logo

маориф

Рашт: соҳаи маориф ниёз ба тадбирандешӣ дорад

Дар асоси дастуру ҳидоятҳои Эмомалӣ Раҳмон, Президенти  Ҷумҳурии Тоҷикистон ва дастгирии Ҳукумати кишвар дар чанд соли охир дар ноҳияи Рашт дигаргуниҳои куллӣ  дар соҳаҳои маориф, фарҳанг, иҷтимоиёт  ва иқтисод ба вуқӯъ пайвастанд.
Аз ҷумла барои бо таҳсил  фаро гирифтани теъдоди бештари кӯдакон  дар  ноҳия 80 синфхонаи нав бунёд гардида, 10 мактаби асосӣ  ба мактаби таҳсилоти миёнаи умумӣ табдил дода шудааст, ки дар натиҷа шумори хонандагон, бахусус духтарон дар мактабҳо афзуд.
Агар ду-се сол пеш дар синфҳои болоӣ 20 фоизи хонандагонро духтарон ташкил медоданд, ҳоло ин рақам ба 65 дар сад расидааст. Қаблан хонандагони синфҳои поёнии мактабҳои деҳаҳои дурдаст на ҳама таҳсилро идома медоданд.  Баъди қабули Қонуни Ҷумҳурии Тоҷикистон "Дар бораи масъулияти падару модар дар таълиму тарбияи фарзанд" вазъ ба куллӣ тағйир ёфтааст.
Умуман корҳои маърифатӣ дар ноҳия вусъат ёфта, шаклу усулҳои нав пайдо намудаанд.
Барои касбомӯзии занҳо, муҳайё кардани ҷойҳои нави кор тадбирҳои зиёде андешида шудааст. Бо вуҷуди ин ҳанӯз дар ноҳия шумори духтарони маълумотдор хеле кам мебошад. Дар филиали Донишгоҳи давлатии омӯзгории Тоҷикистон дар шаҳраки Ғарм  нисбат ба дигар ноҳияҳои минтақа теъдоди донишҷӯдухтарон кам аст. Аз 720 нафар донишҷӯи ғоибхони филиал ҳамагӣ 27 нафарро духтарон ташкил медиҳанд.
-Барои ҷалби бештари  духтарон ба таҳсил дар ноҳияи мо ҳайати мушовараи  сайёри Вазорати маорифи Ҷумҳурии Тоҷикистон доир гардида, чораҳои иловагӣ андешида шуд, -гуфт зимни суҳбат Саидумрон Абдураҳмонов, раиси ноҳияи Рашт. -Барои афзудани теъдоди духтарони маълумотдор мақсад дорем, ки дар назди мактабҳои таҳсилоти миёна гурӯҳҳои ғоибона таъсис диҳем, то ки духтарони  аз таҳсил дурмонда  соҳибмаълумот гарданд, дар донишгоҳу омӯзишгоҳҳо ғоибона ё рӯзона таҳсил карда тавонанд.
То соли хониши 2011-2012 дар 7 деҳаи дурдасти ҷамоатҳои деҳоти Аскалон, Ҳоит ва Ясманд хонандагони синфҳои ибтидоӣ таҳсилро идома дода наметавонистанд. Ин мушкилотро ба инобат гирифта,  мактаб-интернати маркази ноҳия фаъол гашт ва шумори хонандагон ба 193 нафар расонида шуд.  Айни ҳол дар ин таълимгоҳ истироҳатгоҳ низ амал карда истодааст, ки дар он хонандагон бо ҷойи хобу хӯрок таъмин   мешаванд. Таъсиси китобхона низ дар назар мебошад.
Бояд зикр кард, ки баробари ба таълим фаро гирифтани хонандагон масъалаи таҳсили минбаъдаи онҳо дар омӯзишгоҳу донишкадаҳо низ дар мадди назар аст. Тибқи Квотаи президентӣ имсол бояд  27 нафар хатмкардаи мактаби таҳсилоти миёнаи умумӣ таҳсилро дар макотиби олии кишвар идома диҳад.
Дар солҳои охир дигар вазорату идораҳои ҷумҳурӣ низ барои рушди ин соҳаҳо дар ноҳия таваҷҷуҳ зоҳир карда истодаанд.
Баъди қабули Қонуни Ҷумҳурии Тоҷикистон "Дар бораи масъулияти падару модар дар таълиму тарбияи фарзанд" дар ноҳия Ассотсиатсияи волидайн созмон ёфт, ки он дар ҳалли бисёр масъалаҳо мусоидат мекунад. Аз ҷумла дар ҳар ҷамъомад хонандагони фаъол ҳавасманд гардонида мешаванд. Бо ташаббуси ассотсиатсия дар мактабҳо 80 синфхонаи нав бо мизу курсӣ ва дигар ашёҳои хониш таъмин гардид.
- Дар назар аст, ки бо ёрии Вазорати маорифи ҷумҳурӣ ва Ассотсиатсияи волидайн дар ноҳия 64 синфхонаи нав бунёд 7 мактаби асосӣ ба мактаби таҳсилоти миёнаи умумӣ табдил дода шавад, -афзуд дар хотима Саидумрон Абдураҳмонов. -Дар ин ҳолат агар дар 17 мактаб ба ҳисоби миёна 25 - нафарӣ хонанда ба таҳсил фаро гирифта шавад, 425 нафар ҳар сол иловатан соҳиби маълумоти миёна мегардад.
Пӯшида нест, ки ҳанӯз соҳаи маориф дар ноҳияи Рашт ниёз ба чораандешӣ дорад. Мушкилоти синфхонаҳои бетаъмир, музди маоши ками омӯзгорон, камии ҷойҳои кор ва ғайра дида мешавад ва онҳо ҳалли бетаъхирро тақозо доранд.

Мирзои ФИРӮЗ,
Мунаввари САФАР,
"Ҷумҳурият"


Баёни ақида (0)    Санаи нашр: 12.07.12    №: 92-93    Мутолиа карданд: 696

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед