logo

ҳуқуқ

АРТИШИ МИЛЛӢ. САФИ ҶАВОНМАРДОНИ ВАТАНДӮСТ МЕАФЗОЯД

Даъвати ҷавонон ба сафи Қувваҳои Мусаллаҳи ҷумҳурӣ 1 октябри соли ҷорӣ шурӯъ шуда, то 10 октябр дар ҷумҳурӣ 46 дарсади нақша иҷро гардидааст. Комиссариатҳои ҳарбии ноҳияҳои Дарвоз, Ишкошим ва Мурғоби ВМКБ, Кӯҳистони Мастчоҳ, Истиқлол, Спитамен, Зафаробод ва Шаҳристони вилояти Суғд, Носири Хусрав ва Шамсиддин Шоҳини вилояти Хатлон нақшаи даъватро пеш аз муҳлат иҷро карданд.
Дар ин бора аз Маркази матбуоти Вазорати мудофиаи Ҷумҳурии Тоҷикистон ба «Ҷумҳурият» хабар доданд. Ба иттилои манбаъ, нақшаи даъвати ҷавонон ба Артиши миллӣ то 10 октябр дар вилояти Хатлон 44 дарсад, Суғд 58, ВМКБ 71, шаҳру ноҳияҳои тобеи ҷумҳурӣ 36 ва чор ноҳияи шаҳри Душанбе 40 дарсад иҷро шудааст.
Имсол ноҳияи Дарвоз аввалин шуда нақшаи даъвати тирамоҳиро иҷро кард. Умедҷон Носирзода, муовини аввали раиси ноҳияи Дарвоз, ҳамзамон раиси комиссияи даъвати тирамоҳӣ, зимни суҳбати телефонӣ дар ин хусус, аз ҷумла чунин гуфт: «Сафари корие, ки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, 14 сентябри соли ҷорӣ, ба ноҳияи Дарвоз доштанд, сокинон ва ҷавонони синни даъватиро рӯҳбаланд гардонд. Зеро Сарвари давлат дар мавзеи Яхчисори Ҷамоати деҳоти Нулванд хонаҳои навбунёдеро, ки барои аҳолии аз офати табиат зарардида бунёд гардида буданд, дар фазои тантанавӣ ба истифода доданд. Натиҷаи ҳамин буд, ки ҷавонони сарбаланди ноҳия ҷавобан ба ғамхориҳои давлату Ҳукумати мамлакат ихтиёрӣ ба комиссариати ҳарбӣ ҳозир шуданд».
Ба гуфтаи Умедҷон Носирзода, дар ноҳия барои ҷавононе, ки ба таври ихтиёрӣ ба хизмати ҳарбӣ мераванд, курси ройгони ронандагӣ ташкил шудааст. Наваскарон пеш аз хизмат дар ин ҷо таҳсил карда, соҳиби шаҳодатномаи ронандагӣ мешаванд. Ба ҷавонони оиладори маҳаллӣ, ки дар қисми низомии ноҳия хизмат мекунанд, иҷозат дода шудааст, ки рӯзҳои истироҳат ба хонаҳояшон раванд. Барои онҳое, ки аз дигар минтақаҳои ҷумҳурӣ хизмат мекунанд, дар қисми низомӣ хонаи вохӯрии сарбозон бо оилаҳояшон фаъолият мекунад.
Ёдрас мешавем, ки мавсими даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон 1 октябри соли ҷорӣ оғоз гардида, то 31 ноябр идома меёбад.
Лашкар ШАРИФ, «Ҷумҳурият»


Баёни ақида (0)    Санаи нашр: 12.10.2017    №: 213    Мутолиа карданд: 1487
16.09.2021


Ҷаласаи муштараки ШВКХ, ШВМ ва ККША СААД

ПАҲЛАВОНИ ТОҶИК - СОҲИБИ ШОҲҶОИЗА

СОЗИШНОМАИ БМТ БО БОНКИ МАРКАЗИИ РОССИЯ

ТОҶИКОБОД. НИЁЗМАНДОН ДАСТГИРӢ ЁФТАНД

ҶИУ-ҶИТСУ

МУЛОҚОТИ ЭМОМАЛӢ РАҲМОН БО НИКОЛ ПАШИНЯН

15.09.2021


Лоиҳаи Қонун «Дар бораи фаъолияти инжинирингӣ» баррасӣ гашт

ЛИГАИ ҚАҲРАМОНҲО

Рӯйдодҳои илмӣ

ХУҶАНД. БОЗ ЧАНД ИНШООТИ НАВИ ҶАШНӢ ДАР ХИЗМАТИ СОКИНОН

14.09.2021


Нахустин вохӯрии сарварони кишварҳои узви СҲШ ва СААД оид ба вазъи Афғонистон дар Душанбе

МАКТАБИ СИЁСИИ ПЕШВОИ МИЛЛАТ КОРШИНОСОНУ МУҲАҚҚИҚОНИ ДОХИЛУ ХОРИҶРО БА ҲАМ МЕОРАД

“МАРҲАБО БА 20-СОЛАГИИ СҲШ”

I БОЗИҲОИ КИШВАРҲОИ ИДМ

ЛАХШ. ИММУНИЗАТСИЯ БО МАРОМ ИДОМА ДОРАД

13.09.2021


Маҷаллаи «Diplomatisches Magazin» дастовардҳои Тоҷикистонро муаррифӣ намуд

Дар Афғонистон ҷанг бо «Толибон» дубора авҷ гирифт

Ҷаҳон дар як сатр

ГӮШТИИ МИЛЛӢ

«ФАРҲАНГИ ДОРО»-И ДОРО

«ЧОРСӮ» ДАР КӮЛОБ МАКТАБ СОХТ

СУДҲОИ ИҚТИСОДӢ САМАРАИ СОҲИБИСТИҚЛОЛИИ ДАВЛАТИАНД

ТАНТАНАИ ҶАШНИ МИЛЛӢ ДАР МУРҒОБ

08.09.2021


Маҷлиси намояндагон Қонуни авфро қабул кард

Задухӯрдҳои шадид дар водии Панҷшери Афғонистон идома доранд

Ҷаҳон дар як сатр

I БОЗИҲОИ КИШВАРҲОИ ИДМ

СОЗМОНИ ҲАМКОРИИ ШАНХАЙ. БАРРАСИИ МАСЪАЛАҲОИ МУҲОҶИРАТ

ТАҶЛИЛИ 30-СОЛАГИИ ИСТИҚЛОЛ ДАР БМТ

06.09.2021


БОЗИҲОИ ПАРАЛИМПӢ

03.09.2021


Шумораи махсуси маҷаллаи “Business Central Asia” бахшида ба 30-солагии Истиқлоли давлатии Тоҷикистон

«ТАШАББУСҲОИ ПРЕЗИДЕНТИ ҶУМҲУРИИ ТОҶИКИСТОН ЭМОМАЛӢ РАҲМОН ДАР ТАНЗИМИ МАСЪАЛАИ АФҒОНИСТОН»

ТЕАТРИ ТОҶИК ДАР ДАҲГОНАИ БЕҲТАРИН

«АЗ ҚАЛЪАИ ДИЛ ТО ҚАЛЪАИ САНГИН»

ЛЕВАКАНТ. ИФТИТОҲИ БОРГОҲИ НАВИ МАЪРИФАТ


Дар сомонаҳои дигари Тоҷикистон хонед