодиёти Афғонистон ва барқарорсозии ҳаёти осоишта дар он ва ҳамшарикии Тоҷикистону Чин дар доираи Созмони ҳамкории Шанхай ва дигар созмонҳои минтақавию ҷаҳонӣ табодули назар шуд.

www.president.tj


Чен Чжили, намояндаи махсуси Ху Сзинтао, Раиси Ҷумҳурии Мардумии Чин, ки ба муносибати 20-умин солгарди истиқрори муносиботи дипломатии Тоҷикистону Чин вориди Душанбе шуд, аз тавсеаи равобити судманд миёни ду кишвар истиқбол кард. Ин меҳмони баландпоя, ки баъд аз дидору мулоқот бо Эмомалӣ Раҳмон, Президенти Ҷумҳурии Тоҷикистон, дар ҳузури хабарнигорон сӯҳбат мекард, аз рушди ҳамкориҳои дуҷониба дар соҳаҳои тиҷорату иқтисодиёт, илму техника, маориф, фарҳанг ва иттилоот тавсиф намуд.
Чен Чжили аз вусъати ҳамкориҳои иқтисодии дуҷониба изҳори хушҳолӣ намуда, афзоиши ҳаҷми гардиши молу маҳсулот дар 11 моҳи соли 2011-ро нишонаи сатҳи баланди равобит дар доираҳои гуногуни ду кишвар номид. Бино ба омори зикршуда, дар ин давра гардиши молу маҳсулот миёни Тоҷикистону Чин 1 миллиарду 891 миллион доллари амкрикоиро ташкил додааст, ки ин нишондод дар муқоиса ба солҳои аввали муносиботи дипломатӣ 600 маротиба зиёд аст.
Бино ба гуфти намояндаи махсуси Ҷумҳурии Мардумии Чин, зимни мулоқот бо Сарвари давлати Тоҷикистон ҷонибҳо ҷиҳати иштирок дар татбиқи лоиҳаҳои гуногуни саноатӣ, энергетика, нақлиёту коммуникатсия, бунёди роҳҳои оҳану мошингард ҳавасмандии худро таъкид кардаанд. Мавсуф итмонон дод, ки дар пайи ин сафар ба Тоҷикистон, сӯҳбат бо Сарвари давлат ва дигар доираҳои роҳбиркунандаи кишвар заминаҳои нави ҳамкорӣ ба миён омадаанд.
Зимнан таъкид шуд, ки фазои кунунии робитаҳо баёнгари дурнамои вусъати бештари ҳамкориҳо буда, Тоҷикистону Чин ба унвони ҳамсояҳои наздик, дӯст ва шарикони боэътимоди ҳамдигар боқӣ хоҳанд монд.

Фирӯзи РАҲМОНИЁН,
"Ҷумҳурият"


Баёни ақида (0)    Санаи нашр: 14.01.12    №: 9    Мутолиа карданд: 489

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд


Дар сомонаҳои дигари Тоҷикистон хонед