logo

мулоқотҳо

Мулоқоти Эмомалӣ Раҳмон бо Дидйе Рейндерс ва Питер де Крим

4 май Эмомалӣ Раҳмон, Президенти Ҷумҳурии Тоҷикистон, Дидйе Рейндерс муовини сарвазир - вазири корҳои хориҷии Шоҳигарии Белгия ва Питер де Крим - вазири мудофиаи ин мамлакатро ба ҳузур пазируфт.
Дар мулоқот масоили вобаста ба муносиботи дӯстона ва ҳамкории судбахши ду кишвар баррасӣ шуданд.

Таваҷҷуҳи асосӣ ба се ҷанбаи ҳамкорӣ - ҳамгироӣ барои барқарорсозии суботу эътидол дар Афғонистон, рушди ҳамкорӣ дар Осиёи Марказӣ ва густариши робитаҳои дуҷонибаи Тоҷикистону Белгия равона гашт.
"Мо Белгияро яке аз шарикони муҳими худ дар Иттиҳоди Аврупо медонем", - изҳор дошт Эмомалӣ Раҳмон.
Дидйе Рейндерс густариши муносиботро бо Тоҷикистон бисёр муҳим номида, аз номи Ҳукумати кишвараш аз Эмомалӣ Раҳмон даъват намуд, ки ба Брюссел бо сафари расмӣ ташриф орад.
Ба роҳбарият ва мардуми Тоҷикистон барои мусоидати фаъол ба неруҳои посдори сулҳ дар Афғонистон изҳори сипос карда шуд.
Таваҷҷуҳи зиёд ба густариши ҳамкории дуҷонибаи Тоҷикистону Белгия, аз ҷумла татбиқи амалии санадҳое, ки моҳи феврали соли 2009 зимни сафари расмии Президенти Ҷумҳурии Тоҷикистон дар Брюссел ба имзо расида буданд, зоҳир гардид.
Ташкил ва густариши ҳамкории васеи иқтисодию тиҷоратӣ ва сармоягузорӣ бо назардошти бозори кишварҳои Осиёи Ҷанубӣ дорои дурнамои судбахш барои ҳар ду ҷониб номида шуд.
Гуфтугӯи судманд, ҳамчунин доир ба рушди ҳамгироӣ дар таъмини амнияту суботи минтақавӣ ва мубориза бо хатарҳои ҷаҳони муосир, аз қабили терроризму ифротгароӣ ва гардиши ғайриқонунии маводи мухаддир сурат гирифт.

www.president.tj

* * *
Дидйе Рейндерс, муовини сарвазир-вазири корҳои хориҷии Шоҳигарии Белгия дар суҳбат бо хабарнигорон изҳор дошт, ки густариши ҳамкориҳои дуҷонибаи Тоҷикистону Белгия, таҳкими марз, ҳамгироӣ ҷиҳати ба эътидол овардани вазъ дар Афғонистон ва ҷараёни равобити кишварҳои минтақа аз мавзӯъҳои умдаи мулоқоташ бо Эмомалӣ Раҳмон, Президенти Ҷумҳурии Тоҷикистон, будааст.
Ёдовар мешавем, ки аз истиқрори муносиботи дипломатии ду кишвар 20 сол сипарӣ шуд. Дар ин робита Дидйе Рейндерс ба тавсеаи робитаҳои дӯстона ва густариши ҳамкориҳои судбахш таъкид намуда, афзуд, ки аз ин пас муносиботи ҳар ду ҷониб дар сатҳи сифатан нав қарор хоҳанд гирифт.
Муовини сарвазири Шоҳигарии Белгия итминон дод, ки кишвараш дар марҳалаи хуруҷи неруҳои низомии НАТО аз Афғонистон ба тақвияти марзи Тоҷикистону Афғонистон мусоидат хоҳад кард.
Номбурда аз тасмими Эмомалӣ Раҳмон ҷиҳати фароҳам овардани шароити мусоид ба фаъолияти нозирони байналмилалӣ дар интихоботи президентии соли 2013 дар Тоҷикистон истиқбол намуд.

Фирӯзи РАҲМОНИЁН,
"Ҷумҳурият"


Баёни ақида (0)    Санаи нашр: 5.05.12    №: 58    Мутолиа карданд: 538

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед