logo

сафарҳо

Иштироки Эмомалӣ Раҳмон дар вохӯрии ғайрирасмии сарони давлатҳо

Рӯзҳои 19 ва 20 декабр Президенти Ҷумҳурии Тоҷикистон Эмомалӣ Раҳмон баҳри иштирок дар вохӯрии ғайрирасмии сарони давлатҳои Арманистон, Русия, Тоҷикистон ва Қазоқистону Қирғизистон дар шаҳраки Бурабойи вилояти Акмалаи Ҷумҳурии Қазоқистон қарор дошт.
Сардори Тоҷикистон Эмомалӣ Раҳмон ва сарони дигар давлатҳои мазкурро Президенти Ҷумҳурии Қазоқистон Нурсултон Назарбоев як –як истиқбол гирифт.
Дар мулоқоти ғайрирасмӣ масоили ҷорӣ ва дурнамои муносибатҳои миёни давлатҳои мазкур дар чаҳорчӯби Иттиҳоди Давлатҳои Мустақил, Созмони аҳдномаи амнияти дастаҷамъӣ ва Ҷомеаи иқтисодии АврОсиё баррасӣ шуд.
Мавзӯи асосии сӯҳбат андешидани чораҳои муштарак ва дарёфти роҳҳои коҳишдиҳии таъсири бӯҳрони ҷаҳонии молиявӣ   ба ин кишварҳо буд.
Президенти Ҷумҳурии Тоҷикистон Эмомалӣ Раҳмон таваҷҷӯҳи ҳозиринро ба масоили умдаи имрӯза, аз ҷумла танзими муҳоҷирати меҳнатӣ, тарифҳои интиқоли мусофирон ва маҳсулот дар роҳи оҳан ва дигар воситаҳои нақлиёт  ва масъалаҳои амнияти минтақавӣ ҷалб намуда, кишварҳои қаламрави Иттиҳоди Давлатҳои Мустақилро ба ҳамкории наздик ва дастгирии ҳамдигар даъват намуд.
Сарони дигар давлатҳо низ таъкид бар он доштанд, ки кишварҳои қаламрави Иттиҳоди Давлатҳои Мустақил дар муқобили бӯҳрони ҷаҳонии молиявӣ бояд ҳамбастагии наздик нишон диҳанд, то таъсири манфии он дастаҷамъона коҳиш дода шавад.
Ба нақши Тоҷикистон ва саҳми бевоситаи Сардори давлат Эмомалӣ Раҳмон дар роҳи муттаҳидсозии имконоти муштараки кишварҳои қаламрави собиқ Иттиҳоди Шӯравӣ баҳои баланд дода шуд.
Ба густариши ҳамкориҳо дар чаҳорчӯби Созмони аҳдномаи амнияти дастаҷамъӣ низ таваҷҷӯҳи зиёд зоҳир шуд, аз ҷумла баҳри омӯзиши дақиқи авзои кунунии Афғонистон ва пешгирӣ аз хатари паҳншавии терроризму экстремизми байналмилалӣ ва гардиши ғайриқонунии маводи мухаддир.
Дар ҳошияи ин ҳамоиши ғайрирасмӣ       Президенти Ҷумҳурии Тоҷикистон Эмомалӣ Раҳмон ҳамчунин бо Президенти Ҷумҳурии Қазоқистон Нурсултон Назарбоев мулоқот намуд.
Дар вохӯрӣ масоили татбиқи амалии санадҳои ҳамкории ду кишвар дар соҳаҳои иқтисод ва савдо, сармоягузорӣ, муносибатҳои байнибонкӣ, энергетика, нақлиёт, кишоварзӣ, илму маориф ва фарҳанг баррасӣ шуданд.
Аз сатҳи муносибатҳои стратегии байни Тоҷикистону Қазоқистон ва афзоиши мубодилоти молу маҳсулот, ки ҳар сол ба ҳисоби миёна ба 20-30 дар сад баробар мешавад, изҳори қаноатмандӣ шуд.
Сарони ду давлат қарор карданд, ки баҳри коҳиш додани таъсири манфии бӯҳрони ҷаҳонии молиявӣ ҳамгироиҳоро тақвият диҳанд.
Қарор дода шуд, ки Қазоқистон бар ивази қарзи давлатие, ки дар назди Тоҷикистон дорад, ба кишвари мо дар мавсими зимистони солҳои 2008-2009 гандум, сӯзишвории дизелӣ ва мазут диҳад. Хотиррасон бояд кард, ки маблағи қарзи мазкур 11 миллиону 479 ҳазор доллари ИМА-ро ташкил медиҳад.
Суръат бахшидан ба сармоягузориҳои Қазоқистон ба иқтисодиёти Тоҷикистон, аз ҷумла баҳри бунёди корхонаҳои муштараки саноатӣ, як нерӯгоҳи миёнаиқтидори обӣ дар болои яке аз шохобҳои дарёи Вахш ва дигар тадбирҳо зарур шумурда шуданд.
Оид ба татбиқи амалии нақшаҳои муштараки нақлиётию коммуникатсионӣ  баҳри бунёди роҳи оҳан ва мошингарди миёни Қазоқистону Қирғизистону Тоҷикистон бо пайвастшавӣ ба Афғонистону Эрон низ гуфтугӯйи судманд анҷом ёфт.
Таваҷҷӯҳи зиёд ҳамчунин ба масоили танзими муҳоҷирати меҳнатӣ зоҳир гардид. Пешниҳод шуд, ки вазоратҳои корҳои дохилии ду кишвар намояндагии худро оид ба муҳоҷират дар пойтахтҳои ҳамдигар дошта бошанд.
Дар вохӯрӣ ҳамчунин оид ба ҳамгироиҳои муштарак дар чаҳорчӯби Иттиҳоди Давлатҳои Мустақил, Созмони аҳдномаи амнияти дастаҷамъӣ, Ҷомеаи иқтисодии АврОсиё ва доир ба дигар мавзӯъҳои мавриди таваҷҷӯҳ, аз ҷумла масоили вобаста ба амнияти минтақавӣ ва авзои кунунии Афғонистон гуфтугӯ сурат гирифт.


Баёни ақида (0)    Санаи нашр:    №:    Мутолиа карданд: 714

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед