logo

ҳуқуқ

МИЛИТСИЯ НЕРУИ МУҚТАДИР ВА БОЭЪТИМОД

Дар даврони соҳибистиқлолӣ сохторҳои қудратии кишвар, бахусус мақомоти корҳои дохилӣ,  фаъолияташонро дар ростои дифоъ аз ҳуқуқу озодиҳои инсон ва шаҳрванд, ҳифзи манфиатҳои ҷомеаву давлат, мубориза алайҳи ҷинояткориву қонуншиканиҳо, ошкорсозиву баррасии онҳо, муборизаи қатъӣ бар зидди ҷиноятҳои хатарноки муосир, мисли терроризми байналмилалӣ, ифротгароӣ, ҷудоихоҳӣ, харидуфурӯши одамон, муомилоти ғайриқонунии маводи мухаддир ва ҷиноятҳои фаромиллӣ, равона намудаанд. Пайомади ҳамин саъю талошҳои шабонарӯзист, ки дар Тоҷикистони соҳибистиқлол сулҳу оромӣ, суботи сиёсӣ, ваҳдату якпорчагии миллӣ ва рӯҳияи созандагию бунёдкорӣ ҳукмфармост.
Бо назардошти хизматҳои шоиста, махсусан, барои шуҷоату мардонагӣ ва содиқона иҷро намудани уҳдадорию вазифаҳои хизматӣ тайи солҳои соҳибистиқлолӣ бо фармонҳои Президенти Ҷумҳурии Тоҷикистон садҳо нафар кормандони милитсия бо ордену медал ва рутбаҳои олии ҳарбӣ сарфароз гардонда шуданд.
Ифтитоҳи бинои нави Академияи Вазорати корҳои дохилӣ, ки моҳи сентябри соли ҷорӣ дар арафаи Ҷашни Истиқлолияти давлатӣ ва Рӯзи дониш бо иштироки Пешвои миллат муҳтарам Эмомалӣ Раҳмон сурат гирифт, яке аз намунаҳои дастгирии давлату Ҳукумати ҷумҳурӣ барои пешрафти ин соҳа мебошад. Сарвари давлат онро туҳфаи беҳтарини Президенти кишвар ба курсантҳои ин боргоҳи илм арзёбӣ намуда, зикр сохтанд, ки Академияи Вазорати корҳои дохилӣ ба сифати муассисаи таҳсилоти олии касбӣ дар тарбияи кадрҳои баландихтисос барои мақомоти ҳифзи ҳуқуқ саҳми назаррас дошта, кормандону хатмкардагони он дар мубориза бар зидди ҷинояткорӣ, таъмини волоияти қонун ва таҳкими сулҳу суботи кишварамон фидокорона заҳмат кашида, ба Ватан ва халқи Тоҷикистон содиқона хизмат карда истодаанд.
Дар доираи таҷлил аз 23 - юмин солгарди қабули Конститутсияи Ҷумҳурии Тоҷикистон, 6 ноябр, бо иштироки Пешвои муаззами миллат муҳтарам Эмомалӣ Раҳмон дар шаҳри Душанбе бинои нави Раёсати кофтукови ҷиноятии Вазорати корҳои дохилӣ мавриди баҳрабардорӣ қарор гирифт. Сарвари давлат ифтитоҳи ин иншооти замонавиро барои кормандони раёсати кофтукови ҷиноятӣ туҳфаи арзишманди Ҳукумати мамлакат арзёбӣ карда, онҳоро ба хизмати содиқона бар нафъи давлату миллат ҳидоят намуданд.
Дар даврони соҳибистиқлолӣ ҳамкориҳои Вазорати корҳои дохилии  Ҷумҳурии Тоҷикистон бо мақомоти марбутаи кишварҳои хориҷии дуру наздик тақвият ёфт. Ин ниҳод ҳамчун узви як қатор созмонҳои бонуфузи байналмилалӣ, аз қабили Шӯрои вазирони корҳои дохилии Иттиҳоди Давлатҳои Мустақил, Шӯрои вазирони корҳои дохилии давлатҳои аъзои Созмони ҳамкории Шанхай, бюрои Интерпол ва  Созмони аҳдномаи амнияти дастаҷамъӣ дар ҳалли масъалаҳои муҳими сатҳи минтақавию ҷаҳонӣ мавқеи хосса дорад.
Афзудани эътимоду боварии мардум ба мақомоти корҳои дохилӣ ва робитаи бештари онҳо бо милитсия аз он шаҳодат медиҳад, ки шаҳрвандон дар симои кормандони милитсия ҳимоятгари ҳуқуқу озодӣ, моликият ва суботу оромиро дар ҷомеа дида, ҳамкории худро бо ин ниҳод бештару беҳтар менамоянд.                 
Додоҷон РӮЗИЕВ, «Ҷумҳурият»


Баёни ақида (0)    Санаи нашр: 10.11.2017    №: 230    Мутолиа карданд: 1462
16.09.2021


Ҷаласаи муштараки ШВКХ, ШВМ ва ККША СААД

ПАҲЛАВОНИ ТОҶИК - СОҲИБИ ШОҲҶОИЗА

СОЗИШНОМАИ БМТ БО БОНКИ МАРКАЗИИ РОССИЯ

ТОҶИКОБОД. НИЁЗМАНДОН ДАСТГИРӢ ЁФТАНД

ҶИУ-ҶИТСУ

МУЛОҚОТИ ЭМОМАЛӢ РАҲМОН БО НИКОЛ ПАШИНЯН

15.09.2021


Лоиҳаи Қонун «Дар бораи фаъолияти инжинирингӣ» баррасӣ гашт

ЛИГАИ ҚАҲРАМОНҲО

Рӯйдодҳои илмӣ

ХУҶАНД. БОЗ ЧАНД ИНШООТИ НАВИ ҶАШНӢ ДАР ХИЗМАТИ СОКИНОН

14.09.2021


Нахустин вохӯрии сарварони кишварҳои узви СҲШ ва СААД оид ба вазъи Афғонистон дар Душанбе

МАКТАБИ СИЁСИИ ПЕШВОИ МИЛЛАТ КОРШИНОСОНУ МУҲАҚҚИҚОНИ ДОХИЛУ ХОРИҶРО БА ҲАМ МЕОРАД

“МАРҲАБО БА 20-СОЛАГИИ СҲШ”

I БОЗИҲОИ КИШВАРҲОИ ИДМ

ЛАХШ. ИММУНИЗАТСИЯ БО МАРОМ ИДОМА ДОРАД

13.09.2021


Маҷаллаи «Diplomatisches Magazin» дастовардҳои Тоҷикистонро муаррифӣ намуд

Дар Афғонистон ҷанг бо «Толибон» дубора авҷ гирифт

Ҷаҳон дар як сатр

ГӮШТИИ МИЛЛӢ

«ФАРҲАНГИ ДОРО»-И ДОРО

«ЧОРСӮ» ДАР КӮЛОБ МАКТАБ СОХТ

СУДҲОИ ИҚТИСОДӢ САМАРАИ СОҲИБИСТИҚЛОЛИИ ДАВЛАТИАНД

ТАНТАНАИ ҶАШНИ МИЛЛӢ ДАР МУРҒОБ

08.09.2021


Маҷлиси намояндагон Қонуни авфро қабул кард

Задухӯрдҳои шадид дар водии Панҷшери Афғонистон идома доранд

Ҷаҳон дар як сатр

I БОЗИҲОИ КИШВАРҲОИ ИДМ

СОЗМОНИ ҲАМКОРИИ ШАНХАЙ. БАРРАСИИ МАСЪАЛАҲОИ МУҲОҶИРАТ

ТАҶЛИЛИ 30-СОЛАГИИ ИСТИҚЛОЛ ДАР БМТ

06.09.2021


БОЗИҲОИ ПАРАЛИМПӢ

03.09.2021


Шумораи махсуси маҷаллаи “Business Central Asia” бахшида ба 30-солагии Истиқлоли давлатии Тоҷикистон

«ТАШАББУСҲОИ ПРЕЗИДЕНТИ ҶУМҲУРИИ ТОҶИКИСТОН ЭМОМАЛӢ РАҲМОН ДАР ТАНЗИМИ МАСЪАЛАИ АФҒОНИСТОН»

ТЕАТРИ ТОҶИК ДАР ДАҲГОНАИ БЕҲТАРИН

«АЗ ҚАЛЪАИ ДИЛ ТО ҚАЛЪАИ САНГИН»

ЛЕВАКАНТ. ИФТИТОҲИ БОРГОҲИ НАВИ МАЪРИФАТ


Дар сомонаҳои дигари Тоҷикистон хонед