logo

қонунҳои ҶТ

Қонуни Ҷумҳурии Тоҷикистон ДАР БОРАИ ВОРИД НАМУДАНИ ТАҒЙИРУ ИЛОВАҲО БА КОДЕКСИ МУРОФИАВИИ ГРАЖДАНИИ ҶУМҲУРИИ ТОҶИКИСТОН

Моддаи 1. Ба Кодекси мурофиавии граждании Ҷумҳурии Тоҷикистон, ки бо  Қонуни Ҷумҳурии Тоҷикистон аз 5 январи соли 2008 қабул шудааст (Ахбори Маҷлиси Олии Ҷумҳурии Тоҷикистон, с. 2008, №1, қ. 1, мод. 6; мод. 7; с. 2010, №1, мод. 6), тағйиру иловаҳои зерин ворид карда шаванд:
1. Қисми 2 моддаи 28 дар таҳрири зерин ифода карда шавад:
"2. Суди Вилояти Мухтори Кӯҳистони Бадахшон, судҳои вилоятҳо ва суди шаҳри Душанбе дар сурати ду маротиба бекор карда шудани  ҳалномаҳои судии судҳои шаҳру ноҳияҳо вобаста ба парвандаи мушаххас, ин парвандаро ба истеҳсолоти худ қабул намуда, ба сифати суди марҳилаи якум баррасӣ менамоянд.".
2. Қисми 2 моддаи 29 дар таҳрири зайл ифода карда шавад:
"2. Суди Олии Ҷумҳурии Тоҷикистон дар сурати ду маротиба бекор карда шудани  ҳалномаҳо ва қарорҳои судӣ вобаста ба парвандаи мушаххас, ин парвандаро ба истеҳсолоти худ қабул намуда, ба сифати суди марҳилаи якум баррасӣ менамояд.".
3. Дар қисми 2 моддаи 72, сархатҳои якум, дуюм ва чоруми қисми 1 моддаи 83, сархати чоруми қисми 1 моддаи 116, қисми 2 моддаи 118, сархати якуми қисми 2 моддаи 121, сархатҳои дуюм ва сеюми қисми 2 моддаи 126, сархатҳои дуюм, сеюм ва чоруми қисми 1 ва қисми 2    моддаи 130, сархатҳои дуюм ва сеюми қисми 2 моддаи 134, қисми 2 моддаи 202, сархатҳои дуюм ва сеюми қисми 1 моддаи 230, сархати сеюми қисми 2 моддаи 234, сархати дуюми қисми 1 моддаи 243, сархати панҷуми қисми 2 моддаи 269, матни моддаи 275, сархати чоруми қисми 2 моддаи 277, сархати дуюми моддаи 300, сархати дуюми қисми 1 моддаи 301, сархати дуюми қисми 1 моддаи 328, сархати сеюми қисми 2 моддаи 355, сархатҳои дуюм ва сеюми қисми 1 моддаи 367, сархатҳои дуюм ва сеюми қисми 1 моддаи 372, сархатҳои дуюм ва чоруми қисми 1 моддаи 373, сархатҳои чорум ва панҷуми қисми 1 моддаи 377, сархатҳои якум ва дуюми қисми 1 моддаи 400, сархатҳои дуюм ва сеюми қисми 2 моддаи 408, сархатҳои якум ва дуюми қисми 2 моддаи 411 калимаҳои "ном, номи падар, фамилия" ва "ном, номи падар ва фамилияи" мутаносибан ба калимаҳои "насаб, ном, номи падар" ва "насаб, ном ва номи падари" иваз карда шаванд.
4. Ба қисми 1 моддаи 83 сархати панҷум бо мазмуни зайл илова карда шавад:
"- насаб, ном ва номи падари шахси пардохткунандаи музди экспертизаи давлатии судӣ;".
5. Ба моддаи 107 қисми 4 бо мазмуни зайл илова карда шавад:
"4. Нисбат ба таъинот шахсе, ки ҷаримабандӣ шудааст, метавонад шикояти хусусӣ пешниҳод намояд.".
6. Ба сархати чоруми моддаи 124 пас аз калимаи "манфиатдор" калимаҳои "ё ситонидани алимент ба тариқи устувор" илова карда шаванд.
7. Дар моддаи 127:
- дар номи модда калимаҳои "қабули ариза" ба калимаҳои "қабул ва баргардонидани ариза" иваз карда шаванд;
- дар қисми 1 калимаҳои "қабули аризаро" ба калимаи "аризаро" иваз карда, пас аз калимаи "фармон" калимаҳои "баргардонад ё қабули онро" илова карда шаванд;
- қисмҳои 3 ва 4 дар таҳрири зайл ифода карда шаванд:
"3. Судя дар хусуси рад намудани қабули ариза ё баргардонидани он дар давоми се рӯз аз рӯзи воридшавии ариза ба суд таъинот қабул карда, нусхаи онро дар мӯҳлати на дертар аз ду рӯз ба ситонанда ирсол менамояд.
4. Ситонанда нисбат ба таъинот дар бораи рад намудани қабули ариза оид ба қабули фармон ё баргардонидани он дар мӯҳлати даҳ рӯз аз рӯзи гирифтани нусхаи он метавонад шикояти хусусӣ пешниҳод намояд.".
8. Дар моддаи 128:
- ба қисми 1 пас аз калимаи "норасоиҳо" калимаҳои "панҷ рӯз" илова карда шаванд;
- дар қисми 3 калимаҳои "шахсони иштирокчии парванда метавонанд шикояти хусусӣ пешниҳод намоянд" ба калимаҳои "дар мӯҳлати даҳ рӯз аз рӯзи гирифтани нусхаи он ситонанда метавонад шикояти хусусӣ пешниҳод намояд" иваз карда шаванд.
9. Ба қисми 1 моддаи 129 пас аз калимаи "суд" калимаҳои  ", дар сурати беҳаракат монондани ариза бошад, пас аз ислоҳи норасоиҳо дар ҳамин мӯҳлат" илова карда шаванд.
10. Дар моддаи 130:
- дар қисми 2 калимаи "сана" ба калимаҳои "рӯз, моҳ, сол" иваз карда шавад;
- қисми 3 дар таҳрири зайл ифода карда шавад:
"3. Фармон дар бланки расмӣ дар нусхаи аслӣ ва нусхаҳо мутаносибан ба теъдоди ситонандаҳо ва қарздорон тартиб дода шуда, ба он судя имзо мегузорад ва он бо мӯҳри нишондори суд тасдиқ карда мешавад.".
11. Ба моддаи 131 пас аз калимаи "фармонро" калимаҳои "на дертар аз як рӯз пас аз қабул кардани он" илова карда шаванд.
12. Ба қисми 1 моддаи 138 сархати якум бо мазмуни зайл илова карда шавад:
"- аз ҷониби даъвогар (аризадиҳанда) тартиби пешбининамудаи қонунгузорӣ оиди бо роҳи ғайрисудӣ ҳал намудани баҳс (ариза) риоя нашуда бошад;".
13. Дар моддаи 162:
- ба қисми 3 пас аз калимаи "кардаанд," калимаҳои "таъинот қабул карда," илова карда шаванд;
- аз қисми 4 калимаҳои "парвандаи ҷиноятӣ оғоз менамояд ё" хориҷ карда шаванд.
14. Қисми 5 моддаи 176 хориҷ карда шавад.
15. Қисми 5 моддаи 177 хориҷ карда шавад.
16. Дар қисми 1 моддаи 210 калимаи "метавонад" ба калимаи "бояд" иваз карда шавад.
17. Дар моддаи 231:
- аз қисми 3 калимаҳои "парвандаи ҷиноятӣ оғоз менамояд ё" хориҷ карда шаванд;
- қисми 4 бо мазмуни зайл илова карда шавад:
"4. Нисбат ба таъиноти хусусӣ шахсони иштирокчии парванда ва шахси нисбаташ таъиноти хусусӣ қабулгардида метавонанд шикояти хусусӣ пешниҳод намоянд.".
18. Матни моддаи 248 қисми 1 ҳисобида, ба он қисми 2 бо мазмуни зайл илова карда шавад:
"2. Ҳангоми номаълум будани маҳалли воқеии истиқомати ҷавобгар, судя баъди аз ҷониби ташкилоти истифодаи манзил ё мақомоти худидоракунии шаҳрак ва деҳот ва ё маъмурияти ҷойи кори охирини ҷавобгар бо тасдиқи номуайян будани маҳалли зисти воқеии ҷавобгар баргардонидани нусхаи ҳалнома, дар ҳолатҳои истисноие, ки ин ба манфиатҳои ноболиғон дахл дорад, оид ба ошкоро супоридани ҳалномаи ғоибона таъинот қабул мекунад. Дар таъинот талаботҳои дар қисми 2 моддаи 121 ҳамин Кодекс пешбинишуда нишон дода шуда, нусхаи он аз рӯзи қабул шуданаш дар ҷойи эълонҳои судӣ ҷойгир карда мешавад. Ҳалномаи ғоибона пас аз гузаштани як моҳ аз рӯзи ҷойгир кардани нусхаи таъинот дар ҷойи эълонҳои судӣ ба ҷавобгар ба таври ошкоро супоридашуда ҳисоб ёфта, пас аз ин бо гузаштани мӯҳлати пешбининамудаи моддаи 242 ҳамин Кодекс эътибори қонунӣ пайдо мекунад.".
19. Ба моддаи 283 қисми 4 бо мазмуни зайл илова карда шавад:
"4. Ҳангоми омодасозии парванда ба муҳокимаи судӣ судя дар хусуси ба нашр расонидани эълон дар воситаҳои ахбори оммаи ҷумҳуриявӣ дар бораи дар суд оғоз кардани парвандаи гражданӣ дар бораи бедарак ғоибшуда ё дар хусуси фавтида эълон намудани шахс таъинот қабул менамояд. Нусхаи таъинот дар рӯзи дигари пас аз қабул шуданаш барои нашр фиристонида мешавад. Маблағи нашри эълон аз ҳисоби аризадиҳанда пардохта мешавад.".
20. Матни моддаи 350 қисми 1 ҳисобида, ба он қисми 2 бо мазмуни зайл илова карда шавад:
"2. Дар сурати ду маротиба бекор карда шудани ҳалномаҳои судӣ вобаста ба парвандаи мушаххас, ин парвандаро ба баррасии ҳамин суд ба сифати суди марҳилаи якум ирсол менамояд.".
21. Матни моддаи 362 қисми 1 ҳисобида, ба он қисми 2 бо мазмуни зайл илова карда шавад:
"2. Ҳангоми ба суди марҳилаи кассатсионӣ ворид гардидани шикояти кассатсионӣ ё эътирози кассатсионӣ ва ё эътирозу шикоятҳои хусусӣ, оид ба як санади судӣ, онҳо якҷоя баррасӣ карда шуда, як қарор қабул карда мешавад.".
22. Дар қисми 1 моддаи 371 калимаи "судя" ба калимаҳои "судяи суди марҳилаи назоратӣ" иваз карда шавад.
23. Қисми 5 моддаи 375 дар таҳрири зайл ифода карда шавад:
"5. Ҳангоми баррасии парванда бо тартиби назоратӣ ҳамаи масъалаҳо бо овоздиҳии ошкоро ва бо тарафдории на камтар аз се ду ҳиссаи овозҳо қабул карда мешаванд.".
24. Матни моддаи 379 қисми 1 ҳисобида, ба он қисми 2 бо мазмуни зайл илова карда шавад:
"2. Дар сурати ду маротиба бекор карда шудани ҳалномаҳо ва қарорҳои судӣ вобаста ба парвандаи мушаххас, ин парвандаро ба баррасии ҳамин суд ба сифати суди марҳилаи якум ирсол менамояд.".
25. Ба матни моддаи 418 пас аз калимаи "шудааст," калимаҳои "бо пешниҳод" илова карда шаванд.
26. Ба ном ва матни моддаи 419 пас аз калимаҳои "Батаъхиргузорӣ" ва "ба таъхир гузоштан" калимаҳои ", дароз намудан" илова карда шаванд.
27. Дар моддаҳои 421, 422, 423, 424 ва 425 калимаҳои "ҷараёни" ва "Ҷараёни" мутаносибан ба калимаҳои "истеҳсолоти", "Истеҳсолоти" иваз карда шаванд.
28. Номи моддаи  423 дар таҳрири зайл ифода карда шавад:
"Моддаи 423. Боздоштан ва аз нав оғоз кардани истеҳсолоти иҷро".
29. Моддаи 427 дар таҳрири зайл ифода карда шавад:
"Моддаи 427. Шикоят нисбат ба қарор, амали (беамалии) иҷрочии суд
Ситонанда ё қарздор метавонад нисбат ба қарор, амали (беамалии) иҷрочии суд оид ба иҷрои санадҳои суд, санадҳои мақомоти дигар  ё рад кардани иҷрои чунин амалҳо шикоят  пешниҳод намояд. Шикоят ба суде, ки дар ҳудуди фаъолияти он иҷрочии суд ӯҳдадориҳои худро анҷом медиҳад, дар мӯҳлати даҳ рӯз аз рӯзи қабули қарор, амали (беамалии) иҷрочии суд, рад кардани иҷрои чунин амалҳо ё аз рӯзе, ки ситонанда ё қарздор аз қабули қарор, амал (беамалӣ) ё рад кардани иҷрои чунин амалҳо аз тарафи иҷрочии суд огоҳӣ ёфтаанд, пешниҳод карда мешавад.".
30. Ба Кодекс моддаи 4271 бо мазмуни зайл илова карда шавад:
"Моддаи 4271. Мӯҳлат ва тартиби баррасии шикоят нисбат ба қарор, амали (беамалии) иҷрочии суд
Суд шикоятро нисбат  ба қарор, амали (беамалии) иҷрочии суд дар мӯҳлати даҳ рӯз бо иштироки ситонанда, қарздор ва иҷрочии суд баррасӣ мекунад. Ба маҷлиси судӣ ҳозир нашудани шахсони зикргардида, ки ба таври дахлдор оид ба вақт ва маҳалли гузаронидани маҷлиси судӣ огоҳ гардидаанд, барои баррасии шикоят монеа шуда наметавонад. Доир ба натиҷаи баррасии шикоят ҳалнома қабул карда мешавад.".
Моддаи 2. Қонуни мазкур пас аз интишори расмӣ мавриди амал қарор дода шавад.

Президенти Ҷумҳурии Тоҷикистон    Эмомалӣ РАҲМОН
ш. Душанбе, 3 июли соли 2012, №871


Қарори Маҷлиси намояндагони
 Маҷлиси Олии Ҷумҳурии Тоҷикистон
Оид ба қабул намудани Қонуни Ҷумҳурии Тоҷикистон "Дар бораи ворид намудани тағйиру иловаҳо ба Кодекси мурофиавии граждании Ҷумҳурии Тоҷикистон"
Маҷлиси намояндагони Маҷлиси Олии  Ҷумҳурии Тоҷикистон қарор мекунад:
Қонуни Ҷумҳурии Тоҷикистон "Дар бораи ворид  намудани тағйиру иловаҳо ба Кодекси мурофиавии граждании Ҷумҳурии Тоҷикистон" қабул карда шавад.

Раиси Маҷлиси намояндагони
Маҷлиси Олии Ҷумҳурии Тоҷикистон        Ш. ЗУҲУРОВ
ш. Душанбе, 25 апрели соли 2012,  № 745

Қарори Маҷлиси миллии
Маҷлиси Олии Ҷумҳурии Тоҷикистон
Оид ба Қонуни Ҷумҳурии Тоҷикистон "Дар бораи ворид намудани тағйиру иловаҳо ба Кодекси мурофиавии граждании Ҷумҳурии Тоҷикистон"
Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон "Дар бораи ворид намудани тағйиру иловаҳо ба Кодекси мурофиавии граждании Ҷумҳурии Тоҷикистон"-ро баррасӣ намуда, қарор мекунад:
Қонуни Ҷумҳурии Тоҷикистон "Дар бораи ворид намудани тағйиру иловаҳо ба Кодекси мурофиавии граждании Ҷумҳурии Тоҷикистон" ҷонибдорӣ карда шавад.

Раиси Маҷлиси миллии Маҷлиси
 Олии Ҷумҳурии Тоҷикистон                 М. УБАЙДУЛЛОЕВ
ш. Душанбе, 14 июни соли 2012, № 321


Баёни ақида (0)    Санаи нашр: 12.07.12    №: 92-93    Мутолиа карданд: 769

19.11.2018


Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд


Дар сомонаҳои дигари Тоҷикистон хонед