logo

сафарҳо

Таҷрибаи кишоварзони Ҳисор сазовори таҳсину дастгирист

23 май Эмомалӣ Раҳмон, Президенти кишвар, ба ноҳияи Ҳисор сафари корӣ анҷом дод. Зимни сафар Эмомалӣ Раҳмон, Сарвари давлат, бо рафти навсозии роҳи мошингарди Душанбе-Турсунзода, дастовардҳои кишоварзони ноҳияи Ҳисор дар бахшҳои ғаллакорӣ, пахтакорӣ, боғутокпарварӣ ва чорводорӣ шинос шуд. Боздиди корӣ аз шиносоӣ бо рафти навсозии роҳи мошингарди Душанбе-Турсунзода дар паҳлуи боғи «15-солагии истиқлолияти Тоҷикистон» оғоз ёфт.

Эмомалӣ Раҳмон, Сарвари давлат, аз суръати сусти корҳо изҳори нигаронӣ карда, барои тезондани он ба масъулин супоришҳои мушаххас дод. Тавре ки зикр гардид, ҳоло корҳо барои кандани қабати болоии роҳи куҳна ва омода кардани хати нави роҳи мазкур идома дорад. Чунонки аён гардид, бисёр гардишу печутобҳои пешина рост ва пастию баландиҳо тахту ҳамвор карда мешаванд, то ки сатҳи бехатарии ҳаракат дар ин роҳ боло равад. Ба ин кор 138 техникаю механизмҳои роҳсозию боркашӣ ва беш аз 500 нафар коргару мутахассис сафарбар гардидааст. Беш аз 70% роҳсозон аз аҳолии маҳаллӣ мебошанд, ки бо маоши хуб таъмин гардидаанд.
Ба роҳбарияти Вазорати нақлиёт ва шарикони чинии он, ҳамчунин доир ба тезондани навсозии роҳи мошингарди Душанбе-Данғара, сохтмони нақбҳои Чормағзаку Шаҳристон ва омодасозии лоиҳаи роҳи Айнӣ-Панҷакент дастуру ҳидоятҳо дода шуд. Таъкид гардид, ки нақби Шаҳристон бояд моҳи сентябри соли равон ва нақби Чормағзак моҳи сентябри соли 2013 мавриди истифода қарор бигиранд.
Аз ин ҷо Эмомалӣ Раҳмон, Сарвари давлат, ба кооперативи истеҳсолии Ватани ноҳияи Ҳисор ташриф оварда, бо кори ибратбахши хоҷагии оилавии Ҳаиталӣ Буриев аз наздик шинос шуд.
Тазаккур ёфт, ки ин деҳқони асил соли гузашта аз ҳар гектари замини ғаллаи обӣ 70 - сентнерӣ ҳосил гирифта, имсол низ аз заминҳои гандум ва ҷуворимакка ҳосили фаровонро мунтазир аст. Аҳли ин хоҷагӣ беш аз 30 гектар заминро дар ихтиёр дошта, асосан бо зироаткорӣ, боғдорӣ ва чорводорӣ машғуланд ва аз заҳмати худ фоидаи хуб ба даст меоранд.
Тавре зикр гардид, аҳли ин хоҷагӣ, асосан аъзои як хонавода ва дӯстони онҳо буда, заминҳои онҳо ҳосили фаровон медиҳанд ва касе аз эшон ба муҳоҷирати корӣ намеравад.
Дар хоҷагии Ҳайдар Мирови ноҳияи Ҳисор Эмомалӣ Раҳмон, Сарвари давлат, бо кори қитъаи пахтаи маҳиннахи навъи «Авесто» шинос шуд.
Чунонки зикр гардид, дар ин ҷо аҳли хоҷагӣ ду сол боз бо олимони Академияи кишоварзии мамлакат парвариши ин навъи пахтаро, ки асосан дар вилояти Хатлон кишт мешавад, ба таври таҷрибавӣ ба роҳ мондаанд. Соли гузашта, ки барои пахтакорӣ басо мусоид омада буд, онҳо аз ҳар гектар 41 - сентнерӣ ҳосил гирифтанд. Имсол низ умед доранд, ки то 35-40 - сентнерӣ ҳосил ба даст оранд. Ба гуфти олимони соҳа, ин навъи пахта пешпазак буда, ҳосилаш дар давоми 125 -132 рӯз ба чидан омода мешавад ва баромади нахаш ба 35-40% мерасад.
Эмомалӣ Раҳмон, Президенти кишвар, ба масъулини ҷумҳуриявию маҳаллии соҳаҳои  кишоварзиюсаноати сабук ва олимони соҳа  доир ба ташкили истеҳсоли мошинолоти кишоварзӣ ва ба роҳ мондани коркарди пурраи нахи пахта дар дохили ҷумҳурӣ дастуру ҳидоятҳо дод.
Зимни боздид аз хоҷагии чорводории «Баракат»-и ноҳияи Ҳисор маълум шуд, ки аҳли заҳмати он ба дастовардҳои назаррас ноил гардидаанд.
Чунонки иттилоъ дода шуд, ҳоло дар ин фермаи хоҷагӣ 2064 сар чорвои калони хушзот парвариш меёбад, ки аз он 718 - тоаш гови дӯшо мебошад. Дар ин ҷо асосан зоти сермаҳсули сиёҳало парвариш меёбад. Соли гузашта аз ҳар сар гови дӯшо 5113 - килограммӣ шир дӯшида шудааст ва имсол ин нишондод тибқи пешгӯии роҳбари хоҷагӣ бояд ба 5,5 ҳазор кг расонда шавад.
Дар натиҷаи бордоркунии сунъӣ бо нутфаҳои воридотӣ насли тозаи хушзот ҳосил менамоянд. Гӯсолаҳои модина то 1,5 - солагӣ 450 кг вазн гирифта, ба бордоршавӣ омода мешаванд.
Буққаҳои хоҷагӣ, ки то 1400 -1500 кг вазн мегиранд, асосан ба гӯшт мераванд ё ба хоҷагиҳои дигари чорводор барои наслгирӣ фурӯхта мешаванд.
Дастоварди аз ҳама ҷолиби хоҷагӣ ширдӯшии мошинии автоматӣ бо навтарин технологияи олмонӣ мебошад, ки дар Тоҷикистон бори нахуст ба назар мерасад. Дар компютере, ки дар маркази идораи ин дастгоҳҳои ширдӯшӣ насб шудааст, тамоми маълумоти оморӣ ва назоратӣ доир ба ҳар як гови дӯшо сабт мегардад. Бо ёрии ин дастгоҳи нави технологӣ ҳам хароҷоти хоҷагӣ кам мешавад ва ҳам қоидаҳои санитарӣ-гигиенӣ ба таври шоиста риоя мегарданд.
Дар вақти боздиди Сарвари давлат дар фермаи хоҷагӣ захирасозии тарбеда бо ҷӯшу хурӯш идома дошт. Тавре иттилоъ дода шуд, то имрӯз 2300 тонна тарбеда дар чуқуриҳои дароз бо риояи технологияи хуби нигаҳдории он зери плёнка ва хок захира ш        удааст. Ҳамчунин зикр гардид, ки ҳар як замини обии юнуҷқа дар як сол то 6-7 маротиба дарав мешавад.
Эмомалӣ Раҳмон, Президенти кишвар, ба масъулини соҳа доир ба паҳн намудани таҷрибаҳои пешқадам ба дигар ноҳияҳо, боз ҳам беҳтар намудани натиҷаҳои кори соҳа, ҳамқадам будан бо дастовардҳои илму техникаи навтарини ҷаҳонӣ, таъмини фаровонӣ дар бозори дохилӣ ва боло бурдани қудрати содиротии Тоҷикистон дастуру ҳидоятҳо дод.


Баёни ақида (0)    Санаи нашр: 26.05.12    №: 67    Мутолиа карданд: 725

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"


Дар сомонаҳои дигари Тоҷикистон хонед