logo

сиёсат

Ҳизби ҷавонони Тоҷикистон ё ячейкаи ҲНИТ дар пушти парда?

Нишонаи аслии демократия, озодӣ ва ҳуқуқҳои инсон дар ҷомеа, мавҷудият ва фаъолияти ҳизбҳои сиёсии гуногунҷанба мебошад, ки ҳар яке барномаю нақшаҳои хоси тавсеа ва рушди ҳаёти сиёсӣ, иқтисодӣ ва иҷтимоии мардумро пешниҳод мекунанд. Хушбахтона, чунин аҳзоб имрӯз дар ҳаёти сиёсии Тоҷикистон нуфузу мавқеи худро, каму беш доранду новобаста аз камбуду навоқис дар фаъолияти худ, нақши муассиреро дар қабулу роҳандозии иқдомоти сиёсӣ гузошта истодаанд.
Дар рӯзномаи "ИмрӯзNews" №26 (336) аз 09.02.2012 мусоҳибаи рӯзноманигорро бо Иззат Амон, ки ҳамчун  роҳбари созмони «Иттиҳоди ҷавонони тоҷик дар Россия» муаррифӣ шудааст, хондам. Тавре аз мусоҳиба бар меояд, номбурда кӯшиш ба харҷ дода истодааст, ки Ҳизби ҷавонони Тоҷикистонро таъсис диҳад. Албатта, иқдоми шоиста ва наҷибест, агар ҳизбе бо чунин ном таъсис ёбаду дар ҳақиқат баҳри минфиатҳои ҷавонони кишвар ҷадал кунад. Зеро дар ин авохир дар бораи зуҳур накардани чеҳраҳои нави сиёсӣ, хусусан ҷавонон, дар саҳнаи сиёсии кишвар зиёд мегӯянду менависанд ва ин андеша то ҷойе ҳақиқат ҳам дорад. Лекин саволи матраҳ ин аст, ки дар ҳақиқат бо номнависшавӣ ва ба фаъолият пардохтани чунин ҳизбе симоҳои нави воқеан ба дарду мушкилиҳои ҷавонон дархӯр сари  кор хоҳанд омад ё не?
Тавре ки аз хабари рӯзномаи зикршуда дар бораи ашхоси дар раъси таъсиси ҳизби пешбинишуда огаҳӣ ёфтам, чеҳраҳо хамонҳоеанд, ки буданд. Аниқтараш кӯшиш ба иваз намудани ниқоб равона гардидааст ва ин иқдом ҳамон бозии маъмулии политтехнологии нав барои ҷомеаи мо ва кӯҳнашуда барои дигарон аст, ки пеш гирифта шудааст. Нимнигоҳе ба симои аслии Иззат Амон кофист, то бифаҳмем кадом бозӣ пушти талоши ташкили ин ҳизб пинҳон аст.
Иззат Амон, яке аз афроди наздики Муҳиддини Кабирӣ, раиси ҲНИТ, буда, солҳои 2004-2008 ба ҳайси раиси ҷавонони ҲНИТ дар хориҷи кишвар (Эрон, Покистон, Туркия ва кишварҳои арабӣ) фаъолият дошт. Номбурда дар соли 2008, дар рӯзҳое  ки фаъолияти "Салафия" дар Тоҷикистон рӯ ба афзоиш дошт, ба Душанбе омад ва бо пули покистониҳо барои сабти расмӣ намудани фаъолияти мазҳаби "Аҳмадия" дар Тоҷикистон хеле талош кард. Аммо чун фаъолияти "Салафия" ғайриқонунӣ дониста шуд ва сарваронаш ба маҳкама кашида шуданд, Иззат Амон низ роҳи Маскавро пеш гирифт. Он ҷо гӯё фаъолияти ҷиноҳи ҷавонони ҲНИТ-ро роҳандозӣ кард ва новобаста аз он, ки дар гирду атрофаш чанд ҳаммаҳалли худаш гирд омада буду халос, созмонеро бо номи "Иттиҳоди ҷавонони тоҷик дар Россия" номнавис кард. Бояд тазаккур дод, ки таъсису номнависи чунин ташкилоту созмонҳо дар ҳудуди Русия кори чандон мушкилу заҳматталабе нест. Ба ивази чанд ҳуҷҷати ҷамънамуда, бо пешниҳоди ойиннома ва нусхаи протоколи ҷаласаи дуруғине ва супурдани маблағи муайян метавон ҳар созмонеро он ҷо таъсис дод. Имрӯз ҳар як маҳалу қавму қабилаи тоҷик дар ҳудуди Русия созмону ташкилоти  номнависшудаи худро дорад. Танҳо дар шаҳри Маскав беш аз 12 созмони тоҷикон вуҷуд дошта, пешвоёни ин маҳалу қабилаҳо, ҳар яке мисли Иззат Амон, худро раиси кулли тоҷикон муаррифӣ мекунанд. Чунин аҳвол дар тамоми шаҳрҳои хурду бузурги Русия мушоҳида мегардад.
Иззат Амон дар тамоми сафарҳои Муҳиддини Кабирӣ ба Русия ва дигар кишварҳои хориҷӣ  ӯро ҳамроҳӣ мекунад ва то ҳол дар ҳеҷ куҷо изҳор накардааст, ки аз узвияти ҲНИТ баромадааст.
Акнун худ қазоват кунед, кӣ Иззат Амонро барои ташкил намудани Ҳизби ҷавонони Тоҷикистон таҳрик додааст ва дар сурати ташкилшавӣ лаҷоми ин ҳизб дар дасти кӣ хоҳад буд? Яъне ҳизби навтаъсис дар асл ҳизби мустақил мегардад ё ячейкаи ҲНИТ дар пушти парда? Бидуни шаку шубҳа - дувумаш!

Самандари МАҚСУД


Баёни ақида (1)    Санаи нашр: 21.02.12    №: 23    Мутолиа карданд: 2030

20.10.2018


 ИДМ. Нозирони навраси тоҷик дар мақоми аввал

 Болоравии тавлидоти маҳсулоти саноатӣ

Рушди чорводорӣ

КАРТОШКАПАРВАРӢ. Талошҳо самар медиҳанд

 "Подоши амал" дар фестивали байналмилалӣ

 Дар ноҳияи Восеъ беш аз 200 иншоот месозанд

ҶОМИ ТОҶИКИСТОН. Ғалабаҳои "Истиқлол" ва "Хуҷанд"

17.10.2018


РАШТ. Гусели 40 нафар ба хизмати ҳарбӣ

ТОҶИКОБОД. Ду коргоҳи нав дар хизмати сокинон

Вусъати омодагиҳо дар ноҳияи Спитамен

НОҲИЯИ РӮДАКӢ. 414 иншоот бунёд меёбад

ВАРЗИШГАРОНИ ТОҶИК ДАР ҚУВВАОЗМОИИ ҶАҲОНӢ

Бозиҳои олимпии наврасон. МЕДАЛИ НУҚРАИ БЕЖАН

16.10.2018


Тасдиқи нақшаи чорабиниҳо оид ба шинондани ниҳолҳо

Мунтахаби Тоҷикистон дар мусобиқаи "Bangabandhu Gold Cup" ҷои дувумро гирифт

БОЗИҲОИ ОЛИМПИИ НАВРАСОН. Мо соҳиби медал шудем

10.10.2018


Ҷаласаи Шӯрои вазирони мудофиаи кишварҳои узви ИДМ баргузор мешавад

Таҳкими ҳамкориҳои Бонки миллии Тоҷикистон ва БАТР

Дар Душанбе Фестивали байналмилалии «Чакан» доир мегардад

СУҒД. Бунёд ва таъмири 110 иншооти фарҳангӣ

РАШТ. Сохтмони 140 иншоот

РОШТҚАЛЪА. Вусъати созандагӣ

“SLOW FOOD”. Муаррифии гулмоҳии амударёӣ ва оши палов

МУНТАХАБИ ТОҶИКИСТОН ДАР ФИНАЛИ МУСОБИҚАИ "BANGABANDHU GOLD CUP"

09.10.2018


БАЛҶУВОН. Рӯ ба рушд

РАШТ. Авлавият ба ҳифзи муҳити зист

ТАНЗИМ. Қонуншиканон 25 ҳазор сомонӣ ҷарима шуданд

Сипоси сарвари ОПЕК Муҳаммад Баркиндо аз Владимир Путин

Сарони Россия ва Ӯзбекистон ҳамкории дуҷонибаро баррасӣ карданд

Неруҳои эътилофи байналмилалӣ дар Афғонистон амнияти интихоботро таъмин месозанд

Лондон зери об мемонад?

Ҷаҳон дар як сатр

08.10.2018


Даҳ соли минтақаҳои озоди иқтисодӣ

ЧЕМПИОНАТИ ОСИЁ. Мунтахаби Тоҷикистон – барандаи медалҳои нуқра


Дар сомонаҳои дигари Тоҷикистон хонед