logo

мулоқотҳо

Мулоқоти Президент бо намояндагони бонувон

6 март Эмомалӣ Раҳмон, Президенти Тоҷикистон, ба муносибати Рӯзи Модар бо намояндагони бонувони фаъоли кишвар вохӯрд.
Мулоқоти навбатии анъанавии Эмомалӣ Раҳмон, Сарвари давлат, бо намояндагони бонувони фаъол, ки аз тамоми гӯшаю канори мамлакат ҷамъ омаданд, дар бӯстонсарои Ҳукумати Ҷумҳурии Тоҷикистон баргузор гардид.

Дар ин ҳамоиш занону духтарони касбу кори гуногун аз сохторҳои давлатию ҷамъиятӣ, олимону омӯзгорон, табибон, донишҷӯён, адибаҳои маъруф ва шахсиятҳои дигари шинохта, ки дар солҳои Истиқлолияти давлатии Тоҷикистон нақши намоёни ҷамъиятӣ гузоштаанду доранд, иштирок намуданд.
Эмомалӣ Раҳмон, Президенти ҷумҳурӣ, аҳли толор ва дар симои онҳо тамоми модарон ва занону духтаронро бо Рӯзи Модар табрику таҳният гуфта, ба онҳо хушбахтию сиҳатмандӣ ва рӯзгори ободу осуда таманно намуд.
Бо қаноатмандӣ зикр гардид, ки имрӯз беш аз 45% аҳолии машғули кори кишварро занону духтарон ташкил медиҳанд ва шумораи умумиашон зиёда аз як миллион нафар аст.
Ҳамчунин таъкид ёфт, ки аз 15 ҳазор нафар кадрҳои роҳбарикунанда 5 ҳазораш занону духтарон аст ва ин ба андешаи Сарвари давлат нокифоя аст. Аз ин хотир таъкид гардид, ки ба таълиму тарбияи духтарони оқилу доно, хушлаёқат ва дорои қобилияти роҳбарикунанда дар тамоми гӯшаю канори кишвар таваҷҷуҳи хос зоҳир шавад.
 Бо арзи қаноатмандӣ иттилоъ дода шуд, ки тайи 15 соли охир бо квотаҳои президентӣ тақрибан 8 ҳазор ҷавондухтарон, пеш аз ҳама, аз ноҳияҳои дурдасти кӯҳистон соҳиби таҳсилоти миёнаю олии касбӣ ва касбу ҳунар шуданд ва беш аз 3 ҳазори дигар имрӯз таҳсили илм мекунанд. Ба иттилои Эмомалӣ Раҳмон, Сарвари давлат, аз 150 ҳазор донишҷӯи имрӯза 45 ҳазораш духтарон мебошанд.
 Тавре таъкид гардид, занону духтарон на танҳо дар тавлид ва таълиму тарбияи насли наврас, балки дар тамоми паҳлуҳои ҳаёти ҷомеа бояд неруи тавоною муқтадир ва ташаббускори ободӣ ва пешрафту шукуфоиҳо будани худро пайваста собит намоянд.
 Бо ёдоварӣ аз гарнтҳои президентӣ ба занони соҳибкор таъкид гардид, ки дар зарфи 5 соли охир ба ин восита беш аз 21 ҳазор нафар зан бо кор таъмин шуд ва қариб 20 ҳазор нафари дигар дар курсҳои кӯтоҳмуддат касбу ҳунар омӯхт.
 Тибқи иттилои Сарвари давлат, шумораи занони аз бонкҳо барои соҳибкорӣ қарзгиранда низ ба маротиб афзудааст. Агар соли 2006 55 ҳазор зан 168 миллион сомонӣ қарз гирифта бошад, пас дар соли 2011 103 ҳазор нафар 521 миллион сомонӣ қарз гирифтааст.
 Эмомалӣ Раҳмон, Президенти кишвар, бо ишора ба нақши муассири занону духтарон дар рӯзгору оила таъкид намуд, ки онҳо дар риояи талаботи қонуният ва тартиботи ҳуқуқӣ, аз ҷумла иҷрои қонунҳо "Дар бораи танзими анъана ва ҷашну маросимҳо дар Ҷумҳурии Тоҷикистон" ва "Дар бораи масъулияти падару модар дар таълиму тарбияи фарзанд" фаъол бошанд.
Дар қисмати дуюми мулоқот миёни Эмомалӣ Раҳмон - Сарвари давлат ва занону духтарони фаъол маҳфили ошкорои пурсишу посух сурат гирифт.
Зимни он олимаи тоҷик Насиба Содиқова, ятимдухтари донишҷӯ Марҳабо Файзиева, роҳбари ташкилоти ҷамъиятии "Тоҷи Зарин" Зарина Муллоева, мудири кор бо занон ва оилаи ноҳияи Тоҷикобод Нодираи Маҳмадисо, мудири шуъбаи маорифи шаҳри Исфара Муҷибахон Ҷавҳарова, сартабиби Пажӯҳишгоҳи бемориҳои узвҳои ҳозима Саодат Азимова ва ду шоираи ширинкалом - Меҳринисо ва Рудобаи Мукаррам изҳори андеша карданд.


Баёни ақида (0)    Санаи нашр: 8.03.12    №: 31    Мутолиа карданд: 472

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед