logo

иқтисод

РОҲСОЗӢ. ИҚДОМҲОИ ВАТАНДӮСТОНА ДАР БОХТАР

Дар замони соҳибистиқлолии мамлакат ба шарофати талошу заҳматҳои Сарвари давлат муҳтарам Эмомалӣ Раҳмон фаъолияти кулли бахшҳо рӯ ба беҳбудӣ оварданд. Аз ҷумла,   созандагиҳо дар самти сохтмони роҳу пулҳо авҷи тоза гирифтанд. Бо дастгирии Ҳукумати кишвар Муассисаи давлатии идораи хоҷагии роҳҳои автомобилгарди минтақаи Бохтар фаъолияти босамару чашмрас нишон дода, дар  сохтмон, азнавсозӣ ва нигоҳдории роҳу пулҳо, иншооти дигар саҳми калон гузоштанд.  Тӯли даҳ моҳи соли ҷорӣ низ, сарфи назар аз мушкилоти норасоии моддию техникӣ, масъулони муассиса корҳои зиёди созандагӣ анҷом доданд. 

Аҳли заҳмати муассиса масъулияти таъмиру нигоҳдории 2749,2 километр роҳи автомобилгарди бай-налмилалию ҷумҳуриявӣ ва маҳаллиро ба уҳда доранд. Тавре сардори идора Нас-рулло Файзуллозода гуфт, рисолати онҳо таъмини иншооти босифати роҳу нақлиёт, нигоҳдории дурусти инфрасохтори мавҷуда ва ниҳоят раҳоии мамлакат аз бунбасти коммуникатсионӣ ва табдил додани он  ба кишвари транзитист. 
Дар давраи ҳисоботӣ барои таъмиру нигоҳдории ҷодаҳои минтақа аз ҳисоби Буҷети давлатӣ  2 миллиону 812 ҳазору 700 сомонӣ масраф гардидааст. Муассисаи номбурда имсол дар натиҷаи ҳамкориҳои дурусту натиҷабахш ва хидматрасониҳои шартномавӣ 748 ҳазор сомонӣ даромади соф ба даст овард. Бо ин маблағ ба ғайр аз  ҳисобӣ кардани эҳтиёҷоти идора, ҳамзамон, корҳои роҳсозии зиёд сурат гирифт, ки ҷамъи онҳо аз 300 ҳазор сомонӣ бештар аст. 
Аз буҷети  шаҳру навоҳие, ки хидматрасонии онҳо бар дӯши кормандони зерсохторҳои муассисаи номбурда  аст, ҳамагӣ 1 миллиону 277 ҳазор сомонӣ ҷудо шудааст, ки ин нисбат ба соли 2018 қариб 198 ҳазор сомонӣ кам аст. Ба гуфтаи мутахассисони соҳа, агар ин маблағро ба моҳҳо тақсим кунем, ба ҳисоби миёна барои таъмиру нигоҳдории ҳар километр роҳ дар минтақа ҳамагӣ 73 сомонӣ рост меояд, ки нисбат ба эҳтиёҷот садҳо маротиба кам аст.
Хушбахтона, соҳибкорони ватандӯст дар доираи дастуру супоришҳои Ҳукумати мамлакат баробари дигар ободкориҳо барои бунёду навсозии иншооти роҳ иқдомҳои хайрхоҳона пеш мегиранд.  Соли равон аз ҳисоби онҳо дар минтақаи Бохтар бо харҷи беш аз 20 миллиону 700 ҳазор сомонӣ 94 километр  роҳ таъмири ҷорӣ, 28,4 километри дигар таъмири асосӣ,  497 километр сангфарш ва  қабати болоии 31 километр роҳ навсозию мумфарш гардид. Ҳамчунин,  дар  62 кӯпрук, дар маҷмӯъ, 529 метр таъмир сурат гирифт ва  8 метр қубур хобонда шуда,  як истгоҳ навсозӣ  ва  45 метр ҷӯйи бетонӣ сохта  шуд.
Насрулло Файзуллозода изҳор дошт, ки  бо мақсади таъмини бехатарии ҳаракати воситаҳои нақлиёт ба фасли зимистон муассиса ва сохторҳои тобеи он дар сатҳи хуб омода шудаанд. Маводи зидди лағжиш, ҳезум, ангишт ва сӯзишвории дизелӣ мувофиқи зарурат 100 дарсад захира гардидаанд. То имрӯз 67 техникаю воситаҳои нақлиёт бо мақсади рафъи оқибатҳои боришот ва ҳолатҳои дигар пурра тайёр шудаанд. Аз ҷумла, 22 – тои онҳо дар ағбаҳои минтақаи Бохтар истифода мешаванд.
Тавре масъулони бахши идораи роҳҳои минтақа гуфтанд, имрӯзҳо бо дастгирии Ҳукумати кишвар ва соҳибкорон соҳа рӯ ба беҳбудӣ овардааст. Ягона мушкили онҳо куҳна будани 20 дарсади техника ва  бо душворӣ дастрас шудани қисмҳои эҳтиётии  навъҳои ҷопонии онҳо, инчунин, нарасидани дастгоҳ барои кашидани хатҳои уфуқӣ дар роҳ мебошад, ки умед аст дар ояндаи наздик роҳи ҳал пайдо менамояд. 

Зокир ҲАСАН,
“Ҷумҳурият”


Баёни ақида (0)    Санаи нашр: 30.11.2019    №: 227    Мутолиа карданд: 983
30.07.2021


Миёни вазоратҳои корҳои хориҷии Тоҷикистон ва Баҳрайн машварат доир шуд

АЗ НИШАСТҲОИ МАТБУОТӢ

28.07.2021


Санаи сафари давлатии Пешвои миллат ба Туркманистон дақиқ шуд

ФУТЗАЛ

ҶАҲОН ДАР ЯК САТР

Тамринҳои низомӣ дар марз бо Афғонистон бо иштироки 1,5 ҳазор нафар аз се кишвар

АЗ НИШАСТҲОИ МАТБУОТӢ

ҚАЛЪАИ ЯМЧУН БАРҚАРОР МЕГАРДАД

27.07.2021


Бознашри мақола ва мусоҳибаи Президенти Тоҷикистон дар ВАО-и Ӯзбекистон

АЗ НИШАСТҲОИ МАТБУОТӢ

ТОҶИКИСТОН. БЕШ АЗ 80 ДАРСАДИ РОҲБАРОНИ ШИРКАТҲОИ САЙЁҲӢ ҶАВОНОНАНД

Якчанд фармондеҳи "Толибон" дар Афғонистон боздошт шуданд

Варзиш

26.07.2021


МАРКАЗИ МАТБУОТИ ҚӮШУНҲОИ САРҲАДӢ ХАБАР МЕДИҲАД

ХАТЛОН. ТАЪСИСИ 48 КОРХОНАВУ КОРГОҲ ДАР ШАШ МОҲ

АЗ НИШАСТҲОИ МАТБУОТӢ

ММТ. Натиҷаи озмуни тақсимоти асосӣ эълон гардид

Варзиш

AFP: “ИМА амалиётҳои ҳавоиро дар Афғонистон дар сурати ҳамлаҳои нави “Толибон” идома медиҳанд”

Ҷаҳон дар як сатр

ВМКБ. МАҶМӮИ МАҲСУЛОТИ МИНТАҚАВӢ БА 454,2 МИЛЛИОН СОМОНӢ РАСИД

23.07.2021


Ҳушдор аз эҳтимоли омадани селҳои пиряхӣ

АЗ НИШАСТҲОИ МАТБУОТӢ

РАШТ. ҶАВОНМАРДОН БАРОИ ҲИФЗИ САРҲАД ОМОДААНД

ХАТЛОН. МАШҚҲОИ ОМОДАГИИ ҲАРБӢ БО МАҚСАДИ ДИФОЪ АЗ ВАТАН

САРВАЗИРИ МАМЛАКАТ АЗ ҲОЛИ ЗАРАРДИДАГОНИ ОФАТИ ТАБИӢ ДИДАН КАРД

АЗ НИШАСТҲОИ МАТБУОТӢ

21.07.2021


Туҳфаи Пешвои миллат - «Тоҷикон» ба сокинони ноҳияи Ашт

АЗ НИШАСТҲОИ МАТБУОТӢ

Сарвари СҶТ роҳи боздоштани пандемияи коронавирусро ошкор кард

Пирӯзии «Истиқлол» бар «Металлург»

Аз нишастҳои матбуотӣ

Нокомии музокироти Ҳукумати Афғонистон ва ҳаракати «Толибон»

Ҷаҳон дар як сатр

16.07.2021


Рушди сайёҳӣ дар шароити пандемияи COVID- 19 баррасӣ шуд


Дар сомонаҳои дигари Тоҷикистон хонед