logo

ҳукумат

Касбомӯзӣ шеваҳои тоза талаб дорад

30 май таҳти раёсати Эмомалӣ Раҳмон, Президенти Ҷумҳурии Тоҷикистон, Раиси Ҳукумати кишвар, маҷлиси навбатии Ҳукумати Ҷумҳурии Тоҷикистон баргузор гардид.
Дар оғози маҷлис ҳисоботи вазири меҳнат ва ҳифзи иҷтимоии аҳолӣ дар бораи рафти иҷрои барномаҳои мусоидат ба шуғли аҳолии Ҷумҳурии Тоҷикистон барои солҳои 2010-2011 ва 2012-2013 шунида шуд.

Қайд гашт, ки дар самти касбомӯзӣ ва бозомӯзии шаҳрвандони бекор, додани шаҳодатнома ба малакаҳои касбӣ ва ташкили курсҳои касбомӯзии худкифо соли 2011-ум барномаи махсус таҳия шуд ва тавассути муассисаҳои таълими касби мақомоти давлатии шуғли аҳолӣ ва дигар муассисаҳои таълими касб маҷмуан 44158 нафар шаҳрванди бекор ва муҳоҷирони меҳнатӣ ба тайёрии касбӣ, такмили ихтисос, бозомӯзӣ ва бо шаҳодатнома арҷ гузоштани малакаҳои касбӣ фаро гирифта шудаанд.
Аз ҷумла тавассути роҳхатҳои мақомоти давлатии шуғли аҳолӣ дар муассисаҳои таълими касби системаи агентӣ 10603 нафар ва ба роҳи худмаблағгузорӣ дар муассисаҳои таълимӣ 20554 нафар ба омӯзиши касб фаро гирифта шуда, малакаҳои касбии 10842 нафар шаҳрванд ва муҳоҷирони меҳнатӣ, бо шаҳодатнома тасдиқ карда шуданд.
Давоми соли 2011 дар 28 муассисаи таълими касби мақомоти давлатии шуғли аҳолӣ тибқи барнома 10603 нафар бекор аз рӯи 40 номгӯи ихтисосҳои мувофиқ ба талаботи бозори меҳнат ба касбомӯзӣ фаро гирифта шуд, ки дар муқоиса ба соли 2010-ум 1462 нафар зиёд буда, 120,1 фоизро аз иҷрои нақша ташкил медиҳад. Аз теъдоди ба касбомӯзӣ фаро гирифташудагон дар муассисаҳои таълими касбии системаи агентӣ занону духтарон 7244 нафар ва ҷавонон 7464 нафарро ташкил медиҳанд
Қайд намудан ҷоиз аст, ки наздик ба 34 фоизи касбомӯзон ба ихтисоси дӯзандагӣ, 17,2 фоиз ба ихтисоси асосҳои омӯзиши компютер, 8,6 фоиз кафшергари газию барқӣ, 2,5 фоиз барқчӣ, 7,9 фоиз хизматрасонӣ ба аҳолӣ, 3,7 фоиз сохтмончӣ ва 3,9 фоиз ба омӯзиши касби қаннодӣ ҷалб шудаанд.
Ҳамин тавр, давоми соли 2011 аз ҳисоби маблағҳои дар барномаи мусоидат ба шуғли аҳолӣ пешбинишуда маҷмуан 2 миллиону 978 ҳазору 715 сомонӣ барои ба тайёрии касбӣ, такмили ихтисос ва бозомӯзӣ фаро гирифтани шаҳрвандони бекор ва муҳоҷирони меҳнатӣ сарф шуд, ки аз ин маблағ 1 миллиону 267 ҳазору 360 сомониашро стипендияи касбомӯзон ташкил медиҳад.
Таъкид гардид, ки новобаста ба ин, дурнамои талабот ба таълими касб нишон медиҳад, ки заминаи мавҷудаи муассисаҳои таълими касби системаи вазорат барои ҳарчи бештар ба тайёрии касбӣ фаро гирифтани аҳолӣ, аз ҷумла муҳоҷирони меҳнатӣ кофӣ нест.
Қарор шуд, ки мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳо ва шаҳру ноҳияҳои тобеи ҷумҳурӣ дар ташкили муассисаҳои таълими  кӯтоҳмуҳлати касб бо назардошти талабот ба кадрҳои коргарӣ ба мақомоти давлатии шуғли аҳолӣ мусоидат намоянд.
Бо мақсади ҷалби ҳарчи бештари шаҳрвандон ба тайёрии касбӣ дар муассисаҳои таълими касби калонсолони Тоҷикистон зарур дониста шуд, ки омӯзиши касбу ихтисосҳои нав, аз қабили кандакорӣ, заргарӣ, мураббия-парастор ва дигар касбҳо ба роҳ монда шавад.
Сипас ба Ҳукумати Ҷумҳурии Тоҷикистон раиси ноҳияи Шӯрообод дар бораи рафти иҷрои Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ» ва Қонуни Ҷумҳурии Тоҷикистон «Дар бораи мақомоти худидоракунии шаҳрак ва деҳот» ҳисобот дод.
Як зумра санадҳои меъёрии ҳуқуқӣ, аз ҷумла Тартиби ташкил намудани паноҳгоҳҳо ва дигар иншооти мудофиаи гражданӣ, Барномаи ҳифзи мероси фарҳангии ғайримоддии халқи тоҷик барои солҳои 2013-2020 ва Тартиби бақайдгирӣ ва баҳисобгирии тракторҳо, комбайнҳо, мошинҳои худгарди кишоварзӣ, мелиоративӣ, роҳсозию сохтмонӣ, ядак ва нимядакҳои тракторҳо тасдиқ карда шуд.
Лоиҳаи Қонуни Ҷумҳурии Тоҷикистон «Дар бораи экспертизаи зиддикоррупсионии санадҳои меъёрии ҳуқуқӣ ва лоиҳаҳои санадҳои меъёрии ҳуқуқӣ» ва лоиҳаи Қонуни Ҷумҳурии Тоҷикистон «Дар бораи маориф» маъқул дониста, ба баррасии Маҷлиси намояндагони Маҷлиси Олии Ҷумҳурии Тоҷикистон пешниҳод гаштанд.
Бо қарорҳои Ҳукумат Шӯрои мушоҳидавии назди Ҳукумати Ҷумҳурии Тоҷикистон оид ба татбиқ ва назорати ҷараёни таҷдиди сохтори Ширкати саҳомии холдингии кушодаи «Барқи тоҷик», Муассисаи таълимии давлатии мактаби байналмилалии президентӣ дар шаҳри Душанбе ва Муассисаи таълимии давлатии мактаб-интернати ҷумҳуриявӣ дар ноҳияи Рӯшони Вилояти Мухтори Кӯҳистони Бадахшон таъсис дода шуд.
Дар  охири маҷлис Эмомалӣ Раҳмон, Сарвари давлат, таваҷҷуҳи ҳозиринро ба таъмини бозори истеъмолӣ, ҷамъоварии ҳосили мева, сабзавот, ғалла, суръат бахшидани корҳои сохтмонӣ, махсусан идома додани бунёди роҳҳо, пулҳо, нақбҳо, ҷамъбасти соли таҳсил ва омодагии муассисаҳои олии таълимӣ ба қабули довталабон ҷалб намуда, дар назди роҳбарони сохторҳои дахлдор вазифаҳои мушаххас гузошт.


Баёни ақида (0)    Санаи нашр: 2.06.12    №: 69-70    Мутолиа карданд: 889

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд

Тоҷикистон. Барои табобати Осия Зулфонова аз Олмон табиб оварданд

То соли 2020 маҳсулоти муштараки ширии Тоҷикистону Беларус ба бозор мебарояд


Дар сомонаҳои дигари Тоҷикистон хонед