logo

маориф

Эҳтимоми инсондӯстонаи Ҳукумат

Паёми навбатии Эмомалӣ Раҳмон, Сарвари давлат, ба Маҷлиси Олӣ аз паёмҳои солҳои қаблӣ фарқи куллӣ дорад. Бахусус ҷанбаи иҷтимоии он, ки ба дастгирии аҳли илму маориф ва фарҳанги кишвар ишорати равшан дорад, хеле қавӣ садо дод.

Дар оғози Паём ба масъалаи баланд бардоштани музди кори кормандони соҳаҳои маориф, тандурустию фарҳанг таваҷҷуҳи хос зоҳир гардид, ки ин амр далели шоёни ғамхории рӯзафзуни Президенти мамлакат нисбат  ба устодону олимон, омӯзгорону аҳли ҳунар ба шумор меояд. Ба андозаи 200 сомонӣ расонидани ҳадди ақали маош дар Тоҷикистон баёнгари он аст, ки имкониятҳои истеҳсоливу иҷтимоии мамлакат сол ба сол боло рафта, сатҳи камбизоатии аҳолӣ коҳиш меёбад.
Таҳлили солонаи ибтикороти Сарвари давлат дар мавриди афзудани ҳаҷми музди кор дар давоми солҳои аз 2001 то имрӯз далелест, ки воқеан дар давоми беш аз 10 сол музди кори омӯзгорон аз 7 сомонӣ то ба зиёда аз 200 сомонӣ боло рафтааст, ки ин нукта аз эҳтимоми инсонгаронаи Ҳукумати Ҷумҳурии Тоҷикистон нисбат ба аҳли илму маориф паём мерасонад. Ҳамзамон бо дастури Президент ба мақомоти иҷроияи ҳокимияти давлатии вилоятҳо ва шаҳру ноҳияҳои ҷумҳурӣ супориш дода шуд, ки маблағҳои озод ва иҷрои барзиёди даромади буҷетҳои маҳаллиро пеш аз ҳама барои афзоиши ҳаҷми музди кор равона намоянд.
Нуктаи бисёр муҳим дар Паёми мазкур таваҷҷуҳ ба фаъолияти соҳибкорӣ, хоса он соҳибкороне, ки ба сохтмони мактабу муассисаҳои тандурустӣ ва фарҳангӣ иқдом мекунанд, маҳсуб мешавад. Дар ин замина Сарвари давлат бо ишорат бар ин, ки ба ин гурӯҳи соҳибкорон имконият дода шавад аз баъзе намуди андозҳо озод гарданд, сиёсати дурбинонаи дастгирии соҳибкориро татбиқ намуда, барои ҷалби бештари ин доира ба корҳои муассир дар ҳаёти ҷамъиятӣ таъсири равшан гузоштанд. Эҳсос мешавад, ки ҷомеа, бахусус соҳибкорони сатҳҳои гуногун, низ аз ин иқдом ба хубӣ истиқбол намуданд ва умедворем, ки онҳо ба ин васила дар амри пешрафти илму маориф ва фарҳанг иқдом хоҳанд кард.
Дар суханронии Сарвари давлат ба масъалаи таъсиси ҳукумати электронӣ дар кишвар эътибори махсус зоҳир гардид. Аз ҷумла масъалаи давра ба давра гузаштан ба ҳукумати электронӣ ва татбиқи  "Консепсияи ташаккули  ҳукумати электронӣ", ки тақозои замон аст ва он барои ба сатҳи ҷаҳонии идораи давлатӣ баромадани кишвари мо роҳ мекушояд. Илова бар ин, гузаштан ба чунин низоми нави идораи мақомоти давлатӣ имкон медиҳад, ки садҳои маснӯъӣ дар ҳаллу фасли масъалаҳои гуногун, коҳиш ёфтани сатҳи коррупсия ва дигар муносибатҳои номатлуб аз миён бардошта шавад. Ин тадбири нави Ҳукумати Ҷумҳурии Тоҷикистон пеш аз ҳама ба хотири таъмини некӯаҳволии мардуми кишвар ва беҳдошти рӯзгори он андешида шудааст. Бовар дорам, ки ин иқдом дар кӯтоҳтарин фурсат истиқболи тамом дар ҷомеа пайдо хоҳад намуд.
Дар мавриди мусоидат дар беҳдошти соҳаи маориф, аз ҷумла муассисаҳои таҳсилоти миёнаи умумӣ, ки зинаи асосӣ ва зербинои маърифати инсонӣ маҳсуб меёбад, низ андешаҳои пурсуд баён гардиданд. Мутмаинам, ки минбаъд соҳаи маориф чун яке аз бахшҳои муҳими ҳаёти ҷамъиятӣ дар Тоҷикистон бо корбурди ин барномаҳои судманди давлатӣ ба мақоми баланди пешрафтҳо хоҳад расид.
Паёми навбатии Сарвари давлат ба Маҷлиси Олии Ҷумҳурии Тоҷикистонро метавон дурнамои воқеии пешрафтҳои кишвар унвон кард, ки амалигардии маҷмӯи пешниҳод ва дастурҳои ҳидоятгароёнаи он метавонанд кишвари моро ба қуллаҳои саодат ва пешрафтҳои тозаву муборак бирасонанд.

Абдуфаттоҳ РАҲИМОВ,
ноиби ректори Донишгоҳи давлатии Хуҷанд
ба номи академик Б. Ғафуров


Баёни ақида (0)    Санаи нашр: 5.05.12    №: 58    Мутолиа карданд: 684

21.08.2019


Путин 4 сентябр бо Сарвазири Ҳиндустон музокирот мегузаронад

Амири Қатар даъвати Путинро ба ФИБП пазируфт

Даҳ ҳазор нафар бинобар сӯхтор дар пойтахти Бангладеш бе сарпаноҳ монд

Токио имкони ба мадор баровардани радифҳои ҳарбиро баррасӣ дорад

Ҷаҳон дар як сатр

ШИНОВАРӢ. Варзишгарони тоҷик ба Чемпионати ҷаҳон рафтанд

19.08.2019


Баррасии асосноккунии техникиву иқтисодии роҳи Қалъаи Хумб – Ванҷ

Баргузории ҳамоиши "Ҷавонони эҷодкор – парчамбардорони миллат ва пайравони Пешвои миллат"

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал


Дар сомонаҳои дигари Тоҷикистон хонед