logo

иқтисод

ИСТИҚЛОЛИЯТ ВА РУШДИ ИХТИРОЪКОРӢ

Дар Тоҷикистон танҳо пас аз ба даст омадани Истиқлолияти давлатӣ як қатор қонунҳои зарурӣ оид ба ҳифзи ҳуқуқии моликияти зеҳнӣ қабул гардиданд, ки ба пешрафти ихтироъкорию навоварӣ мусоидат намуданд. Дар баробари ин, Тоҷикистон ба узвияти қариб ҳамаи ташкилоту созмонҳои байналмилалии соҳаи моликияти зеҳнӣ пазируфта шуд, ки ин барои фаъолияти ихтироъкорону навоварони ватанӣ имкону шароити беҳтар фароҳам овард.
28 майи соли 1993 Маркази миллии патенту иттилооти Ҷумҳурии Тоҷикистон таъсис ёфт, ки яке аз самтҳои афзалиятноки фаъолияти он ҳифзи манфиатҳо дар соҳаи моликияти саноатӣ, инчунин, ҳамоҳанг сохтани фаъолияти ихтироъкорӣ дар мамлакат мебошад. Бо қабули қонунҳои Ҷумҳурии Тоҷикистон «Дар бораи ихтироъ» ва «Дар бораи намунаҳои саноатӣ» дар ҷумҳурӣ шакли патентии ҳифзи ҳуқуқии ихтироот ва намунаҳои саноатӣ ба пуррагӣ ҳукми қонунро гирифт.
Шакли патентии ҳифзи ҳуқуқии объектҳои моликияти саноатӣ ба эҷодкор (ихтироъкор) дар муддати муқаррарнамудаи қонун гирифтани манфиат- ро кафолат медиҳад. Баъд аз гузаштани муҳлати муқарраршуда ихтироъ ҳамчун дастоварди миллӣ мавриди истифодаи умум қарор мегирад.
Мақоме, ки дар ҷумҳурии мо аз номи давлат ҳуҷҷати ҳуқуқи соҳибмулкро тасдиқ ва ҳаҷми онро муқаррар менамояд. Муассисаи давлатии «Маркази миллии патенту иттилоот» мебошад. Муассиса дар доираи салоҳияти худ ва коргузории махсус расондани маълумотро оид ба навоварии техникӣ, аз тарафи мақомоти давлатии салоҳиятдор (экспертизаи ихтироот) санҷидани он, ки дар ҳақиқат пешниҳоди мазкур манфиату сатҳи техникӣ дорад ё не ва аз номи давлат додани ҳуҷҷати муҳофизатии махсуси кафолатдиҳандаи ҳуқуқҳои муаллифро таъмин месозад.
Ҳуқуқҳои дорандаи патент ва нахустпатент характери мусбии истисноӣ ва оҷилӣ доранд. Патент, ки ҳифзи ғояҳои беҳамто, нав ва фоидаоварро таъмин менамояд, ба ихтироъкор паноҳгоҳи муваққатиро аз қувваҳои рақобаткунандаи бозорӣ фароҳам меоварад. Ин паноҳгоҳ бо шартҳои мушаххаси формулаи ихтироъ, ки дар патент нишон дода шудаанд, маҳдуд, вале солҳои зиёд боэътимод аст. Асоси системаи патентӣ аз он иборат аст, ки ин паноҳгоҳ ва бартарии рақобатнок ихтироъкориро ҳавасманд менамояд, зеро ихтироъкорон медонанд, ки барои фаъолияти босамар соҳиби мукофоти молиявӣ мегарданд.
Сиёсати фаъоли патентӣ ба истифодаи пурсамари патентҳо ва моҳиятан, ба самару рушди иқтисодӣ мусоидат менамояд. Дар сурати муносибати дуруст патент чун ҳавасмандсозандаи муҳим барои самаранокии инноватсияҳои миллӣ, тадқиқоту коркардҳо, тавлиди маҳсулоти нав ва бастани созишномаҳо хизмат карда, таъсири мусоиди макро ва микроиқтисодӣ мерасонад.
Сорбони САИДҶАЛОЛ,
коршиноси Маркази миллии
патенту иттилоот


Баёни ақида (0)    Санаи нашр: 27.12.2018    №: 257-258    Мутолиа карданд: 712
12.08.2022


ИҚДОМИ НАВБАТИИ РУСТАМИ ЭМОМАЛӢ

11.08.2022


СОҲИБКОРОНИ КРАСНОЯРСК: "МЕВАҲОИ ТОҶИКИСТОН ЛАЗИЗТАРАНД!"

Вазирони мудофиаи Тоҷикистон ва Ӯзбекистон қарордод имзо карданд

ШАҲРИНАВ. ТАТБИҚИ ДАСТУРҲОИ САРВАРИ ДАВЛАТ РУШДИ НОҲИЯРО ТАҚВИЯТ МЕБАХШАД

10.08.2022


Ҷаласаи Комиссияи байниҳукуматии Тоҷикистону Гурҷистон доир мегардад

09.08.2022


ИФТИТОҲИ КОНСУЛГАРИИ ФАХРИИ ТОҶИКИСТОН ДАР БАТУМИ

ВАРЗИШ

08.08.2022


“Пешвои миллат ва рушди Тоҷикистони соҳибистиқлол”

НИШАСТИ МАТБУОТӢ

ВАРЗИШ

05.08.2022


Тоҷикистон ҷонибдори тамомияти арзии Чин мебошад

НИШАСТИ МАТБУОТӢ

ТОШКЕНТ. ЯК АНҶУМАНИ МУҲИМ

04.08.2022


Ба зарурати таҳкими ҳамкориҳо таъкид шуд

НИШАСТИ МАТБУОТӢ

СОЗМОНИ ҲАМКОРИИ ШАНХАЙ. БЕШ АЗ 10 ДАВЛАТИ ҶАҲОН ХОСТОРИ УЗВИЯТАНД

ВАРЗИШ

КӮЛОБ. ИФТИТОҲИ НАМОИШИ “ТОҶИКИСТОН – КИШВАРИ ДАРЁҲОИ ТИЛЛОӢ”

03.08.2022


Таҳкими ҳамкорӣ бо кишварҳои арабии Халиҷ

НИШАСТИ МАТБУОТӢ

ТОҶИКИСТОН - САРЗАМИНИ ОБҲОИ ШИФОБАХШ

02.08.2022


НИШАСТИ МАТБУОТӢ

ММТ. ИМКОНИЯТИ ДУБОРА БА ДОВТАЛАБОН

01.08.2022


Пули 760-метра сохта мешавад

НИШАСТИ МАТБУОТӢ

«РОҒУН». ЧАРО БУЗУРГТАРИН СОХТМОНИ АСР ДАР ОСОРИ АҲЛИ ҚАЛАМ КАМ ИНЪИКОС МЕШАВАД?

МУЛОҚОТИ ҲОКИМ ХОЛИҚЗОДА БО САФИРИ ҶОПОН ДАР ТОҶИКИСТОН

ВАРЗИШ

29.07.2022


НИШАСТИ МАТБУОТӢ

27.07.2022


Ҷаласаи вазирони кишоварзии СҲШ

Мулоқотҳои сатҳи ИДМ дар Нур-Султон дар шакли ҳузурӣ баргузор мегарданд

ҶАҲОН ДАР ЯК САТР

ҲОЛАТҲОИ ФАВҚУЛОДА. ТАҲКИМИ ЗАРФИЯТҲО ДАР ПЕШГИРӢ ВА РАФЪИ ПАЙОМАДҲОИ ЭҲТИМОЛӢ

ОЛИМПИАДАИ ҶАҲОНӢ

НИШАСТИ МАТБУОТӢ


Дар сомонаҳои дигари Тоҷикистон хонед