logo

сиёсат

Ташаббусҳо на, дурӯғҳо саркӯб мешаванд

Посух ба мақолаи ««Чаро ташаббусҳо саркӯб мешаванд?», Радиои «Озодӣ», 24.02.2012
 

Ҳафтаи гузашта (21 феврал) як матлаби банда дар рӯзномаи «Ҷумҳурият» зери унвони «Ҳизби ҷавонони Тоҷикистон ё ячейкаи ҲНИТ дар пушти парда?» чоп шуда буд. 24-уми феврал дар ҷавоб ба он радиои «Озодӣ» бо унвони «Чаро ташаббусҳо саркӯб мешаванд?» маводеро ба нашр расонд.
Дар мақола муаллиф ва афроди ҳамсуҳбати ӯ бонги изтироб задаанд, ки: «Ахиран як гурӯҳи ташаббускор аз иқдоми таъсиси ҳизбе ба номи Ҳизби ҷавонони Тоҷикистон хабар дод. Аммо расонаҳои расмӣ ба шиддат аз он интиқод намуда ва раҳбарони онро дар ҳамкорӣ бо гурӯҳҳои исломӣ муттаҳам карданд». Азбаски мақола дар рӯзномаи «Ҷумҳурият» нашр шудааст, онҳо ба хулоса омадаанд, ки ин мавқеи давлат аст ва акнун «ташаббуси ташкили ҳизб саркӯб мешавад».
Қабл аз ҳама, мехоҳам ёдрас шавам, ки матлаби навиштаи ман тавассути почтаи электронӣ ба ҳамаи ҳафтаномаҳои тоҷикии ба истилоҳ мустақили ҷумҳурӣ, ҳамчунин  радиои «Озодӣ», ирсол шуда буд, аммо ҳеҷ кадоме аз онҳо мақоларо нашр накард (сабабашро ҳам бароям нанавиштанд). Бинобар ин,  ба идораи рӯзномаи «Ҷумҳурият» муроҷиат кардам. Такроран менависам, ки мақола барои нишон додани муқобилат ба «ташаббуси ташкили ҳизб» иншо нашудааст, балки ҳадафи асосӣ ошкор намудани симои аслӣ ва тарафҳои пӯшидаи фаъолияти сиёсии соҳиби «ташаббус» - Иззат Амон барои ҷавонони кишвар буд, то онҳо дарк кунанд бо чӣ гуна шахсият сару кор доранд. Бо он ки онҳо ӯро мепазиранд ё на ва ин ҳизб сабти ном мешавад ё хайр, на кор дораму на парво.
Хандаовараш ҳамин аст, ки навиштаи маро ҳамчун мавқеи давлат нисбат ба ин масъала қаламдод кардаанд. Зеро барояшон ба забон овардани ҳамин калом ҳам осон асту ҳам зуд хонандаро аз мавзуи асосӣ канор мебаранд. Чаро дар матлаби «Озодӣ» далели муносиботи Иззат Амонро бо ҲНИТ ва равияи «Аҳмадия» боиси баҳс қарор надодаанд? Зеро медонанд, ки дар сурати рад кардан, ҳатман асноде пешниҳод мешаванд, ки исботи ин далелро баробари ду ҷамъи ду - чор, яъне раднашаванда, мегардонанд.
Дар матлаби «Озодӣ»  ҳақиқати дигар бароям рӯшан шуд, ки «Ҳизби ҷавонони Тоҷикистон  худро пайравони мактаби сотсиал – демократӣ унвон мекунад», яъне ҳамин ҳизбе, ки Иззат Амон онро таъсис доданист.  Аммо бароям боз торик мондааст, ки чӣ гуна наҳзатии дирӯза, аҳмадии парерӯза имрӯз якбора сотсиал-демократ гардид. Оё метавон ба шахсияте, ки ҳар моҳу ҳар сол эътиқодашро иваз мекунад, эътимод баст?
Бубинед, охири соли гузашта Иззат Амон худро шаҳрванди Русия низ медонист ва худро бо Русия  «мо» ва Тоҷикистону тоҷиконро «шумо» мегуфт, акнун пайрави «сотсиал-демократ»-ҳо шудаасту ҳизби ҷавонон сохтан дорад. Барои исботи фикр як пораи сӯҳбати ӯ бо Каюмарси Ато (Радиои «Озодӣ», 07.10.2011, «Ҳиҷобдорони тоҷик дар Русия озоданд») иқтибос мешавад:
«Дар суҳбате, ки бо Иззат Амон доштем, аз ӯ пурсидем, ки муносибати мақомоти Русия бо муҳоҷирони мусулмон, аз ҷумла тоҷикон, чӣ гуна аст?
Иззат Амон: Дар Русия гуруҳҳои гуногуни сиёсӣ вуҷуд доранд, ки назару муносибати онҳо ба дин, аз ҷумла ислом, мухталиф аст. Аммо дар асл раёсати кишвари Русия ба ислом ва ҳамин тавр ба мусулмонон назари неку мусбат дорад. Чуноне ки мебинем, тақрибан ҳаштод дар сади (?) имомхатибону муаззинони бисёре аз масоҷиди Русия тоҷикон ҳастанд. Ин раванд дар Русия мисли мӯд шудааст, ки бояд имом-хатибу муаззин тоҷик бошад. Мо ҳатто муфтии тоҷик ҳам дорем.
Радиои Озодӣ: Бубинед, барои бунёди як масҷид дар Тоҷикистон хеле бояд талош кард. Муҳоҷирони мусулмон, аз ҷумла тоҷикон, дар Русия ҳангоми бунёди масоҷид бештар ба чӣ мушкиле мувоҷеҳ мешаванд?
Иззат Амон: Мутаассифам аз он чӣ шумо дар бораи Тоҷикистон мегӯед. Воқеан, хабар дорам, ки боз кардани масҷид чӣ қадар мушкил аст. Вале дар Русия мо кумитаҳое дорем дар назди раисиҷумҳур, ки барои боз кардани марказҳои таҳлиливу динӣ ва масҷидҳо кӯмак мекунанд. Ин кумитаҳо на фишор, балки кӯмак менамоянд »…
Идомаи сӯҳбат ба ҳамин минвол аст. Хоҳишмандон метавонанд аз сомонаи «Озодӣ» онро пайдо карда хонанд ва худ қазоват кунанд. Он гоҳ ҳатман бовар хоҳанд кард, ки мушкилоти имрӯз дар ҷомеаи тоҷик вуҷуддошта, аз назари Иззат Амон, ҳамон мушкилоте мебошанд, ки ҲНИТ ва муллоҳои суннатии мо ҳаррӯза мегӯянд: ришу ҳиҷобу масҷид ва ғайра. На аз ин бештар. Пас бо чунин андеша чӣ гуна метавон ҳизби ҷавонон сохту онро пеш бурд?
Бори дигар таъкид мекунам, ки мавқею андешаи ман дар ин самт танҳо нисбат ба шахсияти Иззат Амон аст, на изҳори мухолифат бо ташаббуси ташкили ҳизбҳои нав. Бигузор, ташаббускорони ташкили ин ҳизб ҷавононе бошанд, ки мафкураю афкорашон солиму нав аст, на бо тарғиботу ташвиқот, идеяҳои берунаи бегона ва дохилии кӯҳна, олудаю заҳролудшуда.
Ман муқобили он мебошам, ки ҳатман шахси наздики Муҳиддин Кабирӣ, узви ҲНИТ, Ҳизби ҷавонони Тоҷикистон созаду боз барои фиреби назар худро  пайрави сотсиал-демократҳо эълон кунад. Ман муқобили он мебошам, ки фардо дар пайравӣ ба ҲНИТ шогирди Раҳматилло Зойиров ҳизби наве ташкил кунад… бо ақидаҳои наҳзатӣ.
Ман тарафдори онам, ки чандин ҳизбу ҳаракатҳои нав дар ҷомеаи демократии мо зуҳур кунад, бо барномаҳои мушаххаси иқтисодӣ-иҷтимоӣ ва баҳри некуаҳволии воқеии мардум ҷадал намояд. Ба ҳизбҳое, ки аз батни ҳизбҳои имрӯзаамон бурун меоянд, эҳтиёҷ надорем ва ҳатто ҳамин ҳизбҳои мавҷудаамон низ то ҳол хидмати чашмрасе барои мо, интихобкунандагон, накардаанд.

Самандари МАҚСУД


Баёни ақида (0)    Санаи нашр: 1.03.12    №: 28    Мутолиа карданд: 1312

20.10.2018


 ИДМ. Нозирони навраси тоҷик дар мақоми аввал

 Болоравии тавлидоти маҳсулоти саноатӣ

Рушди чорводорӣ

КАРТОШКАПАРВАРӢ. Талошҳо самар медиҳанд

 "Подоши амал" дар фестивали байналмилалӣ

 Дар ноҳияи Восеъ беш аз 200 иншоот месозанд

ҶОМИ ТОҶИКИСТОН. Ғалабаҳои "Истиқлол" ва "Хуҷанд"

17.10.2018


РАШТ. Гусели 40 нафар ба хизмати ҳарбӣ

ТОҶИКОБОД. Ду коргоҳи нав дар хизмати сокинон

Вусъати омодагиҳо дар ноҳияи Спитамен

НОҲИЯИ РӮДАКӢ. 414 иншоот бунёд меёбад

ВАРЗИШГАРОНИ ТОҶИК ДАР ҚУВВАОЗМОИИ ҶАҲОНӢ

Бозиҳои олимпии наврасон. МЕДАЛИ НУҚРАИ БЕЖАН

16.10.2018


Тасдиқи нақшаи чорабиниҳо оид ба шинондани ниҳолҳо

Мунтахаби Тоҷикистон дар мусобиқаи "Bangabandhu Gold Cup" ҷои дувумро гирифт

БОЗИҲОИ ОЛИМПИИ НАВРАСОН. Мо соҳиби медал шудем

10.10.2018


Ҷаласаи Шӯрои вазирони мудофиаи кишварҳои узви ИДМ баргузор мешавад

Таҳкими ҳамкориҳои Бонки миллии Тоҷикистон ва БАТР

Дар Душанбе Фестивали байналмилалии «Чакан» доир мегардад

СУҒД. Бунёд ва таъмири 110 иншооти фарҳангӣ

РАШТ. Сохтмони 140 иншоот

РОШТҚАЛЪА. Вусъати созандагӣ

“SLOW FOOD”. Муаррифии гулмоҳии амударёӣ ва оши палов

МУНТАХАБИ ТОҶИКИСТОН ДАР ФИНАЛИ МУСОБИҚАИ "BANGABANDHU GOLD CUP"

09.10.2018


БАЛҶУВОН. Рӯ ба рушд

РАШТ. Авлавият ба ҳифзи муҳити зист

ТАНЗИМ. Қонуншиканон 25 ҳазор сомонӣ ҷарима шуданд

Сипоси сарвари ОПЕК Муҳаммад Баркиндо аз Владимир Путин

Сарони Россия ва Ӯзбекистон ҳамкории дуҷонибаро баррасӣ карданд

Неруҳои эътилофи байналмилалӣ дар Афғонистон амнияти интихоботро таъмин месозанд

Лондон зери об мемонад?

Ҷаҳон дар як сатр

08.10.2018


Даҳ соли минтақаҳои озоди иқтисодӣ

ЧЕМПИОНАТИ ОСИЁ. Мунтахаби Тоҷикистон – барандаи медалҳои нуқра


Дар сомонаҳои дигари Тоҷикистон хонед