logo

муҳоҷират

Муҳоҷиронро бо гулдастаҳо пешвоз гирифтанд

8 октябри соли равон дар ҳаёти беш аз 100 оилаи муҳоҷири шаҳри Роғун рӯйдоди хотирмон ба вуқӯъ пайваст. Корвони микроавтобусҳои "Ҳундай-экспресс" онҳоро бо роҳбаладии раиси шаҳри Роғун Шариф Шарифов ба  Ҷамоати деҳоти Эсанбойи ноҳияи Рӯдакӣ расонд. Муҳоҷиронро дар ин мавзеъ сокинони деҳаҳои Навбунёду Ишқобод ва роҳбарони як қатор идораю ташкилотҳои ноҳияи Рӯдакӣ бо гулдастаҳо ва нидоҳои "Хуш омадед!"  пешвоз гирифтанд.
Раиси ноҳияи Рӯдакӣ Саидмурод Тағоев муҳоҷиронро хайрамақдам гуфта, зикр кард, ки бо мақсади амалӣ намудани иқдоми Ҳукумати Ҷумҳурии Тоҷикистон дар мавриди таъмини 100 оилаи  муҳоҷирони дохилии шаҳри Роғун бо заминҳои наздиҳавлӣ дар мавзеи деҳаи Навбунёди Ҷамоати деҳоти Эсанбой чораҳои фаврӣ андешида шуданд. Мувофиқи қарорҳои Ҳукумати ҷумҳурӣ "Дар бораи гирифтан ва ба мақомоти иҷроияи маҳаллии ҳокимияти давлатии шаҳру ноҳияҳо додани қитъаҳои замин" (аз 11 ноябри соли 2010, №603), "Дар бораи муҳоҷирати дохилии аҳолӣ аз ноҳияҳои камзамин ва сераҳолии кӯҳистон ба водиҳои дорои заминҳои бекорхобидаи ҷумҳурӣ дар солҳои 2013 - 2015" (аз 3 декабри соли 2012, №677) ва дигар санадҳои дахлдор Нақшаи генералии  ин мавзеъ, бо назардошти қитъаи замин барои 100 оила, бунёди мактаб, майдони  варзишӣ, кӯдакистон, дорухона, мағозаю роҳҳо ва дигар иншооти иҷтимоӣ тартиб дода шудааст.  Ба ҳар як оилаи муҳоҷир дар асоси қуръакашӣ 0,12 га қитъаи замин ҷудо мешавад. Ҳукумати ҷумҳурӣ ин қитъаҳоро ройгон дода, ба мерос  гузоштанашонро барои  аъзои оилаҳо муқаррар кардааст.
Муовини аввали вазири меҳнат ва ҳифзи иҷтимоии аҳолӣ Темур Табаров таъкид намуд, ки Сарвари давлат роҳбарияти вазоратро муваззаф намудааст, ки ба ҳар як оилаи муҳоҷир  дар ҳаҷми 3000 сомонӣ қарзи имтиёзнок ҷудо карда, барои ройгон овардани ҷиҳози хонаҳояшон бо нақлиёт таъмин созад.
- Дар шаҳри Роғун дар хонаи 3-ҳуҷрагӣ се оила зиндагӣ мекардем.  Ба Сарвари давлатамон, муҳтарам Эмомалӣ Раҳмон миннатдорӣ баён мекунам, ки ба арзи мо расид. Ба шарофати ин марди бузург ва дурандеш имрӯз дар ҳаётам рӯйдоди фаромӯшношуданӣ ба вуқӯъ омада, орзуи хонаводаи мо, дар бораи соҳиби қитъаи замин гардидан, ҷомаи амал пӯшид, - гуфт Фатҳалӣ Зайбуддинов.
- Имрӯз ман барои худаму бародарам Баҳриддин, ки  дар Роғун бо 5 оилаи серфарзанду сернабера ва 4 келин дар хонаи сеҳуҷрагӣ зиндагӣ доштем. Насиб бошад, мо ҳар кадом           соҳиби 12 сотих замин мешавему дар ҳамсоягӣ рӯзгорамонро пеш мебарем. Мефахрем, ки ин рӯзҳои нек таҳти сарварию роҳбарии муҳтарам Эмомалӣ Раҳмон насиби мо гардиданд, - ме-гӯяд нафақахӯр Тасвир Собиров.
 Мувофиқи нақшаи генералии дар асоси Қарори Ҳукумати Ҷумҳурии Тоҷикистон таҳти №677, аз 12 декабри соли 2012 тартибдодашуда, дар ин мавзеъ барои муҳоҷирони дохилӣ аз шаҳри Роғун ва дигар минтақаҳои кишвар ҷудо кардани 326 қитъаи замин пешбинӣ гардидааст. Бинобар ин, комиссияи ҷамъиятӣ боз ному насаби 10 нафар муҳоҷири шаҳри Роғунро, ки дар рӯйхати қуръакашон набуданд,  ба рӯйхати иловагӣ ворид кард.
Ҳамин тавр, рӯзгори мардум бо саъю талошҳо ва  сиёсати хирадмандонаи Президенти Тоҷикистон, муҳтарам  Эмомалӣ Раҳмон рӯз ба рӯз беҳтар шуда, умеду эътимоди тоҷикону тоҷикистониён ба  Сарвари давлат қавитар мегардад. 

Эмом НАЗАРОВ,
"Ҷумҳурият"


Баёни ақида (0)    Санаи нашр: 12.10.13    №: 134-135    Мутолиа карданд: 15096
11.06.2021


СУҒД. НАПАРДОХТАНИ ҲАҚҚИ ИСТИФОДАИ ОБ МУШКИЛИ ҲАЛТАЛАБ БОҚӢ МЕМОНАД

08.06.2021


ҲИСОР. Муовини Сарвазир аз иншооти ҷашнӣ дидан кард

КИТОБХОНАҲОИ ХУРДИ САЙЁР ТАҶРИБАИ НАВ ДАР РОҲИ ДОНИШАНДӮЗӢ

САЙЁҲӢ. БАРРАСИИ МАСОИЛИ РУШД МИЁНИ ҶУМҲУРИҲОИ ТОҶИКИСТОН ВА ӮЗБЕКИСТОН

ИҶТИМОИЁТ. НИЁЗМАНДОН ҲАМЕША МАВРИДИ ТАВАҶҶУҲАНД

ТОҶИКИСТОН ВА ӮЗБЕКИСТОН. УФУҚҲОИ НАВИ ҲАМКОРӢ

МАРАФОНИ ВЕЛОСИПЕДРОНӢ БАРГУЗОР МЕШАВАД

«ҶУМҲУРИЯТ» ДАР КОБУЛ. СИПОСИ ЛАШКАРӢ БА РӮЗНОМАИ № 1- И ТОҶИКИСТОН

04.06.2021


ФУТЗАЛ

Путин бори дигар шаҳрвандонро ба эмгузаронӣ даъват намуд

Ҷаҳон дар як сатр

10 ДОВТАЛАБИ БЕҲТАРИН

03.06.2021


ВКХ Чин: «Муносиботи Чин бо Россия дар сатҳи олӣ қарор дорад»

КИТОБИ КОРМАНДИ «ҶУМҲУРИЯТ» БА ЗАБОНИ ӮЗБЕКӢ НАШР ШУД

МИНТАҚАИ КӮЛОБ. ГУРӮҲИ ТАБЛИҒОТӢ НАЗДИКИ 50 ВОХӮРӢ АНҶОМ ДОД

02.06.2021


Лавров: «Россия ба иқдомҳои муғризонаи ИА аксуламал нишон медиҳад»

ҶАҲОН ДАР ЯК САТР

ДАНҒАРА. ҲАДАФ: ҲИФЗИ ҲУҚУҚИ КӮДАКОН

26.05.2021


ЁДБУДИ НАФАСБЕК РАҲМОНӢ

28 май Путин бо Лукашенко вомехӯрад

Ҷаҳон дар як сатр

БОКС

ШУНАВАНДАГОНИ КУРСИ “ЗАН - САРВАР” - И ВМКБ СОҲИБИ ШАҲОДАТНОМА ГАРДИДАНД

25.05.2021


Р А Ш Т. ЁРӢ БА ЗАРАРДИДАГОНИ ВИЛОЯТИ ХАТЛОН

21.05.2021


"ШАБЕ ДАР ОСОРХОНА"-И МИЛЛИИ ТОҶИКИСТОН

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

19.05.2021


ВОХӮРИИ СИРОҶИДДИН МУҲРИДДИН БО ВЛАДИМИР МАКЕЙ

ДАСТРАСӢ БА ИТТИЛООТИ СУДӢ. ҚАБУЛИ ЛОИҲАИ ҚОНУНЕ, КИ МАҚОМОТИ СУДИРО БА ВАО НАЗДИК МЕСОЗАД

ИЗҲОРОТИ ПРЕЗИДЕНТИ РОССИЯ ВЛАДИМИР ПУТИН

ҶАҲОН ДАР ЯК САТР

ФУТБОЛ. ҲАЙАТИ ТИМИ МИЛЛӢ МУАЙЯН ШУД

18.05.2021


ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД БАРГУЗОР МЕШАВАД

ХОВАЛИНГ. ИШТИРОКИ 780 ПАҲЛАВОН ДАР ГӮШТИИ ҶУМҲУРИЯВӢ

ВАРЗИШИ САБУК

ӮЗБЕКИСТОН 10 ИФРОТГАРОРО МЕҶӮЯД


Дар сомонаҳои дигари Тоҷикистон хонед